ஃப்ரூட் சாலட் – 38 – வெற்றி ஓசை – தினச் செலவுக்கு 86400 – நெஞ்சோடு சேர்த்து!

இந்த வார செய்தி:

இந்திய பேட்மிண்டன் போட்டிகளில் பல வீரர்கள்/வீராங்கனைகள் பங்குபெற்று இந்தியாவிற்குப் பெருமை தேடித் தருகிறார்கள்.  சமீபத்திய லண்டன் ஒலிம்பிக் போட்டிகளில் வெண்கலப் பதக்கம் வென்ற சானியா நேவாலை மறந்து விட முடியுமா?

தமிழகத்தின் ஈரோடு மாவட்டத்தினைச் சேர்ந்த அ. சுகில் இந்த புகழ்பெற்ற இறகுப் பந்து வீரர்களின் பட்டியலில் இடம் பெறும் நாள் வெகு அருகில்! பயிற்சி பெறத் தொடங்கி இரண்டு ஆண்டுகளுக்குள்ளாகவே இவர் பெற்ற வெற்றிகள் பல – அதுவும் மாநில அளிவிலும், தேசிய அளவிலும் பல்வேறு போட்டிகளில் பங்கு கொண்டு குவித்த வெற்றிகள், கோப்பைகள் என பெரிய பட்டியலே இருக்கிறது.

மிகவும் ஏழ்மையான குடும்பத்தைச் சேர்ந்தவர் அ. சுகில். தந்தை கூட்டுறவுச் சங்கத்தில் உள்ள அச்சகத்தில் இயந்திரம் இயக்குபவராக பணி புரிகிறார். தாய் வீட்டினை திறம்பட நிர்வாகிப்பவர்.  இவருக்கு ஒரு சகோதரர் அஜ்மல். தற்போது இருபத்தி இரண்டு வயதாகும் சுகில் விடாது பயிற்சி செய்தால் நிச்சயம் பல வெற்றிகள் அவரை வந்தடையும் என்பது உறுதி.

ஒன்றை சொல்ல மறந்து விட்டேன் – அ. சுகில் ஒரு மாற்றுத் திறனாளி. மாற்றுத் திறனாளிகளுக்கான போட்டிகள் மட்டுமல்லாது அனைவருக்குமான பொதுப் பிரிவுகளுக்கான போட்டிகளிலும் பங்குகொண்டு பரிசுகள் வென்ற இவரது தன்னம்பிக்கைக்கு ஒரு பூங்கொத்து.

- செய்தி – 17.03.2013 தினமணி. தினமணி நாளிதழுக்கு நன்றி.

         

இந்த வார முகப்புத்தக இற்றை:

HOLDING ON TO ANGER IS LIKE DRINKING POISON AND EXPECTING THE OTHER PERSON TO DIE – LORD BUDDHA.

இந்த வார குறுஞ்செய்தி: 

WAVES ARE INSPIRING, NOT BECAUSE THEY RISE AND FALL BUT BECAUSE EACH TIME THEY FALL, THEY NEVER FAIL TO RISE AGAIN.

ரசித்த புகைப்படம்: 

படத்தில் சொல்வது போலத்தான் ஒவ்வொரு ஞாயிறும் நினைக்கிறேன்!

ரசித்த காணொளி:

உங்களுக்கு ஒரு சவால்! – காணொளியில் இருப்பது போல உங்களால் பாத்திரங்களை இவ்வளவு சுத்தமாக கழுவ முடியுமா!

ரசித்த பாடல்:

இன்று ரசித்த பாடலில் ஒரு மலையாளப் பாடல். ஒரு ஆல்பத்தில் இடம்பெற்ற பாடல். எனக்குப் பிடித்தது!  உங்களுக்கும் பிடிக்குமென நினைக்கிறேன்.

படித்ததில் பிடித்தது:

தினச்செலவுக்கு 86400 ப்ரீ

 
"உங்கள் கடைசி வாழ்நாள் வரை, தினமும் உங்கள் பாங்க் கணக்கில் 86400 டிபாசிட் செய்யப்படும். ஆனால், அதை அன்றே செலவழித்து விட வேண்டும் என்பது தான் நிபந்தனை. தயாரா?'' என்று கேட்டால், என்ன சொல்வீர்கள்? ""போடுங்க புண்ணியவானே போடுங்க! நீங்க நல்லாயிருக்கணும், தினமும் பைவ் ஸ்டார் ஓட்டலுக்குப் போவேன்,
கண்டதையெல்லாம் வாங்கிப் போடுவேன்!'' என்பீர்கள். ஆனால், நீங்க நினைக்கிற மாதிரி இது பணம் கிடையாது.

ஒருநாளைக்கு எத்தனை விநாடி.... 86400 விநாடி. இதை தினமும் கடவுள் நம் கணக்கில் டெபாசிட் செய்து விடுகிறார். இதில் ஒரு விநாடியைக் கூட வீணடிக்காமல் நல்லமுறையில் செலவழிக்க வேண்டும் என்பது அவரது விருப்பம். காலை 6 மணிக்குள் எழுந்திருத்தல், கடவுளை வணங்கி விட்டு அன்றாடப்பணிகளை மளமளவெனக் கவனித்தல், செய்யும் தொழிலை சிரத்தையாக செய்தல், மாலையில் கோயிலுக்கு செல்லுதல், பிள்ளைகளுக்கு நல்ல கதைகளைச் சொல்லுதல், பாடம் கற்றுக் கொடுத்தல், முன்பின் தெரியாதவர்களுக்கு கூட உதவி செய்தல்... இன்னும் எத்தனை எத்தனையோ நற்செயல்களைச் செய்யலாம்.

இப்படி நாம் செய்யும் நல்ல செயல்களுக்கு ஏற்ப, நம் கணக்கில் புண்ணியம் டெபாசிட் ஆகிக் கொண்டே இருக்கும். எவ்வளவு புண்ணியம் சேர்ந்திருக்கிறதோ, அதற்கேற்ப கடவுளின் வீட்டிலும், மனதிலும் இடம் ஒதுக்கப்படும்.

86400 ஐ இனியேனும், பயனுள்ள வகையில் செலவழியுங்கள். ஏனெனில், இந்தக்காலம் இறைவனால் மிச்சம் வைக்கப்படுவதில்லை. அன்றைய தினம் அன்றே கழிந்து போகும். இதை குறைக்கவும் முடியாது, கூட்டவும் முடியாது. காலம் என்னும் தோழனுடன் கைகோர்க்க தயாராகுங்கள்.

     -    மின்னஞ்சலில் எனக்கு வந்தது!

என்ன நண்பர்களே இந்த ஃப்ரூட் சாலட்-ஐ ரசித்தீர்களா? மீண்டும் ஃப்ரூட் சாலட்-உடன் அடுத்த வெள்ளியன்று சந்திக்கும் வரை…

நட்புடன்

வெங்கட்.
புது தில்லி.