தடங்கலுக்கு வருந்துகிறேன்.

தூர்தர்ஷன் தொலைக்காட்சியில் முன்பெல்லாம் அடிக்கடி இப்படி ஒரு தடங்கலுக்கு வருந்துகிறோம் என அறிவிப்பு ஒன்று போட்டு எந்த வித ஒலியோ/ஓசையோ இல்லாது இருக்கும். அது போல எனது வலைப்பூவிலும் சில நாட்களுக்கு இந்த அறிவிப்பு தான் இருக்கப் போகிறது.

அலுவலகத்தில் தொடர்ந்து வரும் பிரச்சனைகள் போதாதென்பது போல, எனது மடிக் கணினிக்கும் என் மேல் தீராத  கோபம். "நான் என்ன உன் காதலியா? எப்ப பார்த்தாலும் என்னையே கட்டிட்டு, என்னை மடி மேல வைத்துக் கொண்டு இருக்கிறாயே, கொஞ்சம் எனக்கும்  ஓய்வு கொடேன்" எனக் கேட்டுக் கொண்டு இருந்தது. 

நான் காதில் விழாத மாதிரியே இருக்க, இப்போது மொத்தமாக படுத்து விட்டது - அட என் மடி மீது இல்லைங்கோ! ஆஸ்பத்திரி படுக்கையில் படுத்து விட்டது. எதோ கொஞ்சம் டிங்கரிங் பண்ணி, பட்டி பார்த்து கொடுத்து இருக்கார் கணினி மருத்துவர். இன்னும் நிறைய விஷயங்கள் சரியாக  வில்லை. எதை செயல் படுத்தினாலும், "டிங். டிங். என சத்தம் செய்து, "என்னைத் தொடாதே, என்னைக் கிள்ளாதே, மீறினால் மேலிடத்தில் புகார் அனுப்புவேன்" என மிரட்டுகிறது.

ஆகையால் நண்பர்களே, இன்னும் சில நாட்களுக்கு இங்கே 'தடங்கலுக்கு வருந்துகிறேன்' என்ற அறிவிப்பு தான். "புதிய பதிவுகள் வெளி வராது. நான் தொடரும் பதிவர்களின் பதிவுகளையும் படிக்க முடியாது" என்பதை வருத்தத்துடன் [ஆஹா ஜாலி, என பலரும் சந்தோஷத்தில் வெடி வெடிப்பது இங்கே வரை கேட்கிறது!.....] தெரிவித்துக்  கொள்கிறேன்.

மீண்டும் கணினி சரியான பிறகு, அலுவலகத்தில் ஆணி கொஞ்சம் குறைந்த பிறகு உங்களைச சந்திக்கிறேன். அதுவரை....

எஞ்சமாய்........

வெங்கட்
புது தில்லி