ஷிம்லா ஸ்பெஷல் – மின்புத்தக வெளியீடு

அனைத்து பதிவுலக நண்பர்களுக்கும் இனிய காலை வணக்கம்.  இந்த நாளை, பற்றிய நல்லதொரு சிந்தனையுடன் ஆரம்பிக்கலாம்.

எல்லா குழந்தைகளுக்குமான தேவை ஒரு சிறிய உதவி மட்டுமே, ஒரு சிறிய நம்பிக்கை மற்றும் அவர்கள் மேல் நம்பிக்கை கொள்ளும் சிலர் – மேஜிக் ஜான்சன்.

சென்ற செவ்வாய் அன்று ராஜாக்கள் மாநிலம் என்ற தலைப்பில் ராஜஸ்தான் மாநிலத்தில் உள்ள புஷ்கர், உதய்பூர் மற்றும் ஜோத்பூர் ஆகிய இடங்களுக்குச் சென்று வந்த போது கிடைத்த அனுபவங்களைத் தொகுத்து அமேசான் தளத்தில் மின்புத்தகமாக வெளியிட்ட தகவலை உங்களுடன் பகிர்ந்து கொண்டிருந்தது உங்களுக்கு நினைவிருக்கலாம் இந்தப் பதிவு படிக்காதவர்கள் சுட்டி வழி சென்று அங்கே படித்து மேலும் தகவல்களை தெரிந்து கொள்ளலாம். இன்றைக்கு இன்னுமொரு மின்புத்தக வெளியீடு பற்றி உங்களுடன் பகிர்ந்து கொள்வதற்கு முன்னர் ஒரு செய்தியைச் சொல்லி விடுகிறேன்.  இந்த ராஜாக்கள்மாநிலம் கிண்டில் புத்தகத்தினை இன்று மதியம் 12.30 மணியிலிருந்து 25-ஆம் தேதி வரை அமேசான் தளத்தில் இலவசமாக தரவிறக்கம் செய்து கொள்ளலாம். ஐந்து நாட்களுக்கு மட்டும் இந்த இலவச தரவிறக்கம் செய்யும் வாய்ப்பு.  அமேசான் கணக்கு இருந்தால் கிண்டிலிலோ அலைபேசி/கணினி ஆகியவற்றில் வாசிக்கலாம். 

முதலிலும் சில பயணக் கட்டுரைகளை தொகுத்து www.freetamilebooks.com தளம் வாயிலாக சில மின்புத்தகங்களும் வெளி வந்ததுண்டு. இதுவரை வெளிவந்த புத்தகங்களின் சுட்டி எனது வலைப்பூவில் வலப் பக்க ஓரத்தில் ”தொகுப்புகள்” என்ற தலைப்பின் கீழே மின்புத்தகங்கள் என்ற ஒரு பக்கம் உண்டு. அந்தப் பக்கத்தினைச் சுட்டினால் இது வரை வெளிவந்த எனது மின்புத்தகங்கள் அனைத்திற்குமான சுட்டிகள் உண்டு. படிக்காதவர்கள் அங்கே எனது மின்னூல்களைப் பற்றித் தெரிந்து கொள்ளலாம்.  இப்போது இன்னும் ஒரு மின்புத்தகம். அமேசான் தளம் வாயிலாக,  கிண்டில் பதிப்பாக வெளி வந்திருக்கிறது. ஹிமாச்சலப் பிரதேசத்தின் தலைநகரான ஷிம்லா மற்றும் அதன் அருகே இருக்கும் குஃப்ரி, நார்க்கண்டா பகுதிகளுக்குச் சென்று வந்த போது கிடைத்த அனுபவங்களைத் தொகுத்து “ஷிம்லா ஸ்பெஷல்” என்ற தலைப்பில் புத்தகமாக வெளியிட்டு இருக்கிறேன்.  புத்தகத்தினை தரவிறக்கம் செய்ய சுட்டி கீழே...

ஷிம்லா ஸ்பெஷல்

கிண்டில் அன்லிமிட்டட் கணக்கு வைத்திருப்பவர்கள் இலவசமாக தரவிறக்கம் செய்து படிக்க முடியும். இந்த விடுமுறை நாட்களில் செய்த பணிகளில் இந்த மின்புத்தக தரவேற்றமும் ஒன்று.  இன்னும் இருக்கும் நாட்களில் முடிந்தால் வேறு சில பயணத் தொகுப்புகளும் மின்னூலாக வெளியிடலாம் என்ற எண்ணம் உண்டு.  இந்தக் கட்டுரைகளை மின்புத்தகமாக தரவிறக்கம் செய்து வாசிக்க விரும்புபவர்கள் தங்களது கிண்டிலிலோ அல்லது அலைபேசியிலோ/ கணினியிலோ தரவிறக்கம் செய்து வாசிக்க முடியும்.  அமேசானில் கணக்கு வைத்திருந்தால் போதும்.  கிண்டில் அன்லிமிட்டட் கணக்கு இல்லாதவர்கள் பணம் செலுத்தி படிக்க வேண்டியிருக்கும்.  இலவசமாக வெளியிட இங்கே வாய்ப்பில்லை – சில நாட்கள் மட்டும் இலவசமாக தரவிறக்கம் செய்து கொள்ளும்படிச் செய்யும் Promotions வழிகள் உண்டு. அதை செய்த பிறகும் இங்கே தகவல் தருகிறேன். 

தங்கள் தொடர்ந்த ஆதரவிற்கும் வலைப்பூவை வாசித்து உங்கள் கருத்துகளைத் தெரிவிப்பதற்கும் மிக்க நன்றி.  இந்த மின்புத்தகம் பற்றிய உங்கள் கருத்துகளை பின்னூட்டத்தில் சொல்லுங்கள்.  தொடர்ந்து சந்திப்போம்.

நட்புடன்

வெங்கட் நாகராஜ்

புது தில்லி.