கவிதை எழுத வாருங்கள்......

கடந்த மார்ச் மாதம் என்னுடைய வலைப்பூவில் ஒரு படம் வெளியிட்டு கவிதை/கதை எழுத நண்பர்களை அழைத்தது நினைவிருக்கலாம். அதன் பின்னர் வேறு சில படங்களுக்கு கவிதை எழுதச் சொல்லி அழைக்கலாம் என நினைத்தாலும் ஏதோ சில தடங்கல்கள்...... 

இப்போது கவிஞர்களுக்கு மீண்டும் ஒரு அழைப்பு.  கீழே கொடுத்துள்ள இந்தப் படத்திற்குப் பொருத்தமான கவிதை எழுதி அனுப்பலாம். நீங்கள் எழுதி அனுப்ப வேண்டிய மின்னஞ்சல் முகவரி venkatnagaraj@gmail.com. நீங்கள் எழுதிய கவிதைகளை அவை வந்த வரிசைப்படி ஒவ்வொன்றாய் எனது பக்கத்தில் பகிர்ந்து கொள்கிறேன். 

 ஓவியம்: ராஜன்.....

இன்றைக்கு தேதி 07.12.2013.  வரும் 31.12.2013 வரை உங்களுக்கு நேரமிருக்கிறது. அதுவரை வரும் அனைத்து கவிதைகளும் இங்கே வெளியிடுகிறேன். கவிதை எழுத உங்களுக்கு ஒரு வாய்ப்பு.  உங்கள் கவிதையை வாசிக்க/நேசிக்க எனக்கும் மற்ற வலைப்பூ எழுதுபவர்களுக்கும் ஒரு வாய்ப்பு.

ரசித்த கவிதைகளில் சிறந்த மூன்று கவிதைகளுக்கு பரிசு தர எண்ணம் இருக்கிறது. ”யாரங்கே! மூன்று பொற்கிழிகளை இப்போதே தயார் செய்து வை!” என்று ஆணையிட ஆசை இருந்தாலும், பொற்கிழிகள் தருவது இந்தக் கால வழக்கமில்லையே! :)

எடுங்கள் உங்கள் பேனாக்களை, எழுதுங்கள் ஒரு அருமையான கவிதையை. அல்லது நேரடியாகவே கணினியில் தட்டச்சு செய்து எனக்கு மின்னஞ்சல் மூலம் அனுப்புங்கள்! கவிதை மழை பொழியட்டும்!

கவிதைகளுக்கான காத்திருப்புடன்......

மீண்டும் சந்திப்போம்.  அதுவரை.....

நட்புடன்

வெங்கட்.

புது தில்லி.