ஆயிரம் கைகள் மறைத்து நின்றாலும்.... – வாலி

வாலி..... எனக்கு மிகவும் பிடித்த அகண்ட காவிரி ஓடும் திருப்பராய்த்துறையில் பிறந்து எனக்கே எனக்கான திருவரங்கத்தில் வளர்ந்து சென்னையில் திரையுலகில் கோலோச்சிய அவதார புருஷன்! பாண்டவர் பூமி, கிருஷ்ண விஜயம், அவதார புருஷன் என அவர் எழுதிய காவியங்களுக்காகவே அவை வாரா வாரம் வெளிவந்த இதழ்களை வாங்கியிருக்கிறேன்..... என்ன ஒரு அற்புதமான எழுத்து. அவரது பாடல்களில் இருக்கும் சுவை, அர்த்தம் பொதிந்த வார்த்தைகள் என கலக்கல்! 

கண்ணதாசன் இறந்தபோது வாலி சொன்னது – “எழுதப் படிக்கத் தெரியாத எத்தனையோ பேர்களில் எமனும் ஒருவன். ஒரு அழகிய கவிதைப் புத்தகத்தைக் கிழித்துப் போட்டுவிட்டான்’.... வாலியின் இறப்பில் மீண்டும் ஒரு கவிதைப் புத்தகத்தினை எமன் கிழித்துப் போட்டு விட்டான்...... 

அவர் பாடல்களிலிருந்து நான் ரசித்த சில பாடல்களை அவருக்கு அஞ்சலி செலுத்தும் வகையில் நான் இங்கே பகிர்ந்து கொள்கிறேன். சிட்டுக்குருவி படத்திலிருந்து “அடடட மாமரக் கிளியே உன்னை இன்னும் நான் மறக்கலையே” பாடல்..... எஸ். ஜானகியின் குரலில், இளையராஜாவின் இசையில்....

  

கோபுர வாசலிலே படத்திலிருந்து இளையராஜாவின் இன்னிசையில், இதோ “தேவதை போல் ஒரு பெண்ணிங்கு வந்தது தம்பி....” பாடல்.

அகல்விளக்கு படத்திலிருந்து, கே.ஜே. யேசுதாஸ் குரலில் இளையராஜா இசையில் “ஏதோ நினைவுகள் கனவுகள் மனதிலே மலருதே....”

  

”என் கல்யாண வைபோகம் உன்னோடு தான்” - அழகே உன்னை ஆராதிக்கிறேன் படத்திலிருந்து வாணி ஜெயராம் குரல் கொடுக்க இளையராஜா இசையமைத்த பாடல்....

  

தாய் மூகாம்பிகை படத்திலிருந்து இளையராஜாவின் குரலில், இசையில் வெளிவந்த “ஜனனி... ஜனனி.... ஜகம் நீ அகம் நீ” பாடல்....

  

”கல்யாணத் தேன் நிலா காய்ச்சாத பால் நிலா” – மௌனம் சம்மதம் படத்திலிருந்து – கே.ஜே.யேசுதாஸ் மற்றும் சித்ராவின் குரலில்.... 

”கண்ணா வருவாயா.... மீரா கேட்கிறாள்” – மனதில் உறுதி வேண்டும் படத்திலிருந்து, இளையராஜாவின் இன்னிசையில் கே.ஜே. யேசுதாஸ் மற்றும் சித்ராவின் குரலில்....

  

 மறைந்த பாடகர் டி.எம்.எஸ். குரலில் பேசும் தெய்வம் படத்திலிருந்து எம்.எஸ்.வி. இசையில் “நான் அனுப்புவது கடிதம் அல்ல....” பாடல். 

  

வைதேகி காத்திருந்தாள் படத்திலிருந்து ஜெயச்சந்திரன் குரலில்.... இசை – இளையராஜா..... பாடல் – ராசாத்தி உன்ன காணாத நெஞ்சு....

  

எஸ்.பி.பி.-எஸ். ஜானகி குரல் கொடுக்க, இளையராஜா இசையமைக்க, வாலி பாட்டெழுத, “தனிக்காட்டு ராஜா” படத்திலிருந்து ”சந்தனக் காற்றே, செந்தமிழ் ஊற்றே” பாடல்....

  

”சோலை புஷ்பங்களே என் சோகம் சொல்லுங்களேன்” - இங்கேயும் ஒரு கங்கை படத்திலிருந்து கங்கை அமரன் – எஸ்.பி. ஷைலஜா குரலில் இளையராஜாவின் இசையில்..... 

ஆயிரம் கைகள் மறைத்து நின்றாலும் ஆதவன் மறைவதில்லை – அது போலவே வாலி நீ இம்மண்ணுலகில் இருந்து மறைந்து விட்டாலும் எங்கள் மனதை விட்டு மறையப் போவதில்லை.....


இன்னும் பலப் பல பாடல்கள்..... வாலி எழுதிய பல்லாயிரக்கணக்கான பாடல்களில் சிலவற்றை தேர்ந்தெடுப்பது திருப்பதியில் மொட்டையடித்தவரைத் தேடுவது போலத்தான்..... நான் ரசித்த பாடல்களில் சிலவற்றை உங்களுடன் பகிர்ந்து கொண்டேன். வாலி மறைந்து விட்டாலும் அவரது பாடல்கள் என்றும் நம்மை விட்டு மறையாது.... 

வாலி நீ வாழி..... 

மீண்டும் வேறொரு பதிவில் சந்திக்கும் வரை.... 

நட்புடன் 

வெங்கட். 

புது தில்லி. 

டிஸ்கி: இணையத்தில் இந்தப் பாடல்களை தரவேற்றி வைத்திருக்கும் அனைத்து நண்பர்களுக்கும் நன்றி......