பயணக் கட்டுரைகள் அவசியமா – ஒரு கருத்துக் கணிப்பு

அன்பின் நண்பர்களே..... 

எனது வலைப்பூவில் பயணம் பற்றிய பதிவுகள் எழுதி வருவது அனைவரும் அறிந்ததே. நேற்று வெளியிட்ட ரத்த பூமி தொடரின் பத்தாவது பதிவு “பயணம்” என்ற தலைப்பில் நான் எழுதிய 101-ஆவது பதிவு.  நான் வந்த பாதையை சற்றே திரும்பிப் பார்க்கும்போது ”அட இத்தனை பதிவுகள் பயணம் பற்றி எழுதி இருக்கிறேனா” என எனக்கே ஆச்சரியம்.

சந்தர்பங்கள் அமையும் போது சில இடங்களுக்குச் சென்று வந்து அங்கே கிடைத்த அனுபவங்களை, பார்த்த இடங்களைப் பற்றி எழுதுவது எனக்கான ஒரு டைரிக்குறிப்பாகவும், அங்கே செல்ல இருக்கும் மற்றவர்களுக்கு உதவியாகவும் இருக்கும் என்ற நினைப்பில் தான் தொடர்ந்து பயணக் கட்டுரைகள் எழுதி வருகிறேன். 

பயணக் கட்டுரைகள் எழுதுவதில் எனக்கு முன்னோடி துளசி டீச்சர். அவர்களது வலைத்தளத்தில் இருக்கும் பயணம் பற்றிய கட்டுரைகள் எத்தனை எத்தனை. இன்னும் தளராது எழுதிக் கொண்டு இருக்கிறார்கள்.  101 பதிவுகள் எழுதிய நிலையிலேயே எனக்கு மலைப்பு...... 

இந்த வலைப்பூவில் நான் எழுதிய பயணம் பற்றிய தொடர்கள்......

பெஜவாடா – விஜயவாடா பயணம் – 7

மத்தியப் பிரதேசம் அழைக்கிறது – 27 பதிவுகள்

ஜபல்பூர் – பாந்தவ்கர் – 12

காசி – அலஹாபாத் – 16

மஹா கும்பமேளா – 8

ரத்த பூமி – 10

பொது – 21

பயணம் எனக்கு மிகவும் பிடித்த ஒன்று. பல்வேறு இடங்களுக்குச் சென்று அங்கிருக்கும் இடங்களையும், மனிதர்களையும் சந்தித்து புதிய அனுபவங்களைப் பெறுவதில் உள்ள மகிழ்ச்சி, அந்த பயணம் பற்றிய விவரங்களை உங்களுடன் பகிர்ந்து வருவதில் கிடைக்கும் ஆனந்தம், பார்த்த இடங்களில் எடுத்த புகைப்படங்களை பகிர்ந்து கொள்ளுதல், என இவை தான் தொடர்ந்து பயணப் பகிர்வுகள் எழுதுவதன் நோக்கம்.

சரி இந்த பதிவிற்கான விஷயத்துக்கு வருகிறேன்.... [அப்பாடா இப்பவாவது விஷயத்துக்கு வந்தியே!] ரத்த பூமியான குருக்ஷேத்திரத்திற்கு சென்று வந்த பிறகு சில பயணங்கள் சென்று வந்தேன். அது பற்றி எழுதுவதற்கு முன்னர், பதிவுலக நண்பர்களான உங்களிடம் ஒரு வேண்டுகோள்.  இந்த பயணக் கட்டுரைகளால் உங்களுக்கு ஏதும் பயனுண்டா? இது அவசியம் தானா? இல்லை ”ஏண்டா இப்படி எழுதி எங்க காதுல புகை வர வைக்கறே” என்று நினைக்கிறீர்களா? என்பதை நீங்கள் சொன்னால், அதன் பின் எழுதுவது பற்றி முடிவெடுக்கலாம் என நினைத்திருக்கிறேன். உங்கள் கருத்துகளை எழுதுங்கள்.

உங்களுக்கு வசதியாக ஒரு கருத்துக்கணிப்பு வாக்கு பதிவு செய்யும் விட்ஜெட்டும் சேர்த்திருக்கிறேன்.  உங்கள் கருத்துகளைச் சொல்லுங்களேன்....   

பயணக் கட்டுரைகள் அவசியமா?

நாளைய பதிவில் மீண்டும் உங்களைச் சந்திக்கும் வரை.....

நட்புடன்

வெங்கட்

புது தில்லி.