ஃப்ரூட் சாலட் – 52 – ஜல் தோஸ்த் – ஸ்வீட் பொண்டாட்டி - உள்ளே என்ன?

இந்த வார செய்தி:

தில்லி ஜல் போர்ட் தில்லி மக்களுக்கு தண்ணீரின் அத்யாவசியம் பற்றியும், அதைச் சேமிப்பது பற்றியும் எத்தனையோ முறை எடுத்துச் சொன்னாலும் கேட்பதில்லை. நிலத்தடி நீரும் மிகவும் குறைந்து விட்ட நிலையில், குடிதண்ணீருக்கும் அடுத்த மாநிலங்களைச் சார்ந்து இருக்கும் நிலை.

தில்லி மக்களுக்கு ஒரு பழக்கம் – தண்ணீரை விரயம் செய்வது அவர்களுக்கு மிகவும் பிடித்தமானது – சுத்தமாக வைத்துக் கொள்கிறேன் என்ற பெயரில் வீட்டின் பால்கனியில் இருக்கும் இரும்புக் கம்பிகளைக் கூட குழாய் மூலம் வாரத்திற்கு ஒரு முறை கழுவி விடுவார்கள் – கீழ் வீட்டில் துணி துவைத்து காய வைத்திருந்தால் அதன் மேலும் இந்த அழுக்குத் தண்ணீர் விழுந்து அதற்கு சண்டை நடப்பது சாதாரணமான விஷயம் இங்கே.

இப்படியுள்ள மக்களுக்கு தண்ணீரின் அத்யாவசியம், அதைச் சேமிக்கும் முறைகள், விரயம் செய்யாமலிருக்க வழிமுறைகள் என்பதையெல்லாம் ஒரு புதிய சின்னம் மூலம் சொல்ல இருக்கிறார்கள்.  ஒரு தொப்பி அணிந்த நீர்த்துளிதான் அந்த புதிய் சின்னம்.

பிரபலமான விளம்பர நிறுவனமான JWT மூலம் வடிவமைக்கப்பட்ட இந்த புதிய சின்னம் மக்கள் மத்தியில் தண்ணீர் சிக்கனம் பற்றிய விழிப்புணர்வை ஏற்படுத்தும் என நம்புவோம்.

இந்த வார முகப்புத்தக இற்றை:

ராமு: ஒரு பெண் அமைதியாக இருந்தால் அது என்ன நாள்?
.
.
.
.
.
.
.
.
.

.

.

.

சோமு: எந்த நாளா இருந்தா என்னப்பா, அந்த நாளை எஞ்சாய் பண்ணு!

இந்த வார குறுஞ்செய்தி: 

ONE DAY SEA ASKED RIVER, “HOW LONG WILL YOU KEEP ENTERING INTO MY SALTY HEART?” THE RIVER REPLIED “UNTIL YOU BECOME SWEET”.  TRUE RELATIONSHIP NEVER LEAVES!

ரசித்த காணொளி: 

எஸ்.ஆர்.எம். கல்லூரி மாணவர் தயாரித்த இந்த குறும்படம் பாருங்களேன்....  ஒரு முறை பார்த்தால் எப்போதும் யோசிக்க வைக்கும் படம்!  படம் சொல்ல வரும் விஷயம் புனிதமானது.....

ரசித்த புகைப்படம்:

”நம்மில் ஒற்றுமை நீங்கில் அனைவருக்கும் தாழ்வே”....  என்று சொல்கிறதோ இப்பறவைகள்!

தொலைக்காட்சி:

காலை வேளைகளில் சமைக்கும் போது, ஏதோ ஒரு சத்தம் கேட்டுக் கொண்டு இருக்கட்டுமே என தொலைக்காட்சிப் பெட்டியை போட்டுவிட்டு [அட எந்திரன் ரோபோ ரஜினி மாதிரி கீழே இல்லீங்க!, ஸ்விட்ச் ஆன் பண்ணிட்டு], அதைக் கத்த விட்டு போவேன். நேற்று சன் ம்யூசிக் தொலைக்காட்சியில் அன்று பிறந்த நாள் கொண்டாடும் குழந்தைகளுக்கு வாழ்த்துச் சொல்லி, இடையிடையே பாடல்கள் ஒளிபரப்பினார்கள். ஒரு பாட்டு கூட குழந்தைகள் பார்க்கும்படியான பாடல்கள் இல்லை – சேம்பிளுக்கு இன்று ஒளிபரப்பிய ஒரு பாடல் – ”வாடி வாடி, வாடி என் ஸ்வீட் பொண்டாட்டி, தாங்க மாட்டேன் தூங்க மாட்டேன் நீ இல்லாட்டி!”.  மற்ற பாடல்களும் இதே ரேஞ்சில் தான்!

என்ன ரசனையோ இந்த நிகழ்ச்சி தொகுப்பாளருக்கு!

படித்ததில் பிடித்தது!:

ஒரு கண்காட்சி. அங்கே ஒருவர் பலூன்களை விற்று பிழைப்பு நடத்தி வந்தார் அவரிடம் எல்லா வண்ணங்களிலும் பலூன்கள் இருந்தன. வியாபாரம் கொஞ்சம் டல்லடிப்போது போல தெரிந்தால் ஹீலியம் வாயு நிறைந்த ஒரு பலூனை காற்றிலே பறக்க விட்டு விடுவார். அது மேலே மேலே போக, குழந்தைகள் அதைப் பார்த்து விட்டு பலூன்கள் வாங்க வருவார்கள். வியாபாரம் மீண்டும் சூடு பிடிக்கும்! இது ஒவ்வொரு நாளும் நடக்கும். அப்படி ஒரு நாள் வியாபாரத்தின் போது அவரது சட்டை நுனியை யாரோ பிடித்து இழுப்பது தெரிய, கீழே பார்த்தால், ஒரு சிறுவன் கேள்வியோடு....  “நீங்க கறுப்பு கலர் பலூனை விட்டாலும் மேலே பறக்குமா?”  

”வண்ணத்தில் ஒன்றும் இல்லை மகனே, அதன் உள்ளே இருக்கும் ஹீலியம் தான் பறப்பதற்கு முக்கியம்” என்று சொன்னாராம் அந்த வியாபாரி. நமது வாழ்விலும் இதே பாடம் தான். வெளியே இருக்கும் வேஷம் ஒன்றும் பெரிதல்ல.... நமது மனதில் என்ன இருக்கிறது என்பது தான் முக்கியம். நல்ல மனப்பான்மை இருந்தால் நாமும் வாழ்வில் மேலே செல்ல முடியும்.

“It is your attitude, not your aptitude that will determine your altitude”

[ஆங்கிலத்தில் மின்னஞ்சலில் வந்ததன் தமிழாக்கம்! மின்னஞ்சலில் அனுப்பிய நண்பர் சுப்ரமணியன் அவர்களுக்கு நன்றி!]

என்ன நண்பர்களே இந்த ஃப்ரூட் சாலட்-ஐ ரசித்தீர்களா? மீண்டும் ஃப்ரூட் சாலட்-உடன் அடுத்த வெள்ளியன்று சந்திக்கும் வரை…

நட்புடன்

வெங்கட்.
புது தில்லி.