சொல்லாதது வறுமை – இரு குறும்படங்கள்

சென்ற மார்ச் மாதத்தில் சென்சார் மற்றும் லஞ்சம் – இரு குறும்படங்கள் என்ற பதிவில் சில குறும்படங்களைப் பார்த்து, அவ்வப்போது அவற்றைப் பற்றி எழுதுவதாகச் சொல்லியிருந்தேன்....  அது காற்றோடு போன வாக்காயிற்று! சென்ற ஐந்து மாதங்களில் குறும்படங்கள் பற்றிய ஒரு பகிர்வும் எழுதவில்லை. 

 

இதோ இன்று, இரண்டு குறும்படங்கள் இன்றைய பகிர்வாக.  முதல் குறும்படம் – ஹிந்தி [கவலைப்படாதீர்கள் – ஆங்கிலத்தில் SUB-TITLE கொடுத்திருக்கிறார்கள்]. குறும்படத்தின் கதை: மீனு சாட்டர்ஜி, இயக்கம்: சாம்ராட் தாஸ்குப்தா; ஸ்வாதி தல்தார் மற்றும் ஃபிரோசா கான் நடிப்பில்.  இதோ குறும்படம் உங்கள் பார்வைக்கு..... குறும்படத்தின் தலைப்பு: UNKAHI....  [அன் கஹி] அதாவது ”சொல்லாதது”. 

 

ஒரு மசாஜ் நிலையம். அங்கே வரும் பெண் வாடிக்கையாளருக்கும் மசாஜ் செய்யும் பெண்ணுக்கும் இடையே நடக்கும் சம்பாஷணைகளில் தொடங்குகிறது கதை. தனது கணவர் தன் மீது காட்டும் அன்பு பற்றி மசாஜ் செய்யும் பெண்ணிடம் சொல்லிக் கொண்டு இருக்கிறார் – ஐநூறு ரூபாய் டிப் கொடுத்துச் செல்லும் அந்த நாள் அவரது திருமண நாள். அன்று என்ன நடந்தது என அடுத்த முறை வரும்போது சொல்ல வேண்டும் என வேண்டுகோள் விடுக்கிறாள் மசாஜ் செய்யும் பெண். பிறகு.... படத்தினைப் பார்த்து தெரிந்து கொள்ளுங்களேன்! மனதைத் தொட்ட குறும்படம்.

 

 

இரண்டாவது குறும்படம் “வறுமை”.  படத்தில் நடித்திருக்கும் பெரியவரின் நடிப்பு பிரமாதம். நான்கு இளைஞர்கள் உணவகத்தில் சாப்பிடுகிறார்கள். பாதி சாப்பிட்டு மீதியை அப்படியே வைத்துச் செல்கிறார்கள்....  அடுத்து என்ன நடந்தது? பெரியவர் செய்தது என்ன?  பெரியவர் படம் பார்க்கும் நமது மனதில் நிச்சயம் மாற்றத்தினை உண்டுசெய்வார் என நம்புகிறேன்.....

 

 

 

குறும்படங்களைப் பார்த்துவிட்டு உங்கள் கருத்தினைச் சொல்லுங்களேன்.

மீண்டும் வேறொரு பகிர்வில் உங்களைச் சந்திக்கும் வரை.....

நட்புடன்

வெங்கட்.

புது தில்லி.