திருப்பராய்த்துறை – சில சிற்பங்கள்

சமீபத்தில் தமிழகம் வந்திருந்தபோது, வழக்கம்போல் திருப்பராய்த்துறை சென்றேன். தமிழகம் வரும்போதெல்லாம் திருப்பராய்த்துறை செல்லாது வருவதில்லை – அங்கே எனது பெரியம்மா இருப்பதாலும், அந்த ஊர் எனக்கு மிகவும் பிடிக்கும் என்பதாலும்! அப்படிச் செல்லும்போது அங்கே குடிகொண்டிருக்கும் பராய்த்துறை நாதரின் ஆலயத்திற்குச் செல்வதும் தவறாது நடக்கும் ஒரு விஷயம்.

பராய்த்துறை நாதரின் ஆலயத்தினுள் பல சிற்பங்கள் உண்டு. வெளிப்புறத்தில் நிறைய புகைப்படங்கள் எடுத்திருந்தாலும், கோவிலுக்குள் இருக்கும் சிற்பங்களையோ, அல்லது கடவுள் சிலைகளையோ இதுவரை புகைப்படம் எடுத்ததில்லை. இம்முறை பிரகாரத்தில் சுற்றி வரும்போது ஒரு தக்ஷிணாமூர்த்தி சிலையைக் காண்பித்து பெரியம்மா, ”இந்த சிலையை புகைப்படம் எடுத்துக்கொள்” என்று சொன்னார்.  புகைப்படம் எடுக்கலாமா என்று கேட்டதற்கு, ”கர்ப்பக்கிரகத்தினுள் இருக்கும் மூலவர் தவிர மற்ற எல்லா சிலைகளையும் இங்கே புகைப்படம் எடுக்கிறார்கள்” என்று சொன்ன பிறகு கோவிலில் இருந்த பல சிற்பங்களைப் புகைப்படம் எடுத்தேன்.

பராய்த்துறைநாதர் கோவிலில் இருக்கும் சில சிற்பங்கள் இன்றைய ஞாயிறில் புகைப்படப் பகிர்வாக இதோ.....

தக்ஷிணாமூர்த்தி – குருபகவான்

நீ பாதி நான் பாதி கண்ணே – அர்த்தநாரீஸ்வரர்

நான் ஒரு படைப்பாளி – பிரம்மா

ஜெய ஜெய தேவி துர்க்கா தேவி சரணம்.....

நர்த்தன விநாயகர்

யோகாசனம் – அற்புதமான கலை – அதன் சிலை!

இவர் தான் பதஞ்சலி முனிவரோ?

கோவிலின் மேற்கூரையில் ராசி சக்கரம்....

இடது கால் தலை வரை தூக்கி ஒரு நடனம்.....  

கோவில் வாசலில் உள்ள ஒரு பெண்ணின் சிற்பம்......

இத்தனை இடமிருந்தும் கோவிலுக்குள் உனக்கு இடமில்லையா.....  வேப்ப மரத்தடியில் இருந்த சிலை.....

என்ன நண்பர்களே, இந்த வாரம் பகிர்ந்து கொண்ட புகைப்படங்களை ரசித்தீர்களா?  மீண்டும் அடுத்த வாரம் மேலும் சில புகைப்படங்களைப் பார்க்கலாம்.

மீண்டும் சந்திக்கும் வரை.....

நட்புடன்....

வெங்கட்.

புது தில்லி.