எங்கள் வலைப்பூவை [ஸ்]வாசிக்க வந்த உங்களை வரவேற்கிறேன்.

Tuesday, December 12, 2017

படமும் புதிரும் – எங்கள் பிளாக்-க்கு போட்டியா?


எங்கள் பிளாக் வலைப்பூவில் ஒவ்வொரு புதன் கிழமையும் புதிர் போட்டுக் கொண்டிருந்தார்கள். சென்ற வாரத்தில் புதிருக்கு பதிலாக ”வார வம்பு” பதிவு வந்தது. சரி அதற்கென்ன இப்போது என்ற கேள்வி எழுமுன், பதில் சொல்லி விடுகிறேன்.

இன்றைக்கு வந்திருக்க வேண்டிய பதிவு வெளியிட முடியவில்லை. அதனால் இப்போது சில படங்கள் தந்திருக்கிறேன் – அந்த படங்கள் பற்றியது தான் புதிர்! முடிந்தால் பதில் சொல்லுங்களேன்.

Monday, December 11, 2017

கஜ்ஜியாரிலிருந்து காலா டாப் – நடையும் உழைப்பாளிகளும்


இரண்டாம் தலைநகரம் – பயணத் தொடர் – பகுதி 18

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


நடக்கலாம் வாங்க.....
படம்: நண்பர் பிரமோத்..

நண்பர்கள் ஓய்வு எடுக்கப் போவதாகச் சொல்லி விட, நான் மட்டும் மாலை நேரத்தில் கொஞ்சம் நடந்து வரலாம் என நினைத்தேன். அறையிலிருந்து வெளியே வர, தங்குமிடச் சிப்பந்தி, இரவு உணவுக்கு என்ன தேவை என்பதைக் கேட்டார். ஐந்து பேருக்கும் தேவையானது Simple Tawa roti, dhal, Sabji மட்டும் என்பதைச் சொல்ல, சரி 08.00 மணிக்குள் தயார் செய்து விடுகிறேன் என்று சொல்லி, இன்னுமொரு சிப்பந்தியை அழைத்து, Fresh-ஆக காய்கறிகள் வாங்கி வரச் சொன்னார். இந்த மாதிரி இடங்களில் தேவைக்கேற்ப, அவ்வப்போது காய்கறி வாங்கிக்கொள்ளலாம். வந்திருக்கும் விருந்தினர்களிடம் கேட்டு பிறகு சமையல் செய்து தருவார்கள் என்பதால் சுடச்சுடவும், புதியதாகவும் சாப்பிடக் கிடைக்கும். நகரங்களில் பெரும்பாலான இடங்களில் Deep Freezer-ல் சமைத்து வைத்திருந்தவற்றை சூடு செய்து கொடுத்து விடுவார்கள்!

Sunday, December 10, 2017

காவேரிக் கரையிருக்கு – புகைப்பட உலா


பல மாதங்களாக வரண்டு கிடந்த காவேரி ஆற்றைப் பார்த்துப் பார்த்து மனதில் ஆற்றாமை மட்டுமே. ஒவ்வொரு முறையும் ஒன்றாம் எண் பேருந்தில் திருவரங்கத்திலிருது போகும்போதும் வரும்போதும், வறண்டு கிடக்கும் காவேரி ஆற்றைப் பார்க்கும் போது, “எப்படி இருந்த ஆறு, இப்படி ஆகி விட்டதே” என்று தோன்றுவதுண்டு.  எப்போதாவது தண்ணீர் வரத்து இருந்துவிட்டால், தண்ணீர் இருக்கும் காவேரி பார்த்து மனதில் அப்படி ஒரு மகிழ்ச்சி பொங்கும். 

Saturday, December 9, 2017

கதம்பம் – ஒரு சூப்பர் டான்ஸ் – மொட்டைமாடி காட்சிகள் – மண் வாணலி!



ஒரு சூப்பர் டான்ஸ்!



கடவுளின் படைப்பில் தான் எத்தனை அற்புதம்!!! சமீபத்தில் வீட்டின் சமையலறைக்குள் சுவற்றில் பார்த்த ஒரு உயிரினம். என்னமா டான்ஸ் ஆடுது பாருங்க. ஜிந்தாத்தா ஜிந்தா ஜிந்தா ஜிந்தாத்தா! என்ன டான்ஸ் பாருங்க.




மொட்டை மாடிக் காட்சிகள்

சமீபத்தில் மாலை நேரத்தில் மொட்டை மாடிக்குச் சென்ற போது கண்ட காட்சிகள்! இயற்கையின் அழகு – புகைப்படங்களாய் -உங்கள் பார்வைக்கு!






மண் வாணலி


சமீபத்தில் தான் இந்த வாணலியை வாங்கினேன். குழம்பு, கூட்டு செய்ய ஏற்கனவே ஒரு சட்டி ஐந்து வருடமாய் என்னிடத்தில் உண்டு! தினசரி சமையல் அதில் தான். மண்பாத்திர சமையலில் அடுத்த கட்டமாக இந்த வாணலி.

இதைப் பழக்க ஆரம்பிக்க உங்களிடம் டிப்ஸ் ஏதாவது இருந்தால் சொல்லுங்களேன்! தெரிந்து கொள்கிறேன். எண்ணெய் தடவி அடுப்பில் வைத்து எடுக்கணும் என்று வாசித்த ஞாபகம்.

வெங்கி’ஸ் கார்னர்: [என்னவரின் முகப்புத்தக இற்றை ஒன்று!]

ராஜா காது கழுதைக் காது.....

இன்று மதியம் தலைநகரின் பிரபலமான ஒரு இடத்தில்....

பின்னணியில் அந்த இடம் இருக்க, ஒரு இளம் ஜோடி - பெண் ஆணையும், ஆண் பெண்ணையும் தனித்தனியே புகைப்படம் எடுத்துக் கொண்டிருந்தார்கள் - இரண்டு பேரும் சேர்ந்து செல்ஃபி எடுக்கவில்லை. சுற்றுலா வந்திருக்கும் தமிழர்கள் போலும்!

ஆண் நிற்க, பெண் அவரது அலைபேசி மூலம் புகைப்படம் எடுத்த போது, சொன்னது - “லூசு லூசு... கண்ணை ஏன் மூடிக்கற, நல்ல திறந்து வை!”

ஆண் ஒன்றும் சொல்லவில்லை என்றாலும் சொல்ல நினைத்திருப்பார் - “சூரியனை பார்த்து கண்ணை மூடாம, எப்படிம்மா நல்ல திறந்து வைக்கறது!”

நான் சிரிப்பதைப் பார்த்து ஹிந்திக்கார நண்பர் கேட்க விவரித்தேன் - அவருக்கும் புன்னகை!

உங்கள் கருத்துகளை பின்னூட்டத்தில் சொல்லலாமே!

மீண்டும் ச[சி]ந்திப்போம்....

நட்புடன்

ஆதி வெங்கட்
திருவரங்கத்திலிருந்து....


Friday, December 8, 2017

கஜ்ஜியார் – இந்தியாவின் மினி ஸ்விஸ்….


இரண்டாம் தலைநகரம் – பயணத் தொடர் – பகுதி 17

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


கஜ்ஜியார் - இந்தியாவின் மினி ஸ்விஸ்....


கஜ்ஜியார் - இந்தியாவின் மினி ஸ்விஸ்....
நண்பர் எடுத்த படங்களில் ஒன்று....

Thursday, December 7, 2017

அட்டையில் ரங்கோலி…..


ஷூ/செருப்பு வாங்கும்போது அட்டைப்பெட்டியில் தருவார்களே, அதை வெட்டி, ஒட்டி, வண்ணம் தீட்டி செய்த ரங்கோலி!



பிடிச்சுருக்கா சொல்லுங்களேன்!

ரோஷ்ணி வெங்கட்


Wednesday, December 6, 2017

சுக் எனும் ஊறுகாய் – வித்தியாசமாக ஒரு பீன்ஸ் - அருங்காட்சியகம்


இரண்டாம் தலைநகரம் – பயணத் தொடர் – பகுதி 16

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


வித்தியாசமான ஒரு பீன்ஸ்!
இதன் பெயர் லுங்டூ.... வித்தியாசமா இருக்குல்ல!


மாயமானை ராமன் துரத்திச் சென்ற காட்சி!
சம்பா ஓவியமாக....

லக்ஷ்மி நாராயண் மந்திரில் இருந்து புறப்பட்டு chசம்பா நகரின் பிரதான வீதி வழியே நடந்து கொண்டிருந்த போது, ஒரு கடையின் பதாகை நிற்க வைத்தது.  CHசம்பா நகர் பற்றி சொல்லும் போது மூன்று விஷயங்களைச் சொல்வது இவர்களது வழக்கம்.  சுக் என அழைக்கப்படும் மிளகாய் ஊறுகாய், சம்பா ஓவியங்கள் மற்றும் சம்பாவின் செருப்பு – நாங்கள் பார்த்த கடையின் பதாகையில் சுக் விற்பனை பற்றி எழுதி இருக்க நின்று விட்டோம். இந்த chசுக் எப்படிச் செய்வது என்பது பற்றி எனது பக்கத்தில் ஏற்கனவே எழுதி இருக்கிறேன். படிக்காதவர்கள் வசதிக்காக இங்கே அதன் இணைப்பு மீண்டும் தந்திருக்கிறேன்.

Tuesday, December 5, 2017

அதிகாலையில் கேட்ட காதல் கதை…..





நாம் சந்திக்கும் ஒவ்வொரு மனிதரும் தமக்குள் ஏதோ ஒரு கதையை தனக்குள் புதைத்து வைத்திருக்கிறார்கள். வெகு சிலரே அந்த கதை பற்றிப் பேசுகிறார்கள். பெரும்பாலானவர்கள் தனது கதையைப் பற்றி யாரிடமும் பேசுவதில்லை, பிரஸ்தாபிப்பது இல்லை. சிறுகதை எழுதுபவர்கள் கதைக்கான கருவை தேடிக்கொண்டே இருக்கிறார்கள். எனக்கும் கதைக்கும் ரொம்பவே தூரம். சமீபத்தில் எழுதிய ஒரு பதிவிற்குக் கூட தில்லையகத்து கீதா அவர்கள் “இது ஒரு கதைக்கான கரு” என்று சொல்லி இருந்தார்.  அவரையே நேரம் கிடைத்தால் எழுதச் சொல்லி இருப்பது இப்போது நினைவுக்கு வருகிறது! சரி அது ஒரு புறம் இருக்கட்டும், இப்போது இன்றைய பதிவுக்கு வருகிறேன்!

Monday, December 4, 2017

லக்ஷ்மி நாராயண் மந்திர் – பத்தாம் நூற்றாண்டு – இராஜாவின் இழப்பு


இரண்டாம் தலைநகரம் – பயணத் தொடர் – பகுதி 15

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


லக்ஷ்மி நாராயண் மந்திர், சம்பா....

ஜோத் என்ற மலைச்சிகரத்திலிருந்து புறப்பட மனதே இல்லாமல் புறப்பட்ட நாங்கள் அடுத்ததாய் சென்ற இடம் ஹிமாச்சலப் பிரதேசத்தின் chசம்பாவிற்கு. இங்கே பார்க்க வேண்டிய இடங்கள் சில உண்டு என்பதால் அங்கே தான் பயணம் செய்தோம். முதலாக நாங்கள் சென்ற இடம் பத்தாம் நூற்றாண்டில் கட்டப்பட்ட ஒரு அற்புதமான கோவில். கோவிலின் பெயர் லக்ஷ்மி நாராயண் மந்திர். கோவில் அருகே வாகனம் செல்லாது என்பதால் சற்றே தள்ளி வாகனத்தினை நிறுத்தி எங்களை இறக்கி விட்டார் ஓட்டுனர். கோவில் பார்த்ததும் அலைபேசியில் அழைத்தால், அதே இடத்திற்கு வாகனத்தினை கொண்டு வருவதாகச் சொல்லி அவர் புறப்பட்டார்.

Sunday, December 3, 2017

திருவையாறு கோவில் சிற்பங்கள் – புகைப்பட உலா



சமீபத்திய தமிழகப் பயணத்தின் போது விஜயவாடாவிலிருந்து வந்திருந்த நண்பர் குடும்பம், நான் மற்றும் பெரியம்மா ஒரு வாடகைக் கார் எடுத்துக் கொண்டு வரகூர் சென்ற போது அப்படியே திருவையாறு சென்று வந்தோம். அது பற்றி ஏற்கனவே ஒன்றிரண்டு பதிவுகள் எழுதி இருக்கிறேன்.

இந்த ஞாயிறில் திருவையாறு கோவிலில் எடுத்த சில படங்கள் – குறிப்பாக சிற்பங்களின் படங்கள் உங்கள் பார்வைக்கு!



Saturday, December 2, 2017

சாப்பிட வாங்க – தக்காளி தோசை [அ] அடை



தக்காளி தோசை

தக்காளி நிறைய இருந்ததால் தக்காளி தோசை செய்தேன். எப்போதும் செய்வது போல அல்லாது YouTube ல் Chitra murali's kitchen-ல் போய்ப்பார்த்து செய்தேன். மிகவும் சுவையாக இருந்தது. இவரைப் பற்றி மாத இதழில் ஒரு கட்டுரை வந்திருந்தது. ஆடம்பரம் இல்லாமல் இவருடைய கிச்சனிலேயே அன்றாடம் சமைப்பது போல் செய்து காட்டியுள்ளார்.

Friday, December 1, 2017

சாப்பிட வாங்க – கொத்தமல்லி பொடி



வாரச்சந்தையில் நானும் தோழியும் காய்கறி வாங்கினோம். எல்லாம் வாங்கிய பின் அண்ணே!! கறிவேப்பிலை, கொத்தமல்லி குடுங்க என்றேன்.

Thursday, November 30, 2017

ஜோத் என்றொரு மலைச்சிகரம் – அற்புத அனுபவம்



இரண்டாம் தலைநகரம் – பயணத் தொடர் – பகுதி 14

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


பனிபடர்ந்த மலைச்சிகரங்களும் இயற்கை எழிலும்...

Wednesday, November 29, 2017

இரண்டாம் நாள் – மலைச்சிகரம் நோக்கி – மாமா மருமான் உணவகம்


இரண்டாம் தலைநகரம் – பயணத் தொடர் – பகுதி 13

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


தங்குமிட ஜன்னல் வழியே தௌலாதார் மலைச்சிகரங்கள்....


வழியில் பார்த்த ஒரு ஆறு....
முதல் நாள் ஆட்டங்களில் கலந்து கொள்ளாத நானும் நண்பர் பிரமோத்-உம் காலையில் எழுந்து எங்கள் வேலைகளை முடித்துக் கொண்டு தயாரானோம். மற்ற அறையில் இருந்த மூன்று நண்பர்களும் ஒரு வழியாகத் தயாரானார்கள். முதல் நாள் எங்களுக்கு வாகனம் அளித்த சர்தார்ஜியிடம் பேசியதில் CHசம்பா மாவட்டத்தில் உள்ள இரண்டு மூன்று இடங்களைப் பற்றிச் சொல்லி அங்கே சென்று வாருங்கள் – மிக அழகிய இடம் என்று சொல்ல, அந்த இடங்களை நோக்கித் தான் எங்கள் இரண்டாம் நாள் பயணம் இருந்தது. மற்றவர்கள் தயாராகும் வரை அறையின் ஜன்னல் வழியே தெரியும் தரம்ஷாலா நகரின் பனிபடர்ந்த தௌலாதார் மலைகளையும், மலைகள் முழுவதும் கட்டியிருந்த வீடுகளையும் படம் பிடித்துக் கொண்டிருந்தேன். மலையே தெரியாத அளவிற்கு வீடுகள் கட்டி இருக்கிறார்கள்!

Tuesday, November 28, 2017

கதம்பம் – துணுக்கு சேகரிப்பு – ஓவியம் – பயமுறுத்திய விசிட்டர்


துணுக்கு சேகரிப்பு – பொழுதுபோக்கு



மாத இதழ்களில் வரும் உபயோகமுள்ள துணுக்குகள், டிப்ஸ்கள், ரெசிபிகளை கத்தரித்து அதை ஒரு பேப்பரில் ஒட்டி அதை ஒரு ஃபோல்டரில் போட்டு ஃபைல் பண்ணி வெச்சிருக்கேன்! அது அப்போ!!

Monday, November 27, 2017

சாப்பிட வாங்க - காலை உணவு - ராகி புட்டு!!




புட்டு செய்யலாம் என்று வாங்கிய ராகி மாவில் பெரும்பாலும் தோசை தான் செய்ய முடிந்தது. அதனால் மகள் நெடுநாட்களாக கேட்ட ராகி புட்டை இப்போது செய்து சாப்பிட்டாச்சு.

Sunday, November 26, 2017

ஆதி மஹோத்ஸவம் 2017 – புகைப்பட உலா


சமீபத்தில் தலைநகர் தில்லியில் நடந்த ஆதி மஹோத்ஸவம் நிகழ்வுக்குச் சென்று வந்தது பற்றி இரண்டு நாட்கள் முன்னர் பதிவிட்டிருந்தேன். இன்றைய ஞாயிறில் இன்னும் சில புகைப்படங்கள் உங்கள் பார்வைக்கு....


படம்-1: எனக்கும் இந்த நிலையா?

Saturday, November 25, 2017

ராதையும் கிருஷ்ணனும் - ரோஷ்ணி வெங்கட்

இரண்டு நாட்கள் முன்னர் வரைந்த ஒரு ஓவியம்....


ரோஷ்ணி வெங்கட்

Friday, November 24, 2017

இரவினில் ஆட்டம் - தங்கும்விடுதி - தரம்ஷாலா


இரண்டாம் தலைநகரம் – பயணத் தொடர் – பகுதி 12

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


டான்ஸ் பார்ட்டி!

அருங்காட்சியகத்தினைப் பார்த்த பிறகு வாகன ஓட்டிக்குக் கொடுக்க வேண்டிய பணத்தினைக் கொடுத்து அடுத்த நாள் எங்கே செல்ல வேண்டும் என்பதை முடிவு செய்து சொல்கிறோம் என அனுப்பி வைத்தோம். தரம்ஷாலாவின் பிரதான சாலைகளில் அப்படியே நடக்க, ஒரு மால் - அந்த ஊருக்கு அது பெரிய மால்! – தில்லியில் இருந்தால் ஒரு சிறு காம்ப்ளெக்ஸ் தென்பட்டது.  அங்கே நுழைந்து கொஞ்சம் விண்டோ ஷாப்பிங் – கொஞ்சம் கொறிக்க, சுவைக்க! இப்படியாக நடந்து கொண்டிருந்தபோது சாலை ஓரத்தில் கடை! டீக் கடை! கொஞ்சம் தேநீர் அருந்தினோம். சுவையான தேநீர் – மிதமான குளிருக்கு இதமாய் இருந்தது. வேடிக்கை பார்த்தபடியே நடக்க இன்னுமொரு கடை – அது நண்பர்களுக்குத் தேவையான கடை!

இம்முறை வந்திருந்தவர்களில் ஒருவர் மட்டும் எனக்குப் பழக்கமில்லாதவர். மற்ற இருவரும் பழக்கமானவர்கள் – என்னுடன் சில பயணங்கள் மேற்கொண்டவர்கள். அவர்களுக்கும் மதுப் பழக்கம் உண்டு என்றாலும் கொஞ்சம் நிதானமாகவே இருப்பவர்கள். புதியவர் கடையைப் பார்த்ததும் உடனே உள்ளே புகுந்து விட்டார். மூன்று பேருக்குத் தேவையான சரக்கை வாங்கிக் கொண்டு தங்குமிடம் நோக்கி நடந்தோம். பொதுவாக புதிய இடங்களில் இருக்கும்போது இப்படி சரக்கு அடிப்பதில் சில சிக்கல்கள் உண்டு. அங்கே அனுமதி உண்டா இல்லையா? அப்படி அனுமதி இல்லை எனில் எங்கே சரக்கடிக்க? என்ற கவலை ஏதுமில்லாமல் கைகளில் சரக்கோடு உள்ளே நுழைய அங்கே பார்த்த காட்சி – தங்கும்விடுதியின் உள்ளே தங்கி இருக்கும் பெரும்பாலானோர் ஏற்கனவே கச்சேரியை ஆரம்பித்திருந்தார்கள்! சில அறைவாசிகள் கச்சேரி முடிந்து வாசலில் பாட்டில்களும் எலும்புத்துண்டுகள் நிறைந்த தட்டுகளும் வைக்கப்பட்டிருந்தன.    

இரண்டு அறைகள் எடுத்திருந்தோம் என்பதால் நானும் நண்பரும் [என்னைப் போல சரக்கடிக்காதவர்!] ஒரு அறைக்குச் செல்ல, மற்ற மூவரும் அவர்களது அறைக்குச் சென்றார்கள். நாங்கள் கொஞ்சம் ஓய்வெடுத்து, அரை மணி நேரம் கழித்து மற்றவர்கள் அறைக்குச் சென்றால் “வெள்ளம் அடி!” துவங்கி இருந்தது – ஏற்கனவே இரண்டு ரவுண்டு உள்ளே போயாச்சாம்! சைட் டிஷ்-உம் சரக்கும் மாற்றி மாற்றி உள்ளே போய்க்கொண்டிருந்தது. சரி இரவு உணவு சாப்பிட உணவகத்திற்குப் போகலாம் என புறப்பட்டோம். பக்கத்திலேயே பிரதான சாலையிலிருந்த ஒரு உணவகத்தில் சைவம்-அசைவம் என இரண்டும் இருக்க அங்கே சென்றோம். சப்பாத்தி, சப்ஜி, ராய்த்தா, சலாட் என நான் சொல்ல, அவர்கள் சிக்கன், மட்டன் என சொல்லிக் கொண்டு, கால்களை – அதாங்க கோழியின் கால்களை கடித்து இழுத்தார்கள்.

இரவு உணவிற்குப் பிறகு நானும் என் அறை நண்பரும் கொஞ்சம் நடக்க, மற்ற மூவரும் இன்னும் கொஞ்சம் சரக்கு வாங்கிக் கொண்டு அறைக்குத் திரும்பினார்கள்! நாங்கள் தங்குமிடம் திரும்பியபோது மூவரில் ஒருவருக்கு பயங்கர போதை! கைலியை மடக்கிக் கட்டி – ஸ்வெட்டர் கழற்றி இருந்தார் – உள்ளே போன சரக்கு குளிரை மறக்கடிக்கவிட்டது போலும்! முதல் முறை குளிர் பிரதேசத்தில் வந்திருந்த அவருக்கு இது நல்லதல்ல எனச் சொல்ல, “ஹா… இதெல்லாம் பெரிய குளிரா?” என்று சத்தமாக பேசிக்கொண்டும், மற்றவர்களை வம்புக்கிழுத்தும் கொண்டிருந்தார். தள்ளாடியபடியே, மொட்டைமாடிக்குச் சென்று சிறிது நேரம் இருக்கலாம் என மூவரும் செல்ல நானும் என் நண்பரும் எங்கள் அறைக்குத் திரும்பினோம் – நண்பர் அவர்களிடம் சீக்கிரமா தூங்குங்க, நாளைக்கு காலையில் சுற்ற வேண்டும் என்று சொன்ன பிறகு.

தூங்கலாம் என நாங்கள் நினைத்தாலும் தூங்க இயலவில்லை. மேலே சென்றவர்கள் ஒரே ஆட்டம். இருவர் தன் நிலையில் இருக்க, பயங்கர போதையில் இருந்தவர் ஆடிக்கொண்டும், சத்தமிட்டபடியும் இருக்க, வேறு வழியில்லாமல் நண்பர் கதவைத் திறந்து கொண்டு மாடிக்குச் சென்று அனைவரையும் திட்டி, வெளியூர் வந்திருக்கும் சமயத்தில் பிரச்சனையை இழுத்து விட்டுக் கொள்ளாதீர்கள் என அறைக்குள் அடைத்தார். போதையில் என்ன செய்கிறோம் எனத் தெரியாத அளவிற்கு போதை! அவருக்கு வீட்டில் சரக்கு அடிக்க அத்தனை வாய்பில்லை என்பதால் இப்படி வெளியே வரும்போது நிறைய சரக்கு அடிப்பவராம்! என்னதான் வாய்ப்பு கிடைக்கிறது என்றாலும் தன் நிலை மறக்கும் அளவிற்கு சரக்கடிப்பது என்ன பழக்கமோ? அறைக்கு வந்த பிறகும் நீண்ட நேரம் பேச்சுச் சத்தம் வந்து கொண்டிருந்தது. தங்கும் விடுதியில் இருந்த பல அறைகளில், இரண்டு அல்லது மூன்று அறைகளிலிருந்து இப்படி சத்தம்!

காலையில் நாங்கள் எழுந்து தயாராக, அவர்கள் அறையில் நிசப்தம்! இரவு ஒன்றரை மணி வரை போதையில் பேச்சு தொடர்ந்திருக்கிறது – மற்ற இருவரும் அமைதியாக இருக்க, இவர் மட்டும் பேசிக் கொண்டே இருந்திருக்கிறார். அனைவரையும் தயாராகச் சொல்லிவிட்டு கீழே செல்ல, தங்கும் விடுதியின் உரிமையாளர் எங்களைப் பார்த்து புன்னகைத்து – “ராத்திரி கொஞ்சம் ஓவரோ?” எனக்கேட்க, ”நேரம்டா டேய்!” என நினைத்து, ”எங்களுக்கல்ல, மற்ற நண்பர் ஒருவருக்கு” எனச் சொல்லி சிரித்தோம். ”இரண்டு மணி வரை புலம்பிக் கொண்டே இருந்தாரே” என்று சொல்லி, ‘இன்னிக்கு காலி பண்ணிடுவீங்கதானே?” என்று கேட்டார்! முதல் நாள் வண்டி அனுப்பிய சர்தார்ஜியிடம் பேசினோம். அன்றைக்கு எங்கே செல்ல வேண்டும் என முடிவு செய்து வண்டி அனுப்பச் சொல்லி தேநீர் அருந்திய பிறகு அறைக்குத் திரும்பி தயாரானோம்.

இரவு முழுவதும் ஆடிய நண்பர், குளித்து முடித்து தயாராக இருந்தார். பார்க்கும்போதே தெரிந்தது அவருக்கு போதை தெளியவில்லை என.  எதற்காக இப்படி குடிக்க வேண்டும் என்ற கேள்விக்கு, கேரளாவில் சரக்கு விலை அதிகம், இங்கே குறைவாக இருக்கிறதே, ”காசுக்குக் காசு மிச்சம், ஜாலிக்கு ஜாலி” என்பதால் அடிக்கிறார்களாம்! நல்ல சாக்கு தான்! இரவு அடித்த சரக்கு ஒத்துக் கொள்ளவில்லை என்று தோன்றியது! நான் நினைத்தது சரியாகவே இருந்தது – அன்றைக்கு முழுவதும் அவர் Off! எல்லோரும் அவரை கிண்டல் செய்து கொண்டிருந்தோம். அவர் கேட்ட கேள்வி அப்படி – ”ராத்திரி ஏதும் ரொம்பவே பேசினேனோ?”

தொடர்ந்து பயணிப்போம்…

நட்புடன்

வெங்கட்

புது தில்லி. 

Thursday, November 23, 2017

சாமைசோறு – தினை வடை – சிக்கன் தாய் பூ - ஆதி மஹோத்ஸவம் 2017


சிக்கன் தாய் பூ


விற்பனைக்கு ஒரு ஓவியம்!

தில்லியில் ஏதாவது நிகழ்ச்சிகள் நடந்து கொண்டே இருக்கும் என சில பதிவுகள் முன்னர் எழுதி இருந்தது நினைவில் இருக்கலாம். இப்போதும் தலைநகர் தில்லியில் இரண்டு நிகழ்ச்சிகள் நடந்து கொண்டிருக்கின்றன. ஒன்று தில்லியின் பிரகதி மைதானில் நடக்கும் Trade Fair – நவம்பர் 14 முதல் 27 வரை எல்லா வருடங்களிலும் நடக்கும் நிகழ்வு இது. தில்லி மற்றும் சுற்றுப்புற பகுதிகளில் இருந்து இந்த நிகழ்வுக்கு செல்பவர்கள் ஏராளம். இந்த வருடமும் நடந்து கொண்டிருக்கிறது. இன்னும் செல்லவில்லை. நான் சென்றது இரண்டாம் நிகழ்வான ஆதி மஹோத்ஸவம். இந்தியா முழுவதிலும் இருந்து ஆதிவாசிகளை வரவழைத்து தில்லியின் INA பகுதியில் இருக்கும் Delhi Haat-ல் நிகழ்ச்சி நடந்து கொண்டிருக்கிறது. இந்த மாதம் [நவம்பர்] 16-30 வரை நிகழ்வு உண்டு. 

Wednesday, November 22, 2017

காங்க்ரா கலை அருங்காட்சியகம் - தரம்ஷாலா


இரண்டாம் தலைநகரம் – பயணத் தொடர் – பகுதி 11

இப் பயணத்தொடரின் முந்தைய பதிவுகளை படிக்க வலைப்பூவின் இடது ஓரத்தில் “இரண்டாம் தலைநகரம் என்ற தலைப்பில் ஒரு Drop Down Menu இருக்கிறது. அதில் ஒவ்வொன்றாக க்ளிக்கி படிக்கலாமே!


காங்க்ரா கலை அருங்காட்சியகம் - வெளிப்பு/றத் தோற்றம்

Tuesday, November 21, 2017

மோகன்ஜியின் பொன்வீதி – வாட்ஸ் அப் அலப்பறைகள் - கதம்பம்


அன்பின் நண்பர்களுக்கு, 

எனது கோவை2தில்லி வலைப்பூவில் அவ்வப்போது சில விஷயங்களைக் கதம்பமாகத் தொகுத்து பகிர்வது வழக்கம். அங்கே எழுதுவதே இல்லை! முகநூலில் சமீபத்தில் எழுதிய சில விஷயங்கள் இங்கே கதம்பமாக….

Monday, November 20, 2017

எழில் கொஞ்சும் கிரிக்கெட் ஸ்டேடியம் - தரம்ஷாலா


இரண்டாம் தலைநகரம் – பயணத் தொடர் – பகுதி 10

முந்தைய பகுதிகளை படிக்காதவர்கள் வசதிக்காக - பகுதி-1 2 3 4 5 6 7 8  9


பின்புலத்தில் பனிச்சிகரங்களும் அழகிய கிரிக்கெட் விளையாட்டு அரங்கும்...

நெய்வேலியில் பள்ளியில் படித்துக் கொண்டிருந்தபோது வீட்டில் தொலைக்காட்சி பெட்டி கிடையாது. ரேடியோ – அதுவும் வால்வு ரேடியோ மட்டும் தான். அதில் தான் பாடல்கள், நாடகங்கள், திரைப்படங்களின் வசனங்களை ஒலி பரப்புவார்கள். கிரிக்கெட் போட்டிகள் என்றால் ஹிந்தியிலும், ஆங்கிலத்திலும் Running Commentary கேட்பதுண்டு. சென்னையில் போட்டிகள் நடக்கும் போது மட்டும் தமிழில் ஒலிபரப்புவார்கள். அப்படி தெரிந்து கொண்டது தான் கிரிக்கெட் விளையாட்டு. வெளியே சென்று விளையாடியது கிடையாது. பள்ளியில் Hand Cricket என வகுப்புக்குள்ளேயே விளையாடி இருக்கிறோம்.

Sunday, November 19, 2017

வரகூர் – ஒரு புகைப்பட உலா


சமீபத்திய தமிழகப் பயணத்தின் போது விஜயவாடாவிலிருந்து வந்திருந்த நண்பர் குடும்பம், நான் மற்றும் பெரியம்மா ஒரு வாடகைக் கார் எடுத்துக் கொண்டு காவிரிக் கரையோர ஊர்கள் சிலவற்றுக்குச் சென்றிருந்தோம். நண்பர் குடும்பத்திற்கு குல தெய்வம் வரகூர் தான். வரகூர் ஸ்ரீ வெங்கடேச பெருமாள் கோவில் வீடுகளுக்கு நடுவே அமைந்திருக்கும். கோவிலை அடுத்த சில வீடுகள் நண்பரின் குடும்பத்திற்குச் சொந்தமாக இருந்தவை. அவர் அப்பா காலத்திலேயே மற்ற உறவினர்களுக்கு விட்டுக் கொடுத்து விட்டார் என்று சொல்லிக் கொண்டு வந்தார்.  திண்ணை வைத்த வீடுகள், சாலையின் நடுவே கிணறு, அதே தெருவில் இருக்கும் சிவன் கோவில் என பார்த்து வந்தேன்.


Saturday, November 18, 2017

மை ஃபிரண்ட் கணேஷா – ரோஷ்ணி வெங்கட்

ஹாய்…..

"வெளிச்சக்கீற்றுகள்" நு எனக்கு ஒரு பிளாக் அப்பா திறந்து கொடுத்தார். அதுல, நான் வரைஞ்ச சில ஓவியங்களை சேமித்துக் கொண்டிருந்தேன். இப்பல்லாம், ஒண்ணுமே அங்க பகிர முடியல! அம்மா/அப்பாவே ஃபேஸ்புக்-ல போட்டுடறாங்க.  நான் என்னோட பிளாக் திறக்கறதே இல்லை! அதுனால, இனிமே, வாரத்துக்கு ஒரு தடவையோ, மாசத்துக்கு ஒரு தடவையோ, நான் வரையற படம் எங்கப்பாவோட பிளாக்-லையே வரும்.

இன்னிக்கு முதல் படமா, எனக்கு ரொம்ப பிடிச்ச மை ஃபிரண்ட் கணேஷா...... பென்சில் ஓவியம் தான்...... கூகிள்-ல தேடி இந்த கணேஷா பிடிச்சதால, அப்படியே வரைஞ்சு இருக்கேன்.



நான் வரைஞ்ச இந்த ஓவியம் பிடிச்சுதாந்னு சொல்லுங்களேன்....

பை பை....


Friday, November 17, 2017

மூன்றிலிருந்து ஒன்று – வலைப்பூக்கள் – மாற்றம்…



எங்கள் வீட்டில் மூவரும் பதிவர்கள் என்பதால், “வலைப்பதிவர் குடும்பம்” என்று சொல்வது வலைப்பூ நண்பர்களுக்கு வழக்கம்.  நான் “சந்தித்ததும், சிந்தித்ததும்” எனும் இந்த வலைப்பூவில் எழுதி வர, இல்லத்தரசி “கோவை2தில்லி” என்ற வலைப்பூவில் எழுதி வந்தார். எங்கள் இளவரசியின் ஓவியங்களை “வெளிச்சக்கீற்றுகள்” என்ற வலைப்பூவில் வெளியிட்டுக் கொண்டிருந்தோம். கோவை2தில்லியில் இப்போதெல்லாம் பதிவுகள் எழுதுவதே இல்லை – எழுதுவது அனைத்தும் அவரது முகநூலில்! மகளின் ஓவியங்களும் அப்படியே! முகநூலில் பகிர்ந்து கொள்வதோடு சரி. அந்த இரண்டு வலைப்பூக்களில் கடைசியாக வந்த பதிவுகள்…..

கோவை2தில்லி – வண்ணங்களின் சங்கமம் – ஜனவரி 9, 2017.

வெளிச்சக்கீற்றுகள் – க்ருஷ் – மே 9, 2016

இடையிடையே இல்லத்தரசியின் பதிவுகளை எனது பக்கத்தில் வெளியிட்டிருந்தாலும், மகளின் ஓவியங்கள் பகிர்ந்து கொண்டது மிகவும் குறைவே. அதனால் இனிமேல் எனது வலைப்பூவிலேயே அவர்களது பதிவுகளும் வெளியிடலாம் என முடிவு செய்திருக்கிறோம். அதனால் தான் முகப்பிலும் சில மாற்றங்கள். நாளை மகளின் ஒரு ஓவியம் வெளியிட இருக்கிறேன். அவ்வப்போது அவர்களின் பதிவுகள் இங்கேயே வெளி வரும்!

எப்போதும் போல, பதிவுகளை வாசித்து, உங்கள் கருத்துகளைச் சொல்லுங்கள்…. தொடர்ந்து நட்பில் இருப்போம்! சகோ தேனம்மை அவர்கள் சொல்வது போல,

வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும் !!

நாளை மீண்டும் ச[சி]ந்திப்போம்....

நட்புடன்

வெங்கட்
புது தில்லி. 

ஜெய் மாதா குணால் பத்ரி – வற்றாத பாறை - தரம்ஷாலா


இரண்டாம் தலைநகரம் – பயணத் தொடர் – பகுதி 9

முந்தைய பகுதிகளை படிக்காதவர்கள் வசதிக்காக - பகுதி-1 2 3 4 5 6 7 8


மாதா குணால் [P]பத்ரி கோவில் - வெளிப்புறத் தோற்றம்

தேயிலைத் தோட்டங்கள், இயற்கைக் காட்சிகளைப் பார்த்து ரசித்த பிறகு கொஞ்சம் தேநீர் குடித்தால் நன்றாக இருக்கும் எனத் தோன்றியது. ஆனால் அந்தப் பகுதியில் தேநீர் குடிக்க எந்த வசதியும் இல்லை! எங்கே சுற்றிப் பார்த்தாலும் தேயிலை, ஆனால் தேநீர் குடிக்க வசதி இல்லை! ”Water, water everywhere! But not a drop to drink!!” கதை தான். சரி பிறகு பார்த்துக் கொள்ளலாம் என அடுத்த இலக்கை நோக்கி பயணித்தோம். தேயிலைத் தோட்டங்களுக்கு வெகு அருகிலேயே ஒரு சக்தி ஸ்தலம் இருக்கிறது அதற்குப் போகலாம் என்று சொன்னார் எங்கள் வாகன ஓட்டி.

Thursday, November 16, 2017

திருவையாறு கோவிலும் நயன்தாராவும்!


ஐயாரப்பர் கோவில் பிரதான கோபுரம், திருவையாறு

சமீபத்திய தமிழகப் பயணத்தின் போது விஜயவாடாவிலிருந்து வந்திருந்த குடும்ப நண்பர்களை அழைத்துக் கொண்டு, தஞ்சாவூர் காவிரி கரையோர கோவில்கள் சிலவற்றிற்குச் செல்ல வேண்டியிருந்தது. நாங்கள் நான்கு பேர் மட்டுமே என்பதால் ஒரு சிறிய வாகனத்தினை வாடகைக்கு அமர்த்திக் கொண்டு, நண்பருடைய குலதெய்வ கோவிலான வரகூர் வெங்கடேச பெருமாள் கோவிலுக்குச் சென்று அவரது வழிபாடுகளை முடித்துக் கொண்ட பிறகு நாங்கள் சென்ற இடம் திருவையாறு. திருவையாறு கோவிலுக்குச் சென்று வர வேண்டும் என்பது எனது பெரியம்மாவின் ஆசை. மதியம் பன்னிரெண்டு மணிக்குள் நடை சாற்றிவிடுவார்கள் என்பதால் வேகவேகமாக அங்கே சென்று சேர்ந்தோம்.

Wednesday, November 15, 2017

விதம் விதமாய் தேநீர் – ஹிமாச்சல் தேநீர்



இரண்டாம் தலைநகரம் – பயணத் தொடர் – பகுதி 8

முந்தைய பகுதிகளை படிக்காதவர்கள் வசதிக்காக - பகுதி-1 2 3 4 5 6 7


தரம்ஷாலா - தேயிலைத் தோட்டங்கள்....


தரம்ஷாலா - தேயிலைத் தோட்டம் ஒன்றில் நான்....
படம்: நண்பர் பிரமோத்!

ஹிமாச்சலப் பிரதேசத்தின் பாலம்பூர், காங்க்ரா பகுதிகள் தேயிலைத் தோட்டங்களுக்குப் பெயர் பெற்றவை. பல வருடங்களாகவே இங்கே தேநீர் பயிரிடப்பட்டு வருகிறது. ஆங்கிலேயர்கள் நம்மை ஆண்ட காலத்திலேயே இங்கே தேநீர் பயிரிட ஏதுவாக இருக்கும் என்று உணர்ந்து 1800-களில் தேநீர் பயிரிட ஆரம்பித்தார்களாம். Black Tea, Green Tea என இரண்டுமே பயிரிடுகிறார்கள் என்றாலும் முதல் வகை தான் அதிகம் பயிரிடப் படுகிறது. எனது நண்பருக்கு பாலம்பூர் சென்று, அங்கே உள்ள தேயிலைத் தோட்டங்களைப் பார்த்து வர வேண்டும் என்பது ஆசை. அதற்கு பாலம்பூர் வரை ஏன் செல்ல வேண்டும், தரம்ஷாலா, மெக்லாட்கஞ்ச் பகுதியிலேயே மிகப் பெரிய தேயிலைத் தோட்டங்கள் உண்டு – மிகவும் பழமையான தேயிலை நிறுவனமான ஹிமாச்சல் தேநீர் நிறுவனம் இங்கே தான் இருக்கிறது என்று சொன்னார் எங்கள் ஓட்டுனர்.