முதியோர் இல்லம்.....

சமீப காலங்களாகவே முதியோர் இல்லங்கள் அதிகரித்து விட்டன. எங்கு பார்த்தாலும் முதியோர் இல்லங்கள், அவற்றுக்கான விளம்பரங்கள் என பரவி இருக்கிறது. சிறு சிறு நகரங்களில் கூட இப்படிப் பட்ட முதியோர் இல்லங்கள் வர ஆரம்பித்துவிட்டன. பெரு நகரங்களில் பெரிய அளவில், இதை ஒரு தொழிலாகவே செய்ய ஆரம்பித்து விட்டார்கள். தில்லி நகரில் அரசே முதியோர் இல்லங்கள் கட்ட ஆரம்பித்து இருக்கிறார்கள். சமீபத்தில் முதியோர் தினத்தன்று ஒன்றிரண்டு கட்டிடங்கள் திறந்து வைக்கப்பட்டதாக செய்தியில் படித்தேன்.

இப்படி முதியோர் இல்லங்கள் பெருகிக் கொண்டிருக்க, அவை தவறு என்பதையும் சிலர் சொல்லி வருகிறார்கள்.  இந்த விஷயம் பற்றியது தான் இன்றைய பதிவு. இரண்டு காணொளிகள் – பாருங்களேன்!

The God Father எனும் குறும்படத்தினைச் சமீபத்தில் பார்த்தேன். தனது தந்தையை மனைவி சொல் கேட்டு முதியோர் இல்லத்தில் கொண்டு சேர்க்கிறார் ஒருவர். அங்கே நடக்கும் சம்பாஷணைகள், முதியோர் இல்லத்தில் கொண்டு விடும்போது கூட மகனுக்கு செலவு அதிகம் வைக்கக் கூடாது என நினைக்கும் அப்பா, தீபாவளி, பொங்கலுக்கு வந்துட போறாரு என சொல்லும் மனைவி என நகர்ந்து கொண்டிருக்கிறது.  முடிவு என்ன? என்பதை காணொளியில் பாருங்களேன்...  மிக அழகாய் எடுத்திருக்கிறார்கள். குறும்படம் எடுத்தவர்களுக்கும் தயாரித்தவர்களுக்கும் வாழ்த்துகள்!

முகப்புத்தகத்தில் பகிர்ந்து கொண்ட நண்பர் ஆரண்யநிவாஸ் ராமமூர்த்தி அவர்களுக்கு நன்றி!

அமெரிக்கா..... தனது வீட்டுப் பக்கத்தில் வெளியே படுத்திருந்த ஒரு மூதாட்டியைக் கண்ட 37 வயது இளைஞருக்கு மனதில் ஒரு எண்ணம். எப்படியாவது அவருக்கு உதவ வேண்டும்....  உடனே செயலில் இறங்கி அவருக்கு மர வீடு ஒன்றை கட்டிக் கொடுத்திருக்கிறார்.  பாருங்களேன்.....  அந்த மூதாட்டிக்கு என்ன ஒரு சந்தோஷம்!  காணொளி 6 நிமிடம் 35 நொடிகள் என்றாலும், முதல் 3 நிமிடம் 16 நொடிகள் மட்டும் பார்த்தால் போதும் – இரண்டு முறை வருகிறது என்பதால்...

முகப்புத்தகத்தில் பகிர்ந்து கொண்ட நண்பர் பாலாஜி ராஜாராமன் அவர்களுக்கு நன்றி.

என்ன நண்பர்களே... இன்றைக்கு பகிர்ந்து கொண்ட இரண்டு காணொளிகளையும் ரசித்தீர்களா? பின்னூட்டத்தில் சொல்லுங்களேன்...

நாளை வேறு பதிவுடன் சந்திக்கும் வரை....

நட்புடன்

வெங்கட்

புது தில்லி