ஃப்ரூட் சாலட் – 106 – சாதனை மனிதர் – நீச்சல் - டாஸ்மாக்

இந்த வார செய்தி:

பார்வையில்லாமலும் சாதிக்க முடியும்!

இந்தியாவிலேயே முதன்முறையாக, வணிகவியலில் டாக்டர் பட்டம் பெற்ற, பார்வையற்ற மாற்றுத்திறனாளியும், என்.ஜி.எம். கல்லுாரி உதவி பேராசிரியருமான ஆர்.மணிகண்டன்: பிறவியிலேயே வலது கண்ணில் பார்வையில்லை. 9ம் வகுப்பு படிக்கும் போது இடது கண்ணிலும் பார்வை பறி போனபின், மூன்று ஆண்டுகள் வீட்டுக்குள்ளேயே முடங்கிக் கிடந்தேன்.

ஆரம்பப் பள்ளி ஆசிரியராக இருந்த என் தந்தையின் துாண்டுகோலும், முயற்சியும் என்னைத் துாக்கி நிறுத்தின. மனச் சோர்வுகள் விலகி, சந்திரன் என்ற பார்வையற்ற ஆசிரியரிடமிருந்து, 'பிரெயில்' முறையில் படிக்கவும், எழுதவும், 10 நாட்களில் கற்றுக் கொண்டேன். தமிழ், ஆங்கிலம், இந்தி மொழிகளில் என்னால், இப்போது பிரெயிலில் எழுத, படிக்கத் தெரியும்.

மீண்டும் கல்வி கற்கும் ஆவலில் பள்ளியில் சேர்ந்து, 10ம் வகுப்பு வரை, தமிழ் மீடியத்தில் படித்தேன். பிறகு, பிளஸ் 1ல், ஆங்கில மீடியத்தில் சேர்ந்தபோது, ஆங்கிலத்தில் காமர்ஸ், அக்கவுன்டன்சி பாடங்களைப் படிப்பது கடினம் என பலரும், 'டிஸ்கரேஜ்' செய்தனர்.

ஆனாலும், என் முடிவில் பின்வாங்காமல் படித்து, பிளஸ் 2வில் 1,043 மதிப்பெண் பெற்று, பள்ளியிலேயே முதல் மாணவனாக தேர்ச்சி பெற்றேன். பின், பொள்ளாச்சி என்.ஜி.எம். கல்லுாரியில் பி.காம்., மற்றும் எம்.காம்., படிப்பில், முதல் ரேங்கில் தேர்ச்சி பெற்றேன்.

படிக்கும் போதே, ஆசிரியர் தொழிலுக்குத்தான் போக வேண்டும் என்ற லட்சியம், எனக்குள் கொழுந்துவிட்டு எரிந்து கொண்டிருந்தது. பி.எட்., மற்றும் எம்.பில்., முடித்தவுடன், இரண்டு ஆண்டுகள், 'டுட்டோரியலில்' கல்லுாரி ஆசிரியராக வேலை பார்த்தேன். பின், என்.ஜி.எம். கல்லுாரியில், உதவிப் பேராசிரியராகப் பணிபுரியும் வாய்ப்பு கிடைத்தது.

என்னுடைய மாணவர்களுக்கு, அக்கவுன்டன்சி, இன்கம்டாக்ஸ் போன்ற முக்கியமான சப்ஜெட்டுகளை கற்றுத் தருகிறேன். கம்ப்யூட்டரை நானே இயக்க கற்றுக் கொண்டிருப்பதால், விரைவில் என் மாணவர்களுக்கு, 'பவர்பாயின்ட் பிரசன்டேஷன்' முறையில், பாடம் நடத்த திட்டமிட்டுள்ளேன். கடந்த 2005ல், வணிகவியலில் பிஎச்டி., - முனைவர் பட்ட ஆய்வுக்காக பதிவு செய்து, 2013ல் முடித்தேன். வணிகவியல் பாடத்தில் பார்வையற்றவர் பிஎச்.டி., பெறுவது, இந்தியாவிலேயே இதுதான் முதல் முறை. சாதாரண மனிதர்களைப் போலவே, பார்வை இல்லாதவர்களாலும், எல்லா சாதனைகளையும் நிகழ்த்த முடியும்.

-   தினமலர் “சொல்கிறார்கள்” பகுதியிலிருந்து....

எத்தனை தன்னம்பிக்கை இந்த மனிதருக்கு.  சிறிய தோல்விகளுக்கே துவண்டு விடும் பலருக்கு, வாழ்க்கையில் வெற்றியை நோக்கி பயணிக்க இவர் ஒரு எடுத்துக்காட்டு. இந்த வாரப் பூங்கொத்து பேராசியர் மணிகண்டன் அவர்களுக்கு...

இந்த வார முகப்புத்தக இற்றை:

பிரிட்டிஷ்காரன் :       உனக்கு நீச்சல் தெரியுமா?

இந்தியன் :                      தெரியாதே..

பிரிட்டிஷ்காரன்:         அப்படீன்னா.. உன்னை விட நாய் மேல்..!

இந்தியன்:                        அவ்வ்வ்வ்.. சரி உனக்கு நீச்சல் தெரியுமா?

பிரிட்டிஷ்காரன்:         ஓ..! ஏன் தெரியாது நல்லாவே தெரியுமே..

இந்தியன்:                        அப்படீன்னா.. நாய்க்கும் உனக்கும் என்ன மேன் வித்தியாசம்..?

யாருகிட்ட....? :)

இந்த வார குறுஞ்செய்தி:

ரசித்த காணொளி:

நேற்று ஒரு காணொளி பார்த்தேன்.  ICICI Prudential Life Insurance ஒரு விளம்பரம் வெளியிட்டு இருக்கிறது.  தனது குழந்தைக்காக, அப்பா எதையும் செய்வார் என்று சொல்லும் விளம்பரம்!  பார்த்தீர்களா?  இல்லையெனில் பார்க்கலாமே!

Post by ICICI Prudential Life Insurance.

ரசித்த பாடல்:

இந்த வார ரசித்த பாடலாக ”பகவதிபுரம் ரெயில்வே கேட்” படத்திலிருந்து  ”காலை நேரக் காற்றே” பாடல்.. தீபன் சக்ரவர்த்தி மற்றும் எஸ்.பி. ஷைலஜா குரலில், இளையராஜாவின் இன்னிசையில் - இதோ உங்கள் ரசனைக்கு!

 

இந்த வார புகைப்படம்:

நாங்கல்லாம் குளிக்கும்போது கூட முகரகட்ட பொஸ்தகத்துல அப்டேட் போடுவோம்லே!

இந்த வார கவிதை:

ஊரும் ஜனமும்

கிழக்கேயும்

டாஸ்மாக்

மேற்கேயும்

டாஸ்மாக்

வடக்கேயும்

டாஸ்மாக்

தெற்கேயும்

டாஸ்மாக்

டாஸ்மாக்குகளுக்கு மத்தியில்தான்

ஊரும் ஜனமும்!

தமிழகத்தின் நிலை சொல்லும் இதை படிக்கும்போது உங்களுக்கு என்ன தோன்றுகிறது என்று பின்னூட்டத்தில் சொல்லுங்களேன்!

மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…..

நட்புடன்

வெங்கட்.

புது தில்லி.