கோண்ட் [GOND] ஓவியங்கள்…

சென்ற ஞாயிறன்று மதுபனி [MADHUBANI] ஓவியங்கள் என்ற தலைப்பில் பீஹார் மாநிலத்தின் ஓவியங்கள் சிலவற்றை பகிர்ந்து கொண்டிருந்தது உங்களுக்கு நினைவிருக்கலாம். இந்த ஞாயிறில் அதே கண்காட்சியில் ரசித்த சில கோண்ட் ஓவியங்கள் உங்கள் பார்வைக்கு....

கோண்ட் ஓவியங்கள் மத்தியப் பிரதேசம் மற்றும் தற்போதைய சத்தீஸ்கர் மாநிலத்தில் இருக்கும் பழங்குடி மக்கள் தங்களது வீடுகளின் சுவர்களிலும், தரைகளிலும் வரைந்து வைப்பது.  காலப் போக்கில் இந்த ஓவியங்களை காகிதத்திலும் வரைய ஆரம்பித்து விட்டார்கள். இவர்களும் திராவிடர்கள் வழியைச் சேர்ந்தவர்கள் என்றும் மலைப்பிரதேசங்களில் வசிப்பவர்கள் என்றும் சொல்கிறார்கள்.

பொதுவாக இந்த வகை ஓவியங்கள் நுண்ணிய வேலைப்பாடுகள் கொண்டவை.  ஒரு A3 அளவு கொண்ட ஓவியத்தினை வரைய ஐந்து முதல் ஆறு நாட்கள் வரை ஆகும் என்கிறார் தில்லியில் நடந்த கண்காட்சியில் தான் வரைந்த ஓவியங்களை கண்காட்சிக்கு வைத்திருந்த ரமேஷ் டேகாம் [RAMESH TEKAM]. சிறிய அளவு [A4/2] ஓவியத்திற்கு ரூபாய் 400/- என விலை சொல்கிறார்.  சில பெரிய அளவு ஓவியங்கள் 10000/- ரூபாய் அளவிற்கு விற்கிறோம் எனச் சொன்ன இவர், கிட்டத்தட்ட பதினைந்து நாட்களாக கண்காட்சியில் இருந்தாலும் அத்தனை விற்பனை இல்லை என்று கொஞ்சம் மனக் கஷ்டத்தோடு சொன்னார் – “கடைவிரித்தேன் கொள்வாரில்லை!” என்பது தான் நினைவிற்கு வந்தது.

 ஓவியர் திரு ரமேஷ் டேகாம்.

திரு ரமேஷ் அவர்கள் மத்தியப் பிரதேசத்தின் போபால் நகரில் இருக்கிறார். அவரது முகவரி கீழே:

SHRI RAMESH TEKAM,

HOUSE NO.689/2, PREM NAGAR,

WARD NO.27, BANGANGA NORTH

T.T. NAGAR, BHOPAL [MADHYA PRADESH]

MOBILE: 0-9826016884.

பொதுவாகவே விலங்குகள், இயற்கைக் காட்சிகள், கடவுளின் படங்கள் என வரைகிறார்கள். சில படங்களைப் பார்க்கும்போதே அதிலுள்ள நுணுக்கமான வேலைகள் நம்மை பிரமிக்க வைக்கின்றன.  நான் ரசித்த ஓவியங்களில் சிலவற்றை உங்கள் ரசிப்பிற்கு இங்கே பகிர்ந்திருக்கிறேன்.  ரசிப்பீர்கள் என்ற நம்பிக்கையுடன்......

என்ன நண்பர்களே இந்த ஞாயிறின் பகிர்வினை ரசித்தீர்களா? மீண்டும் அடுத்த ஞாயிறன்று வேறு சில படங்களைப் பார்க்கலாம்!

தொடர்ந்து சந்திப்போம்.....

நட்புடன்

வெங்கட்.

புது தில்லி.