ஃப்ரூட் சாலட் – 147 – சரவணபவனில் விருந்து – பலம் – சனி!

இந்த வார செய்தி:

தில்லியின் ஜன்பத் சாலையில் சரவணபவன் ஹோட்டலின் ஒரு கிளை உண்டு. எப்போதும் அங்கே மக்கள் கூட்டம் இருக்கும். அதுவும் மதிய உணவின் போதும், இரவு உணவின் போதும் உட்கார இடம் இல்லாது வெளியே காத்திருப்பதைப் பார்க்க முடியும். சென்ற வாரம் இந்த உணவகத்தில் இருப்பவர்களும், பணியாளர்களும் வித்தியாசமான ஒரு காட்சியைக் கண்டிருக்கிறார்கள். 

ஒரு மனிதர், உணவகத்தின் வெளியே கையேந்தும் சிறுமிகளோடு வந்திருந்து அவர்களுக்கு உணவு வாங்கிக் கொடுத்திருக்கிறார். பொதுவாக இப்படி கையேந்தும் சிறுவர்களுக்கு ஒரு ரூபாயோ இரண்டு ரூபாயோ கொடுத்து அங்கிருந்து நகர்வதைத் தான் பார்த்திருப்போம். அதற்கு பதில், அவர்களை உணவகத்திற்கு அழைத்து வந்து உணவு வாங்கிக் கொடுத்திருக்கிறார். அந்த நபரின் பெயர் பி.சி. அலெக்சாண்டர்.  இவர் ஒரு குழந்தை நல மருத்துவர்.

இவர் பற்றி முகபுத்தகத்திலும் இணையத்திலும் படித்த பலரும் பாராட்டி இருக்கிறார்கள். உங்கள் சார்பிலும் பாராட்டுகளும் பூங்கொத்தும்!

இந்த வார முகப்புத்தக இற்றை:

இந்த வார குறுஞ்செய்தி:

இந்த வார புகைப்படம்:

சென்ற ஞாயிறன்று எங்கள் பகுதியில் ஒரு பூஜை. அதன் ஒரு பகுதியாக நாராயண சேவா – ஏழை எளிய மக்களுக்கு உணவளிப்பார்கள். பூரி சப்ஜி செய்து அதை 50-100 பேருக்கு கொடுப்பார்கள். நானும் சென்றிருந்தேன் – பூஜை ஏற்பாடு செய்திருந்த நண்பர்கள் நாராயண சேவையின் போது புகைப்படம் எடுத்துத் தரச் சொல்லி இருந்தார்கள்.  அங்கே வந்திருந்த ஒரு சிறுவன் கருப்புக் கண்ணாடி அணிந்து வர தனியாக புகைப்படம் எடுத்தேன்! அப்புகைப்படம் இந்த வார புகைப்படமாக....

இந்த வார காணொளி:

நல்லதோர் காணொளி! நீங்கள் செய்யும் ஒரு நல்ல விஷயம் மற்றவர்களையும் நல்லது செய்யத் தூண்டும்! பாருங்களேன்!

படித்ததில் பிடித்தது:

ஒரு புதுமணத் தம்பதி கோயிலுக்கு நடந்து சென்றனர். புதுப்பெண் கவனக் குறைவால் பாதையில் இருந்த சிறுகல்லில் கால்விரல் மோதிக்கொள்ள.... வலியால் ‘ஆ’ என குரல் எழுப்பினாள். உடனே பதறிப்போன அவள் கணவன் குனிந்து அந்தச் சிறுகல்லை கையில் எடுத்து ’சனியன் பிடிச்ச கல்’ என்று கோபமாகச் சொல்லி கல்லைத் தூர எறிந்தான். அடுத்த ஆண்டும் அந்தத் தம்பதியர் கோயிலுக்கு நடந்து சென்ற போது மீண்டும் அந்தப் பெண் கல்லில் காலை மோதி ‘ஆ’ என அலற....  உடனே அவள் கணவன், ‘சனியனே, பார்த்து நடக்கக் கூடாதா?’ என்று கோபமாகக் கத்தினான். கடந்த ஆண்டு கல்லில் இருந்த சனி, மனைவியிடம் பெயர்ச்சி அடைந்து விட்டது. இது தான் சனிப்பெயர்ச்சி!

மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…..

நட்புடன்