பதிவர்கள் கவனத்திற்கு......

தமிழ் வலையுலக நண்பர்களுக்கு,

வணக்கம். நலமா?

தில்லியிலிருந்து உங்கள் வெங்கட் எழுதும் மடல்......  வலைப்பூக்கள் மூலம் சந்தித்து வரும் வலைப்பதிவர்கள் அவ்வப்போது நேரிலும் சந்தித்து தங்களது கருத்துகளை பரிமாறிக்கொள்வது உற்சாகமான ஒரு விஷயம்.  தில்லியில் உள்ள பதிவர் நண்பர்கள் கூட சில சமயங்களில் சந்தித்து கருத்துகளை பகிர்ந்து கொண்டிருக்கிறோம். வெளியூரிலிருந்து பதிவர்கள் தில்லி வரும்போது தகவல் தெரிந்தால் அவர்களையும் நேரில் சந்தித்திருக்கிறோம்.  உதாரணத்திற்கு ஸ்வாமி ஓம்கார், புதுகைத் தென்றல், துளசி கோபால், கோமதி அரசு, Dr. பழனி கந்தசாமி, மாதவன் ஸ்ரீனிவாசகோபாலன் ஆகியோரை நான் மட்டுமோ [அ] சக தில்லி பதிவர்களுடனோ சந்தித்து இருக்கின்றேன்.

கடந்த நான்கு ஆண்டுகளில் எப்போது தமிழகம் வந்தாலும் ஒவ்வொரு முறையும் ஒரு பதிவரையாவது நேரில் சந்தித்து இருக்கிறேன். அப்படிச் சந்தித்த பதிவர்களின் பட்டியல் நீநீநீநீநீநீநீநீநீநீநீநீநீளமானது...... திரு ரிஷபன்,  திரு வை. கோபாலகிருஷ்ணன், திரு ஆரண்யநிவாஸ் ராமமூர்த்தி, திரு தமிழ் இளங்கோ, அப்பாதுரை, வீடு திரும்பல் மோகன்குமார், மன்னையின் மைனர் ஆர்.வி.எஸ்., மின்னல் வரிகள் கணேஷ், திடம் கொண்டு போராடு சீனு, மதுமதி, புலவர் ஐயா, சேட்டைக்காரன், திருமதி கீதா சாம்பசிவம், திருமதி வல்லிசிம்ஹன், திருமதி ராஜி [காணாமல் போன கனவுகள்], திருமதி புவனா [அப்பாவி தங்கமணி] திருமதி ராஜி [கற்றலும் கேட்டலும்]......... [பட்டியலில் நான் சந்தித்த யாரும் விடுபட்டிருந்தால் எனது மறதி மட்டுமே காரணம்!]

சென்ற வருட சென்னை பதிவர் சந்திப்பு நடப்பதற்கு இரண்டு நாள் முன்னர் தான் சென்னையிலிருந்து தில்லிக்கு கிளம்பினேன். அதனால் கலந்து கொள்ள முடியவில்லை.  இப்போது மீண்டும் சென்னையில் பதிவர் சந்திப்பு. அலுவலகத்தில் இருக்கும் மூட்டை மூட்டையான ஆணிகளைப் பார்த்தால் விடுமுறை கிடைப்பது கடினம். பார்க்கலாம்.....

இந்த வருடம் பதிவர் சந்திப்பு [பதிவர் சந்திப்பு பற்றிய விவரங்கள் இங்கே இருக்கின்றன] பற்றி வெளிவந்திருக்கும் பதிவுகளைப் பார்க்கும்போது மிகவும் மகிழ்ச்சியாக இருக்கிறது. வருவதாக பதிவு செய்திருக்கும் பதிவர்களின் எண்ணிக்கை நூறைத் தாண்டி விட்டது என நினைக்கிறேன். இருநூறு பதிவர்கள் வரலாம் என எதிர்பார்ப்பதாக ஒரு பதிவில் படித்தேன்.  அந்த 200 பதிவர்களின் பெயரில் எனது பெயரும் இடம் பெறுமா? பொறுத்திருந்து பார்க்கலாம்!

சந்திப்பு பற்றி மற்ற பதிவர்கள் எழுதுவதைப் படித்தபோது வரவேண்டுமென்ற ஆவல் மனதுக்குள் வந்து Chair போட்டு உட்கார்ந்து கொண்டிருக்கிறது.  கூடவே ஒரு கல்யாணமும் வருகிற 26-ஆம் தேதி சென்னையில்....  அதுவும் மனைவியின் சொந்தக்காரர் வீட்டு திருமணம். போகாது இருந்தால்........!  அதனால் இரண்டையும் சேர்த்து ஒரு தமிழகம் நோக்கி ஒரு சூறாவளி பயணம் மேற்கொள்ள எண்ணம்!

பதிவர்களின் சந்திப்பில் நான் கலந்து கொள்ள வேண்டுமெனில் விழா நடத்தும் குழுவினருக்கு ஒரு சில நிபந்தனைகள்......  [கல்யாணம் செய்துகொள்ள மணல் கயிறு படத்தில் எஸ்.வி.சேகர் போடும் எட்டுவித கட்டளைகள் போல!]

”தமிழகத்தினை காக்க வந்த விடிவெள்ளியே.....

தலைநகரில் தமிழகத்தின் பெயரை நிலைநாட்டும் மாணிக்கமே......

தலைநகரே.....  தமிழகமே உங்களை வரவேற்கிறது......”

என்று எனது பெயரையும் என்னுடைய படத்தையும் பெரியதாக போட்டு, மீனம்பாக்கத்திலிருந்து வடபழனி வரைக்கும் Flex Banner எல்லாம் வைக்கக்கூடாது.....  ஏன்னா நமக்கு விளம்பரம் பிடிக்காது கேட்டீங்களா..... கூடவே என் படத்தைப் பார்த்து யாரும் பயந்துடக் கூடாதுன்ற நல்ல எண்ணமும்!

விழா அரங்கத்தின் வாசலில் ஒரு கும்பலா காத்திருந்து மலர் மாலையெல்லாம் போட்டு, கையில் பொக்கே கொடுத்து, பொன்னாடை போர்த்தி [இந்த பன்னாடைக்கு பொன்னாடை வேற கேக்குதோ.....] மரியாதையெல்லாம் செய்யக்கூடாது....

பத்திரிகை நண்பர்கள் எல்லாம் வந்துருக்காங்க, அவங்களுக்கு பேட்டி கொடுங்க, புகைப்படத்துக்கு போஸ் குடுங்க, ”உங்களுடன் நேர்காணல்” நிகழ்ச்சிக்காக டி.வி. காரங்க எல்லாம் காத்திருக்காங்க, ஒரு ஐந்து நிமிடம் ஒதுக்குங்க ப்ளீஸ்.... அப்படின்னு ரொம்ப தொல்லை தரக்கூடாது......

இதுக்கெல்லாம் ஒத்துக்கிட்டா, நானும் வரதா முடிவு பண்ணியிருக்கேன்.  செப்டம்பர் 1 ஞாயிறு காலை சென்னை வந்து, அங்கிருந்து அன்றைய இரவே திருச்சி செல்வதாக இது வரை ப்ளான்! [எல்லா ப்ளானும் விடுமுறை கிடைத்தால்...... என்பதைச் சேர்த்துக் கொள்ள வேண்டும்!] பார்க்கலாம்.

 

நான் மட்டும் வந்துட்டா....  கூடவே எங்க வீட்டுல இன்னும் இரண்டு பதிவர்கள் இருக்காங்க! “கோவை2தில்லி” எனும் வலைப்பூவில் பதிவுகள் எழுதிவரும் எனது மனைவியும், ”வெளிச்சக்கீற்றுகள்” எனும் வலைப்பூவில் அவள் வரைந்தவற்றை வெளியிடும் [அவர் சார்பாக வெளியிடுவது நானாக இருந்தாலும்!] எனது மகளும் எங்கூடவே வர இருக்காங்க!

ஆகவே நண்பர்களே.....  சந்திப்பு நடத்தும் குழுவினர்களே, சென்னை வலைப்பதிவர் சந்திப்புக்கு நாங்களும் வர்ரோம்ல!... 200- பேர்களில் எங்களுடைய பேரையும் சேர்த்துக்கோங்க!

சென்னையில் சந்திப்போம் நண்பர்களே.......

நாளைய பதிவில் சந்திக்கும் வரை......

நட்புடன்

வெங்கட்

புது தில்லி.