வேளி கடற்கரை காயல் – திருவனந்தபுரம்

திருவனந்தபுரத்திலிருந்து எட்டு கிலோமீட்டர் தொலைவில் அமைந்திருப்பது வேளி கடற்கரை காயல். வேளி நதி அரபிக்கடலோடு கலக்கும் இடம் இது. இங்கே கேரள சுற்றுலா துறை ஒரு அழகிய சுற்றுலா தலத்தினை உருவாக்கி வைத்துள்ளது.

ஒரே இடத்தில் கடலையும் ஆற்றினையும் பார்த்து, அங்கே இருக்கும் படகுத் துறையில் படகு சவாரி செய்யும் வசதி, குழந்தைகள் விளையாட பல வசதிகள், மிதக்கும் உணவு விடுதி என எல்லாம் இருந்துவிட்டால், சுற்றுலா பயணிகளுக்குக் கொண்டாட்டம் தானே.

அங்கேயே குதிரைகளை வைத்துக்கொண்டு சிலர் காத்திருக்கின்றனர் – உங்களுக்குக் குதிரை சவாரி செய்ய ஆசை இருந்தால் செல்லலாம்! இனிய ஒரு சுற்றுலா தலம். அங்கே எடுத்த சில புகைப்படங்களை இன்று உங்கள் பார்வைக்கு தருகிறேன்!

கடலும் நதியும் கலக்குமிடத்தில் குதிரை சவாரி...  இயற்கையின் அழகை ரசித்தபடி.

படத்தில் தெரியும் வீட்டினை வாங்கிப் போட ஆசை! ஆனா விலை ரொம்ப கம்மியா சொல்றாங்க! வேண்டாம்னு சொல்லிட்டேன்!

கடலை பார்த்தபடியே ”கடலை” போட்டு ஐஸ்க்ரீம் சாப்பிட வசதி...

கடலோரம் கடலோரம் அலைகள் ஓடி விளையாடும், வலை வீசு வலை வீசு வாட்டம் பார்த்து வலை வீசு!

தண்ணி அடிச்சா மிதப்புல இருப்பாங்க! தண்ணீரிலேயே இருந்துவிட்டால்! - மிதக்கும் உணவு விடுதி

படகுத்துறையிலிருந்து ஒரு கேமரா பார்வை!

மிதக்கும் உணவு விடுதியின் முன்புறத் தோற்றம் – கடல் விலங்கினம்

வித்தியாசமாய் ஒரு பூ

என்ன நண்பர்களே இந்த வாரத்தின் புகைப்படங்களை ரசித்தீர்களா?

அடுத்த ஞாயிறன்று வேறு சில புகைப்படங்களோடு உங்களைச் சந்திக்கும் வரை....

நட்புடன்

வெங்கட்.

புது தில்லி