எங்கள் வலைப்பூவை [ஸ்]வாசிக்க வந்த உங்களை வரவேற்கிறோம்....

வியாழன், 18 ஜூலை, 2019

அலுவலக அனுபவங்கள் – பரம்ஜீத் – தொட்டால் உடையும் காகிதங்கள்…


படம்: இணையத்திலிருந்து..


அரசு அலுவலகங்கள் பலவற்றில் இருக்கும் கோப்புகளும் அதில் இருக்கும் காகிதங்களும் பல விஷயங்களை நமக்குச் சொல்பவை. அலுவலகத்தில் சேர்ந்த புதிதில் பல பழைய கோப்புகளைப் படித்துப் பார்ப்பதில் எனக்கு நிறைய ஆர்வம் உண்டு. இப்போதும் அப்படி பல கோப்புகளைப் படித்து விஷயங்களைத் தெரிந்து கொள்வதுண்டு. பல பிரபல அதிகாரிகள், மந்திரிகளில் ஆரம்பித்து பிரதம மந்திரிகளின் கையெழுத்து/கையொப்பம் ஆகியவற்றை பார்க்கும், படிக்கும் வாய்ப்பு எனக்குக் கிடைத்ததுண்டு. நான் அரசு அலுவலகத்தில் சேர்ந்த புதிதில் கிடைத்த ஒரு அனுபவம் பற்றி இன்றைக்குப் பார்க்கலாம்! அதற்கு முன்னர் பழைய அலுவலக் அனுபவங்கள் பற்றிய ஒரு சிறு தகவல்!

புதன், 17 ஜூலை, 2019

ஜார்க்கண்ட் உலா – ஜோன்ஹா அருவி



ஆஹா.... இந்த சூழலில் இருந்தால் எவ்வளவு இன்பம்....

மலைச்சாரல்....

ஜார்க்கண்ட் உலா என்ற பெயரில் ஜார்க்கண்ட் மாநிலத்தின் சில இடங்களுக்கு உங்களை பதிவுகள் மூலம் அழைத்துச் சென்றது நினைவிருக்கலாம்! அப்படி கடைசியாக உங்களை அழைத்துச் சென்றது பத்ராது எனும் இடத்திற்கு! அழைத்துச் சென்றது கீழே உள்ள பதிவின் மூலம்!

செவ்வாய், 16 ஜூலை, 2019

கதம்பம் – அல்வா – வயலிலிருந்து – பிடி கொழுக்கட்டை – பதிவர் சந்திப்பு – ராணி காது



ஆதியின் அடுக்களையிலிருந்து - 4 ஜூலை 2019



நேற்றைய சோதனை முயற்சியில் வெற்றி :)

திங்கள், 15 ஜூலை, 2019

திறமைசாலிகள் – ஒரு அறிமுகம்


இது உங்களுக்கே நல்லா இருக்கா? தமிழ் வலைப்பூ தானே உங்களுடையது? இதுல என்னமோ ஜாங்கிரி ஜாங்கிரியா எழுதி இருக்கும் ஒரு படத்தை முதல் படமா போட்டா என்ன அர்த்தம்? எல்லாருக்கும் கில்லர்ஜி மாதிரி, நரசிம்மராவ் மாதிரி பல மொழிகள் தெரிந்திருக்குமா என்ன? மேலே எழுதி இருப்பது தமிழ் இல்லை என்று எங்களால் கண்டிப்பாகச் சொல்ல முடியும்! என்ன மொழின்னு நீங்களே சொல்லிடுங்க சரியா?

புதன், 3 ஜூலை, 2019

தாயுமானவன் - வாசிப்பனுபவம்


பரமசிவம் என்கிற பரமு, பிரபல மோட்டார் கம்பெனியில் பதினேழு வருடங்களாக வேலை செய்து வருகிறான். ஆரம்பத்தில் டயர்கள் மாற்றும் வேலை, பொருட்களை சரி பார்க்கும் வேலை என்று ஆர்வமுடன் வேலை செய்து இன்று தலைமை ஃபோர்மேனாக இருக்கிறான். யூனியன் லீடராகவும் மாறி உடன் வேலை பார்க்கும் ஊழியர்களின் நலனுக்காக பாடுபடுகிறான். தனிப்பட்ட முறையிலும் உதவுகிறான்.

செவ்வாய், 2 ஜூலை, 2019

தேசிய அருங்காட்சியகம் - நிஜாம் நகைகள் – ஒரு பார்வை



தலைநகரின் ஜன்பத் சாலை மிகவும் பிரபலமானது! 10 ஜன்பத் எனும் முகவரி பலரும் அறிந்தது. ஆனால் அந்த முகவரி பற்றியோ, அல்லது அங்கே வசிப்பவர்கள் பற்றியோ நான் எதுவும் எழுதப் போவதில்லை. அது அரசியல் – எனக்கும் அரசியலுக்கும் ரொம்ப தூரம்!

திங்கள், 1 ஜூலை, 2019

கதம்பம் – காமதேனுவின் முத்தம் - நகராட்சி - பாலகுமாரன் - பிறந்த நாள் - உயர ஃபேமிலி


படித்ததில் பிடித்தது – காமதேனுவின் முத்தம் - 17 ஜூன் 2019



காதலுடன் மர்மங்களும் பின்னி பிணைந்த கதை. வழிவழியாக ஒரு குடும்பத்தில் மட்டும் கர்ப்பிணிக்கு காட்சி கொடுக்கும் காமதேனுவால் நிகழும் நிகழ்வுகள்.

ஞாயிறு, 30 ஜூன், 2019

தலைநகரில் பிரஹ்மோத்ஸவம் – நிழற்பட உலா



அனைவருக்கும் இனிய காலை வணக்கம்.  இந்த நாள் இனிய நாளாக அமையட்டும். நேற்று வெளியிட்ட காஃபி வித் கிட்டு பதிவினை படித்த, கருத்துரைத்த அனைத்து நண்பர்களுக்கும் மனம் நிறைந்த நன்றி. இன்னும் படிக்காதவர்களும் படிக்கலாம்! 

திங்கள், 24 ஜூன், 2019

ஆதியின் அடுக்களையிலிருந்து…





சென்ற சில நாட்களில் நான் செய்த சில சமையல் முயற்சிகளின் தொகுப்பு இந்தத் திங்களில்! எங்கள் பிளாக் ”திங்க”க் கிழமைக்கு போட்டியாக வெளியிடப்பட்ட பதிவு அல்ல என்பதை நீங்கள் கேட்பதற்கு முன்னரே சொல்லி விடுகிறேன்!

ஞாயிறு, 23 ஜூன், 2019

தலைநகரிலிருந்து - இந்தியா கேட் – நிழற்பட உலா


அனைவருக்கும் இனிய மாலை வணக்கம்.  இந்த நாள் இனிய நாளாக அமைந்து இருக்கும் என்பதில் சந்தேகமில்லை. நேற்று வெளியிட்ட காஃபி வித் கிட்டு பதிவினை படித்த, கருத்துரைத்த அனைத்து நண்பர்களுக்கும் மனம் நிறைந்த நன்றி.  

சனி, 22 ஜூன், 2019

காஃபி வித் கிட்டு – மெஹந்தி – பேயுடன் நேர்காணல் – குருக்ஷேத்திரா - கோடை



காஃபி வித் கிட்டு – பகுதி – 35

அனைத்து பதிவுலக நண்பர்களுக்கும் இனிய காலை வணக்கம். சற்றே இடைவெளிக்குப் பிறகு சந்திக்கும் இந்த வேளையில் நல்லதொரு செய்தி சொல்லும் படத்துடன் இந்தப் பதிவினை ஆரம்பிக்கலாம்!

வெள்ளி, 14 ஜூன், 2019

இறைவனுக்கும் வாகனம் – செய்பவருடன் ஒரு அனுபவம்


அனைவருக்கும் இனிய காலை வணக்கம். அனைவருக்குமே வாகனத்தில் செல்வது பிடித்த விஷயம் தானே. அதுவும் தனக்கென்று ஒரு வாகனம் வைத்திருந்தால் மகிழ்ச்சி. வசதி படைத்த சிலர் தங்களுக்கென்றே நிறைய வாகனங்கள் வைத்திருப்பார்கள் – குஜராத் – அஹமதாபாத் நகரில் இருக்கும் ஒருவர் கிட்டத்தட்ட 250 கார்களை வைத்திருக்கிறார் – அனைத்தும் விண்டேஜ் கார்கள். அது பற்றி படிக்காதவர்கள் இங்கே படிக்கலாம்… மனிதர்களிடமே இத்தனை வாகனங்கள் என்றால் இறைவன் என்ன சும்மாவா? ஒவ்வொரு இறைவனுக்கும் விதம் விதமாக வாகனங்கள். புராணக் கதைகளில் படித்திருக்கிறோமே – புஷ்பக விமானத்தில் இறைவன் வந்து இறங்கினார் என!

வியாழன், 13 ஜூன், 2019

கதம்பம் – குப்பையும் காசுதான் - சத்து பராட்டா - ஸ்வீட் சட்னி - அப்பா - அப்பாவி ஜீவன்


ஆதியின் அடுக்களையிலிருந்து - 4 ஜூன் 2019


Sattu ke parathe!! (Bihar's special)

டெல்லியிலிருந்து Sattu என்ற கொண்டக்கடலை மாவை வாங்கி வந்தேன். உடலுக்கு நன்மை தரக்கூடிய Sattu-வில் லட்டு, பராட்டா, Health drink என்று நிறைய செய்யலாம் எனத் தெரிந்து கொண்டேன். இந்த மாவை வீட்டிலேயே செய்யலாம். அதற்கான தகவல்கள் YouTubeல் கிடைக்கிறது. இங்கேயும் செய்முறை கீழே தந்திருக்கிறேன்.

புதன், 12 ஜூன், 2019

க்ரேஸி மோகன் அவர்களுடன் ஒரு அனுபவம் – அடாது மழை பெய்தாலும்!




அனைவருக்கும் இனிய காலை வணக்கம். இருப்பதிலேயே மிகவும் சந்தோஷமான ஒரு விஷயம் எதுவென்றால், அடுத்தவர்களை சந்தோஷப்படுத்துவது தான். அப்படியான ஒரு விஷயத்தினை பல வருடங்களாகத் தொடர்ந்து செய்து வந்தவர் திரு க்ரேஸி மோகன் அவர்கள். க்ரேஸி தீவ்ஸ் இன் பாலவாக்கம், சாக்லேட் கிருஷ்ணா, ஒரு பேபியின் டைரிக் குறிப்பு, க்ரேஸி கிஷ்கிந்தா, ரிடர்ன் ஆஃப் க்ரேஸி தீவ்ஸ், மதில் மேல் மாது என அவரது நாடகங்களைச் சொல்லிக் கொண்டே போகலாம். திரையிலும் பல படங்களில் வசனகர்த்தாவாக இருந்து நம்மையெல்லாம் மகிழ்வித்தவர்! அவரது வசனத்திற்காகவே நான் திரும்பத் திரும்ப பார்த்த கமல் படங்கள் பல உண்டு! கமலுக்காக அவரது படத்தினை ஒரு முறை பார்ப்பதே கடினம்! ஆனால் க்ரேஸி மோகன் வசனம் என்பதற்காகவே பல முறை பார்த்திருக்கிறேன் – மைக்கேல் மதன காமராஜன், பஞ்ச தந்திரம், அபூர்வ சகோதரர்கள், வசூல்ராஜா எம்பிபிஎஸ் என பெரிய பட்டியலே உண்டு!

அவருடன் எனக்கான அனுபவம் பற்றி தான் இன்றைக்கு சொல்லப் போகிறேன் – நாடகங்கள் மீது அவர் வைத்திருந்த மரியாதை, எப்படியான நிலையிலும் நாடகங்களை தொடர்ந்து நடத்தி வந்தது அவர் மீது மிகுந்த மரியாதை கொள்ள வைத்தது.  1990-ஆம் ஆண்டு நெய்வேலி ஜவஹர் கல்லூரியில் படித்துக் கொண்டிருந்த நேரம். ஜூனியர் ஜேசீஸ் என்ற இளைஞர் பிரிவு ஜேசீஸ் கிளப்பில் நான் தலைவராக இருந்த போது [மொத்தமே பத்து பேர் தான் அந்த ஜூனியர் ஜேஸீஸ் குழுவில்!] நடந்த ஒரு நிகழ்வு. ஜேஸீஸ் கிளப்பிலிருந்து ஏதோ ஒரு Fund Raising நிகழ்வாக திரு கிரேஸி மோகன் அவர்களின் “ஒரு பேபியின் டைரிக்குறிப்பு” நாடகத்தினை ஏற்பாடு செய்திருந்தார்கள்.

டிக்கட் விற்பனை, தங்குமிட ஏற்பாடு, விருந்தினர் வரவேற்பு, கலைஞர்களுக்கான வசதிகள் செய்வது போன்றவற்றை ஜேசீஸ் குழுவினர் செய்ய, டிக்கெட் செக்கிங், கூட்டத்தினை கட்டுப்படுத்துவது போன்ற சில வேலைகளை எங்களுக்கு அளித்திருந்தார்கள். எங்களுக்கும் க்ரேஸி மோகன் குழுவினரின் “ஒரு பேபியின் டைரிக்குறிப்பு” நாடகத்தினை நேரில் பார்க்க ஒரு வாய்ப்பு – நான் நேரில் பார்த்த முதல் நாடகமே அது தான்! நெய்வேலி நகரின் 24-ஆம் வட்டத்தில் இருக்கும் திறந்தவெளி கலையரங்கத்தில் தான் நாடகம் ஏற்பாடு ஆகியிருந்தது. எல்லாம் சரியாக நடந்து கொண்டிருந்தது. நாடகக் குழுவினர் வந்தாயிற்று. பார்வையாளர்களின் நுழைவுச் சீட்டு சரிபார்த்து உட்கார வைத்தாயிற்று.

நாடகம் ஆரம்பித்தது. விறுவிறுப்பாகவும், கலகலப்பாகவும் நாடகம் நடந்து கொண்டிருந்தபோது திடீரென மழை! நெய்வெலியில் எப்போது மழை வரும் என்று சொல்ல முடியாது! திடீரென மழை வரும் – வந்தால் நின்று நிதானமாக அடித்துப் பெய்யும். திறந்த வெளி அரங்கம் என்பதால் பார்வையாளர்கள் எல்லோரும் ஓடி நாடக மேடைக்குள் பிரவேசிக்க, நாடகத்தினை நிறுத்த வேண்டியாதாயிற்று! எங்களுக்கெல்லாம் ஒரே பதட்டம். காசு கொடுத்து பார்க்க வந்தவர்கள் பாதி நாடகம் நடத்த முடியாவிட்டால் திரும்பக் கேட்பார்களோ, பிரச்சனை ஆகுமோ என்று குழம்பிக் கொண்டிருக்க, திரு கிரேஸி மோகன் அவர்கள் பதட்டமே இல்லாமல் எல்லோரையும் அவரது பேச்சினால் சிரிக்க வைத்துக் கொண்டிருந்தார். கவலையே படாதீங்க, மழை நின்ற பிறகு தொடர்ந்து நாடகம் நடத்தாமல் இந்த ஊரை விட்டுப் போகப் போவதில்லை என்று எங்களை ஆஸ்வாசப்படுத்தினார்.

சிறிது நேரம் அடித்துப் பெய்த மழை நிற்க, விட்ட இடத்திலிருந்து மீண்டும் சரியாகத் தொடங்கியது நாடகம்.  சில காட்சிகள் முடிந்திருக்கும், மீண்டும் மழை துவங்கியது! இப்படி மூன்று முறை நாடகம் – மழை என மாறி மாறி காட்சிகள்! ஒவ்வொரு முறையும் நிறுத்திய இடத்திலிருந்து சரியாகத் துவங்கியது நாடகம் – அவ்வளவு Perfection! ஒன்று, ஒன்றரை மணி நேரம் நடக்க வேண்டிய நாடகம், அன்றைக்கு முடிக்க மூன்றரை நான்கு மணி நேரம் ஆனது! இரவு நாடகம் முடிந்தபோது பத்தரை பதின்றொன்று மணி ஆகியிருக்கும். குழுவினருக்கு விடை கொடுத்து அனுப்பும் வரை நானும் அங்கேயே இருந்தேன். நான் இரவு வீடு திரும்பியபோது பன்னிரெண்டு மணிக்கு மேல்!

தன்னுடைய பணியில் அத்தனை Sincerity! நாடகம் ரசித்தது மட்டுமல்லாது அவரது இந்தப் பண்பும் என்னால் மறக்கவே முடியாது! மழை பெய்து கொண்டிருந்த சமயத்தில் நாங்களும் சில நிமிடங்கள் அவரிடம் பேசிக் கொண்டிருந்தோம் – பதட்டமாகிவிட்டது என்று சொன்னபோது, “அடடா எதுக்கு? நாடகம் நடத்தவேண்டிய நாங்களே பதட்டமாகலையே! எல்லாம் நல்லபடியாவே நடக்கும்!” என்று அவர் சொன்னது இன்றைக்கும் நினைவில்!  அலுவலகத்தில் இருக்கும்போது அவர் மறைவு பற்றித் தெரிந்தவுடன் இந்த நினைவுகள் எனக்குள்! அவரது மறைவு நாடக உலகிற்கு ஒரு பெரிய இழப்பு.  ”க்ரேசியைக் கேளுங்கள்” என்ற ஒரு நிகழ்ச்சியில் கேட்ட ஒரு கேள்வி-பதிலுடன் பதிவினை முடிக்கலாம்.

“எப்படி மரணம் நிகழ்ந்தால் அது நம்மை சோகத்தில் ஆழ்த்தாது?” என்ற ஒரு கேள்வி கேட்டு ஒரு க்ரேஸியான பதில் தரச் சொன்னதற்கு க்ரேஸி மோகன் சொன்ன பதில்!

”குளிக்கும்போது சோப்பு கரையற மாதிரி, அப்படியே கரைஞ்சு, சாக்கடைக்குள்ள போயிட்டோம்னா, மரண பயமே கிடையாது. மரண ஆச்சர்யம் தான்! என்ன நமக்குத் தெரிஞ்சவங்க, குளிக்கப் போனவன் திரும்பாம காணாம போயிட்டானேன்னு தேடிட்டு இருப்பாங்க…. சோகத்தை விட மர்மம் பெட்டர் இல்லையா?”

க்ரேஸி அவர்களின் மரணம் பலரையும் சோகத்தில் ஆழ்த்தி இருக்கிறது என்பது நிஜம்! மேலுலகிலும் அவர் எல்லோரையும் சிரிக்க வைத்துக் கொண்டிருப்பார் என நம்புவோம்!
        
நண்பர்களே, இன்றைய பதிவு பற்றிய உங்கள் கருத்துகளை பின்னூட்டத்தில் சொல்லுங்களேன்.

மீண்டும் ச[சி]ந்திப்போம்….
 
நட்புடன்

வெங்கட்
புது தில்லி

செவ்வாய், 11 ஜூன், 2019

தில்லியிலிருந்து திருவரங்கத்திற்கு!

ரயில் பயணங்களில் – 27 May 2019


தில்லியிலிருந்து எங்களுடன் பயணித்த இரு பக்கத்து இருக்கைக்காரர்கள் இன்று காலை மத்திய பிரதேசத்தின் போபாலில் இறங்கி விட்டனர். எங்கள் இருவருக்கும் மேல் பர்த் தான் கிடைத்தது. மாற்றிக்கலாம் என்று சொன்ன போது, இல்லை வேண்டாம் என்று சொல்லிவிட்டனர். சரி! பிரச்சனையொன்றும் இல்லை என்று சொல்லி விட்டு, மேலே ஏறி எங்கள் பர்த்தில் படுத்து விட்டோம். அவர்கள் நெடுநேரம் பேசிக் கொண்டிருந்து விட்டு, அவர்கள் நண்பர் ஒருவரையும் அழைத்து வந்து, பிறகு அவரும் இவர்களோடு உறங்கிப் போனார்.

திங்கள், 10 ஜூன், 2019

தில்லி டைரி - ராஜ் கச்சோடி - சரக்கொன்றை - பிரம்மோற்சவம் - சந்திப்பு - பை பை தில்லி



அனைவருக்கும் இனிய காலை வணக்கம். தில்லியில் இருந்த நாட்களில் முகநூலில் எழுதிய சில விஷயங்களை தொகுத்து இங்கே வழங்கியதில் சற்றே இடைவெளி வந்து விட்டது! இரண்டு வாரங்களாக பதிவுகளே வெளிவரவில்லையே! திருவரங்கம் வந்து விட்டாலும் இந்த நாளில் சில தில்லி விஷயங்கள், தில்லி டைரி பதிவாக…

ஞாயிறு, 9 ஜூன், 2019

தேசிய போர் நினைவுச் சின்னம் – நிழற்பட உலா



 போர் நினைவுச் சின்னமும் இந்தியா கேட்டும்...

அனைவருக்கும் இனிய காலை வணக்கம். இன்றைய நாளை போர் பற்றிய ஒரு ஆங்கில மேற்கோளுடன் ஆரம்பிக்கலாம் வாருங்கள்.

THE SOLDIER ABOVE ALL OTHERS PRAYS FOR PEACE, FOR IT IS THE SOLDIER WHO MUST SUFFER AND BEAR THE DEEPEST WOUNDS AND SCARS OF WAR – Douglas MacArthur.

சனி, 8 ஜூன், 2019

காஃபி வித் கிட்டு – விடைபெறுகிறேன்… - அழைப்பு – ஏன் இந்த பாகுபாடு – ஜில்ஜில் ரமாமணி



காஃபி வித் கிட்டு – பகுதி – 34

அனைத்து பதிவுலக நண்பர்களுக்கும் இனிய காலை வணக்கம். நலம் தானே! நான் நலம்!!

வெள்ளி, 24 மே, 2019

தில்லி டைரி – குல்ஃபி ஃபலூடா – மலேரியா – ஊர் சுற்றல் – பாண்டேஸ் பான் - 18-ஆம் ஆண்டில்…


குல்ஃபி ஃபலூடா – 10 May 2019 :


தலைநகர் வந்து விட்டு குல்ஃபி ஃபலூடா சாப்பிடாவிட்டால் எப்படி? கரோல் பாக் பகுதியில் இருக்கும் ரோஷன் தி குல்ஃபி சென்றபோது அங்கே கூட்டம் அதிகம். சாப்பிட முடியவில்லை என்ற எண்ணம் இருந்து கொண்டே இருந்தது. ஒரு நாள் ஸ்விக்கி மூலம் அதே பகுதியில் இருக்கும் கிங்க்ஸ் குல்ஃபியிலிருந்து ஃபலூடா வரவழைத்து சுவைத்தாயிற்று!

வியாழன், 23 மே, 2019

உழைப்பாளிகள் – தில்லி – நிழற்பட உலா



தலைநகரின் பிரதான பொழுது போக்கு ஸ்தலங்களில் ஒன்று இந்தியா கேட் பகுதி. அதன் பக்கத்திலேயே இப்பொழுது மிகப்பெரிய வளாகத்தில் தேசிய போர் நினைவுச் சின்னம் ஒன்றினை அமைத்து பார்வையாளர்களுக்கு திறந்து இருக்கிறார்கள். இந்த வருடத்தின் ஃபிப்ரவரி மாதத்தில் திறக்கப்பட்ட இந்த இடமும் இராணுவத்தினரால் பராமரிக்கப்படுகிறது. மிகவும் சிறப்பாகப் பராமரிக்கிறார்கள். இந்த இடம் பற்றியும், வேறு சில விஷயங்களையும் பிறிதொரு சமயத்தில் பகிர்ந்து கொள்கிறேன்.  இந்த நாளில் இப்பகுதியில் ஒவ்வொரு நாளும் வியர்வை சிந்தும் மனிதர்கள் சிலரைப் பற்றி மட்டும் பார்க்கலாம்!

புதன், 22 மே, 2019

தில்லி டைரி – பங்க்ளா சாஹேப் குருத்வாரா – லோதி கார்டன்



லோதி கார்டன் - ஒரு பகுதியில்...

லோதி கார்டன்:

இன்றைய தில்லி டைரியில் ஒரு சனிக்கிழமையன்று மாலை லோதி கார்டன் சென்ற பொது கிடைத்த அனுபவங்களை முதலில் பார்க்கலாம். மரங்கள் அடர்ந்த பகுதிகளும், புல்வெளிகளும், Tomb களும் இங்கு காணப்படுகின்றன. கண்ணுக்கினிய காட்சிகளும், பறவைகளின் ஒலிகளும், பார்க்க/கேட்கக் கிடைக்கும் இடம்.

செவ்வாய், 21 மே, 2019

கதம்பம் - தில்லி டைரி – லிட்டி சோக்கா – விதம் விதமாய் உணவு


விதம் விதமாய் உணவு – 7 May 2019


பனீர் குல்ச்சா...


திங்கள், 20 மே, 2019

என்னைத் துரத்திய உருவம் – ரங்கராஜன்



அன்பின் நண்பர்களுக்கு வணக்கம். நான் ரங்கராஜன். என்னில் பாதியை [நிர்மலா ரங்கராஜன்] இந்த வலைப்பூவில் வெளியிட்ட பதிவுகள் வழி நீங்கள் அறிந்து இருப்பீர்கள். எனது சிறுவயதில் கிடைத்த ஒரு அனுபவத்தினை உங்களோடு பகிர்ந்து கொள்வதில் பெருமைப்படுகிறேன்.

ஞாயிறு, 19 மே, 2019

ப்ரயாக்ராஜ் - கும்பமேளா – சாலைக் காட்சிகள் - நிழற்பட உலா – பகுதி நான்கு


குதிரை வண்டிப் பயணம் போகலாமா?

ஒவ்வொரு ஊருக்குமென சில சிறப்புகள் இருக்கும். பல காட்சிகள் நமக்குப் புதியவையாக இருக்கும். அப்படிப் பார்க்கும்போது அவற்றை நிழற்படமாக எடுத்து வைத்துக் கொள்வது உண்டு. 

சனி, 18 மே, 2019

காஃபி வித் கிட்டு – பொறுமை – அவஸ்தைகள் – தும்பா பாடல் – மா – ஹாய் நலமா



காஃபி வித் கிட்டு – பகுதி – 33

அனைவருக்கும் இனிய காலை வணக்கம். இன்றைய நாளை ஒரு இனிய சிந்தனையோடு துவங்குவோம்! இதுவும் கடந்து போகும்… எவ்வளவு பெரிய புயலாக இருந்தாலும், அது சில மணி நேரங்களில் கடந்து விடுகிறது. அது போல, எவ்வளவு பெரிய துயரமாக இருந்தாலும், அது சில நாட்களில் கடந்து விடும்! அதனால் பொறுமை கொள்வோம்!

படித்ததில் பிடித்தது – அவஸ்தைகள் – இந்திரா பார்த்தசாரதி:



இரயில் பயணம் ஒன்றில் நடக்கும் கதை – முழுக் கதையும் படிக்க விரும்பினால் இங்கே படிக்கலாம்!

இந்த வாரத்தில் ஒரு தமிழ் பாடல் – புதுசாட்டம்

தும்பா எனும் படத்திலிருந்து ஒரு பாடல். படத்தின் ட்ரைலர் பார்த்தால் நன்றாக எடுத்திருப்பார்கள் எனத் தோன்றுகிறது. காட்டுக்குள் நடக்கும் கதை – அனிமேஷனும் உண்டு! கூடவே காதலும் உண்டு! பார்க்கும் வாய்ப்பு கிடைத்தால் பார்க்க நினைத்திருக்கிறேன்.




ராஜா காது கழுதைக் காது – படுத்துட்டுக் கூட படம் எடுக்கலாம்!

விடுமுறை நாட்கள் என்பதால் தலைநகரில் நிறைய சுற்றுலா வாசிகள் – நம் தமிழகத்திலிருந்தும் பலர் வந்திருக்கிறார்கள்! சமீபத்தில் குடும்பத்துடன் இந்தியா கேட் பகுதிக்குச் சென்ற போது அங்கே ஒரு தமிழ்க் குடும்பம். மகள் படம் எடுக்க, அம்மா, அப்பா மற்றும் அண்ணன் போஸ் கொடுத்துக் கொண்டிருந்தார்கள். குடும்பத்தினரையும், இந்தியா கேட்டையும் ஒரே ஃப்ரேமில் கொண்டு வர கொஞ்சம் கஷ்டப்பட்ட அந்தப் பெண்ணிடம் அவள் அண்ணன் சொன்னது – ”படம் நல்லா வரணும்னா, படுத்துட்டுக் கூட எடுக்கலாம்! கீழே உட்கார்ந்து எடு – நாங்களும் வருவோம், இந்தியா கேட்டும் வரும்!

முகநூலிலிருந்து – சும்மா நச்சுன்னு சொல்லிட்டாங்க:



சரியாத்தான் இருக்கு! ஆனா பலரும் இதை உணர்வதில்லை! மூழ்கியில்ல போயிட்டாங்க!

இந்த வாரத்தின் வலைப்பூ அறிமுகம்:

மருத்துவர் முருகானந்தம் அவர்களின் ஹாய் நலமா? வலைப்பூ – நல்ல பல தகவல்களைக் கொண்டுள்ள ஒரு வலைப்பூ. இதுவரை படித்ததில்லை எனில் படிக்கலாமே! உதாரணத்திற்கு ஒரு பதிவு கீழே!


இந்த வாரத்தின் காணொளி - மா:

மே 12 – இந்த வருடத்தின் அன்னையர் தினம்! அன்று அமிதாப் பச்சனின் குரலில் வெளியிடப்பட்ட ஒரு காணொளி. கேட்டுப் பாருங்களேன்.




என்ன நண்பர்களே, இந்த வாரத்தின் காஃபி வித் கிட்டு பதிவு உங்களுக்குப் பிடித்திருக்கிறதா? உங்கள் கருத்துகளைச் சொல்லுங்களேன். விரைவில் வேறு சில செய்திகளோடு மீண்டும் ச[சி]ந்திப்போம்….
 
நட்புடன்

வெங்கட்
புது தில்லி

வெள்ளி, 17 மே, 2019

ஏழு உலக அதிசயம் பூங்கா – தேவையற்ற பொருட்களிலிருந்து…




ஞாயிறு மாலை எங்கள் பகுதியிலிருந்து மெட்ரோ பிடித்து Nizamudeen ஸ்டேஷனில் இறங்கினோம். அங்கிருந்து E Rickshaw பிடித்து இங்கு சென்றோம். இந்த வருடத்தின் ஃபிப்ரவரி 21-ஆம் தேதி தான் இதை துவக்கியுள்ளார்கள். South Delhi Municipal Corporation இந்த பூங்காவினை உருவாக்கி இருக்கிறது.

வியாழன், 16 மே, 2019

தங்கமே தங்கம் – சுதா த்வாரகநாதன்



அனைவருக்கும் இனிய காலை வணக்கம். இப்பதிவின் மூலம் மீண்டும் உங்கள் அனைவரையும் சந்திப்பதில் மகிழ்ச்சி. தில்லியில் எனக்குக் கிடைத்த ஒரு அனுபவம் பற்றி பார்க்கலாம்.

புதன், 15 மே, 2019

போலீஸ்னா எனக்கு பயம் – போலீஸ் போலீஸ் - பகுதி இரண்டு - பத்மநாபன்


படம்: இணையத்திலிருந்து...


தம்பி ஓடாத நில்லு – போலீஸ் போலீஸ் – பகுதி 1 இங்கே படிக்கலாம்!

"டேய் தம்பி! நில்லுடா" என்று கூறிக்கொண்டே சைக்கிளின் முன்னால் சடன் பிரேக் போட்டு ஜீப்பை நிறுத்தினார். அவர் நிறுத்திய உடன் பையன் ஓடிய ஓட்டம் எங்களை கொஞ்சம் தடுமாறச் செய்தது.

செவ்வாய், 14 மே, 2019

கதம்பம் – தில்லி டைரி – ரிக்‌ஷா – விதம் விதமாய் சாப்பிட வாங்க…


தில்லி டைரி –- E Rickshaw & Delhi Metro & Ice cream milkshake - 30 ஏப்ரல் 2019


கேசர் பிஸ்தா மில்க் ஷேக் 

திங்கள், 13 மே, 2019

தம்பி ஓடாத நில்லு – போலீஸ் போலிஸ் - பகுதி ஒன்று - பத்மநாபன்



"தம்பி...! ஓடாதே. நில்லு!" ஜீப்பில் கட்டியிருந்த ஒலிபெருக்கி வழியாக இப்படி கத்தியது வேறு யாருமில்லை. சாட்சாத் நானேதான். அந்தக் கூத்தச் சொல்லுகேன், ஒண்ணு கேக்கேளா!

ஞாயிறு, 12 மே, 2019

ப்ரயாக்ராஜ் - கும்பமேளா – நிஷானா - நிழற்பட உலா – பகுதி மூன்று



சென்ற பகுதியில் வெளியிட்ட படங்களில் ஒன்றாக சில பக்தர்கள் சிகப்புத் துணியால் சுற்றப்பட்ட மூங்கில் கழியை எடுத்துக் கொண்டு போவது போன்ற மேலுள்ள படத்தினை வெளியிட்டு இருந்தேன். அது என்ன என்று சிலருக்குத் தோன்றியிருக்கலாம்! ஆனால் பின்னூட்டத்தில் கேட்காமலும் விட்டிருக்கலாம்! ஆனால் அது என்ன வழக்கம் என்று நான் சொல்லத்தான் போகிறேன்!

சனி, 11 மே, 2019

காஃபி வித் கிட்டு – குறும்படம் – ஸ்பேஸ் பார் – பறவை – யாரும் காணாதே



காஃபி வித் கிட்டு – பகுதி – 32



அனைவருக்கும் இனிய காலை வணக்கம். இன்றைக்கு ஒரு மனதைத் தொட்ட விஷயத்துடன் பதிவினை ஆரம்பிக்கலாம். இந்த தட்டச்சு இயந்திரம், உங்கள் கணினியின் விசைப்பலகையில் உள்ளவற்றில் அதிகமாகப் பயன்படுவது எது? Space Bar! பல முறை அதைப் பயன்படுத்துகிறோம். ஆனால் அதற்கான மரியாதை கிடைப்பதேயில்லை – அதைச் சுற்றிலும் இருக்கும் மற்றவற்றில் மறைந்து கிடக்கும் வார்த்தைகளையேத் தேடிக் கொண்டிருக்கிறோம். விசைப்பலகையில் இருக்கும் ஸ்பேஸ் பார் போன்று தான் பெற்றோர்கள் பல வீடுகளில்...

வெள்ளி, 10 மே, 2019

ஜார்க்கண்ட் உலா – பத்ராது – மலைப்பாதையும் ரம்மியமான நதியும்


Gகாட்டி ரோட்

பத்ராது – பெயரே வித்தியாசமாக இருக்கிறது அல்லவா? மும்தாஜ் அவர்களிடம் ஜார்க்கண்ட் மாநிலத்தில் என்னென்ன பார்க்கலாம் என்று கேட்ட போது Gகாட்டி ரோட் பார்க்கலாமா எனக் கேட்டார். அது என்ன Gகாட்டி ரோட் – வளைந்து நெளிந்து செல்லும் மலைப்பாதையைத் தான் Gகாட்டி ரோட் என அழைக்கிறார்கள். கூடவே அங்கே ஒரு நதியும் அனல் மின் நிலையமும் இருக்கிறது. அழகான இடம். ராஞ்சி நகரிலிருந்து சுமார் 45 கிலோமீட்டர் தொலைவில் இருக்கும் இடம். சரி போகலாம் என புறப்பட்டு விட்டோம்.

வியாழன், 9 மே, 2019

முட்டிக்கு முட்டி தட்டிய கதை – சுதா த்வாரகநாதன்




சில வாரங்களுக்கு முன்னர் என் மகன், மருத்துவப் படிப்பு படிக்கும்போது மண்டையோடு மற்றும் எலும்புகளை வீட்டிற்குக் கொண்டு வந்தது பற்றி எழுதி இருந்தேன். இன்றைக்கு அதே சமயத்தில் என் மகன் என்னை முட்டிக்கு முட்டி தட்டிய கதையைப் பற்றி பார்க்கலாம்!

புதன், 8 மே, 2019

ஜார்க்கண்ட் உலா – ரஜ்ரப்பா – சின்னமஸ்திகா தேவி கோவிலும் அருவியும்


பைரவி ஆறு தாமோதர் ஆற்றில் சங்கமிக்கும் காட்சி...

ரஜ்ரப்பா – இந்தப் பெயரை இது வரை நீங்கள் கேட்டதுண்டா? இந்தப் பெயரில் ஜார்க்கண்ட் மாநிலத்தில் ஒரு அழகிய இடம் இருக்கிறது. இன்றைய பதிவின் மூலம் நாம் இந்த அழகான இடத்திற்குத் தான் செல்லப் போகிறோம். ரஜ்ரப்பா – இந்த இடம் இரண்டு ஆறுகள் சங்கமிக்கும் ஒரு இடம் – கூடவே ஒரு மிகச் சிறப்பான கோவிலும் இங்கே அமைந்திருக்கிறது. வாருங்கள் இந்த ரஜ்ரப்பா பற்றி பார்க்கலாம்!

செவ்வாய், 7 மே, 2019

கதம்பம் – தில்லி டைரி – கேசர் லஸ்ஸி - பஞ்சு – புறாக்கூட்டம் – மீட்டா பான்


சாப்பிட வாங்க – கேசர் லஸ்ஸி - 26 ஏப்ரல் 2019

கேசர் லஸ்ஸி... 

வெயிலுக்கு இதமாய்! வயிற்றுக்கு குளுகுளு!! செம ருசி!! ஒரு டம்ளர் 75 ரூ. ஓரளவுக்கு மேல் திகட்டிப் போகிறது :) இன்று எங்கள் காலை உணவே இது தான்.

திங்கள், 6 மே, 2019

ஜார்க்கண்ட் உலா – அருவிகள் நகரம் – ஹூண்ட்ரூ அருவி


ஹூண்ட்ரூ அருவி...

 

ஜார்க்கண்ட் மாநிலத்தில் மலைப்பகுதிகள் அதிகம் என்பதால் அருவிகளும் அங்கே நிறைய உண்டு. அருவிகள் நிறைய என்பதால் ராஞ்சி நகரை அருவிகள் நகரம் என்றும் அழைப்பதுண்டு. சில அருவிகள் ராஞ்சி நகருக்கு சில கிலோமீட்டர் தொலைவிலும், சில அருவிகள் சற்றே தொலைவிலும் இருக்கின்றன. எங்கள் பயணத்தின் போது நாங்களும் சில அருவிகளுக்குச் சென்று பார்த்து ரசித்து வந்தோம். நாங்கள் சென்ற சமயத்தில் தண்ணீர் வரத்து அத்தனை அதிகம் இல்லை என்றாலும் சுமாராக இருந்தது. தண்ணீர் வரத்து அதிகம் இருந்தால் இன்னும் அதிகமாக ரசிக்க முடியும். ஆனால் அந்த அருவிக்குச் சென்று பார்ப்பதே ஒரு உற்சாக அனுபவம் – படிகளில் கீழே இறங்கிச் சென்று பார்த்து வர வேண்டும்!

சனி, 4 மே, 2019

காஃபி வித் கிட்டு – ஒரு ஜோடி கால்கள் – நோடா – விளம்பரம் - பகோடா - உழைப்பாளி



காஃபி வித் கிட்டு – பகுதி – 31



அனைவருக்கும் இனிய காலை வணக்கம்.  அடி மேல் அடி வைத்து நடக்கும் ஒரு ஜோடி கால்களில், முன்னால் இருக்கும் கால், ”நான் முன்னே இருக்கிறேன் என பெருமிதம் கொள்வதில்லை! பின்னால் இருக்கும் காலும் பின்னால் இருக்கிறோமே என வெட்கப் படுவதில்லை” இரண்டு கால்களுக்குமே தன் நிலை மாறி மாறி தான் வரும் என்பது தெரியும். அந்தக் கால்களைப் போலவே நம் வாழ்விலும். வெற்றியும் தோல்வியும் மாறி மாறி வரும், போகும்! கவலை கொள்ளாமல் இருப்போம்!

படித்ததில் பிடித்தது – தேர்தலும் நோடாவும்:

சார் ! என்ன சாப்பிடுறீங்க? இட்லி ?

சீ. அது கார்போஹைட்ரேட்!

தோசை?

சீ! ஆயில்

பொங்கல்?

அது மயக்க மருந்து!!

பூரி?

சீச்சி! அது மைதா! உடம்புக்குக் கெடுதி

அப்ப உப்புமா?

அதை மனுஷன் சாப்புடுவானா?

அப்ப என்னதான் சார் ஆர்டர் பண்ணப் போறீங்க?

எல்லா உணவுமே கெடுதி! நான் பட்டினி கிடக்கப் போறேன்! வர்றேன்.

#நோட்டாவிற்கு வாக்களித்தவர் ஓட்டலுக்குச் சென்று காலை உணவு அருந்திய போது!!

இந்த வாரத்தின் ரசித்த பாடல்:

சமீபத்தில் ரசித்த ஒரு ஹிந்தி பாடல் – கேட்டுப் பாருங்களேன்.




சாப்பிட வாங்க – சூடா பகோடா:



மலைப் பிரதேசம் ஒன்றில் பயணித்த போது சாப்பிட்ட பகோடா… மேலே வெங்காயம், கொத்தமல்லி தழைகள், சாட் மசாலா தூவி மேலே இரண்டு பச்சை மிளகாய் வைத்து கொடுக்க பகோடாவும் தேநீரும்! மலைப் பிரதேசத்தில் ரொம்பவே சுவையாக இருந்தது. கடைக்காரர் குடும்பத்தினர் ஒவ்வொருவரும் வேலைகளைப் பகிர்ந்து செய்து கொண்டிருந்தார்கள். அவர்களுடன் சில நிமிடங்கள் பேசிக் கொண்டிருந்தோம் – அது பற்றி பிறிதொரு சமயத்தில் எழுதுகிறேன்! இப்போதைக்கு பகோடா சாப்பிடுங்க! என்ன மிளகாய் தான் கொஞ்சம் காரம் அதிகம்! பார்த்து! ஒரு கடி கடிச்சுட்டு எரியுதுன்னு சொல்லக் கூடாது!

மனதைத் தொட்ட ஒரு விளம்பரம்:

சிலருக்கு, குறிப்பாக இல்லத்தரசிகளுக்கு - எப்போதுமே வேலை இருந்து கொண்டே இருக்கும்! அவர்களுக்கும் கொஞ்சம் ஓய்வு கொடுப்போம் எனச் சொல்லும் ஒரு விளம்பரம் – உண்மையில் அப்படி பலரும் யோசிப்பதில்லை என்றாலும், ரசிக்க முடிந்தது…



இந்த வார வலைப்பூ அறிமுகம் – எண்ணத்தின் வண்ணங்கள்:

திருமதி ராதா பாலு – நான்கு வலைப்பூக்களில் அவ்வப்போது எழுதி வருகிறார். வை.கோ அவர்களின் வலைப்பூவில் இவரை பார்த்திருக்கலாம். அவரது சில பதிவுகள் வாசித்ததுண்டு. கோலங்கள், எண்ணத்தின் வண்ணங்கள், என் மன ஊஞ்சலில், அறுசுவைக் களஞ்சியம் என நான்கு வலைப்பூக்களில் எழுதுகிறார். இந்த வார அறிமுகமாக எண்ணத்தின் வண்ணங்கள் வலைப்பூவிலிருந்து ஒரு சிறுகதைக்கான இணைப்பு… படித்து ரசிக்கலாமே!


இந்த வாரத்தின் கதை மாந்தர்:



வாழ்க்கையில் எத்தனையோ கஷ்டங்கள், சுக-துக்கங்கள் வரலாம். ஆனாலும் வாழ்க்கையை வாழ்ந்து தான் ஆக வேண்டும். நாம் சந்திக்கும் ஒவ்வொரு மனிதரும் ஏதோ ஒன்றை நமக்குப் பாடமாக தந்து செல்கிறார்கள். ஜார்க்கண்ட் மாநிலத்தின் வனப் பகுதி ஒன்றில் அமர்ந்து வனத்தில் கிடைக்கும் மரத்திலிருந்து ஒரு சிறிய கோடரி கொண்டு விதம் விதமான பொம்மைகளும், பொருட்களும் செய்து விற்பனைக்கு வைத்திருக்கிறார் இந்தப் பெரியவர். பெரிதாக யாரும் வந்து விடப் போவதில்லை. விற்பனையும் அதிக அளவில் ஆவதில்லை – அன்றைய பொழுது கழிய தேவையான பணம் கிடைத்தாலே பெரிது. ஆனாலும் தொடர்ந்து உழைத்துக் கொண்டே இருக்கிறார் இப் பெரியவர். நிறைய விஷயங்களைச் சொல்லும் இந்த முகம் – உங்களிடம் என்ன சொன்னது – சொல்லுங்களேன் பின்னூட்டத்தில்!



என்ன நண்பர்களே, இந்த வாரத்தின் காஃபி வித் கிட்டு பதிவு உங்களுக்குப் பிடித்திருக்கிறதா? உங்கள் கருத்துகளைச் சொல்லுங்களேன். விரைவில் வேறு சில செய்திகளோடு மீண்டும் ச[சி]ந்திப்போம்….
 
நட்புடன்

வெங்கட்
புது தில்லி

Related Posts Plugin for WordPress, Blogger...