ஃப்ரூட் சாலட் 172 – பிறந்த நாள் இப்படியும் கொண்டாடலாம் – ஓவியம் – குழந்தையாக இரு...

இந்த வார செய்தி:

சென்னை OMR சாலையில் இருக்கும் Traffic Constable திரு குமார். சாலையில் அவர் பணிபுரியும் போது அவரைப் பார்க்கும் எல்லோருக்கும் அவரைப் பிடித்திருக்கிறது. அவர் பற்றிய காணொளி தான் இந்த வார செய்தி!  பாருங்களேன்.

திரு குமார் அவர்களுக்கு இந்த வாரப் பூங்கொத்து!

இந்த வார முகப்புத்தக இற்றை:

ஒரு லுங்கிக்குக் கூட ஆண்களால தனியா விளம்பரம் பண்ண முடியல...

பெண்கள் இல்லாம என்னத்த சாதித்து விடுவீர்கள் நீங்கள்?

இந்த வார குறும்படம்:

நாமும் பிறந்த நாளை இப்படிக் கொண்டாடலாம்....  மனதைத் தொட்ட குறும்படம். பாருங்களேன்!

இந்த வார குறுஞ்செய்தி:

Don’t confuse my personality with my attitude….  My personality is who I am, my attitude depends on who you are…..

இந்த வார ஓவியம்:

என் மகள் வரைந்த ஓவியம் ஒன்று இந்த மாத கோகுலத்தில் பிரசுரம் ஆகியிருக்கிறது.  அந்த ஓவியம் இதோ....

இந்த வார ரசித்த பாடல்:

நண்பர் மாதவன் ஸ்ரீனிவாசகோபாலன் அவர்களின் ஃபேஸ்புக்கில் பார்த்து ரசித்த பாடல்.... மலையாளப் பாடல் ஒன்று. கேளுங்களேன்!

படித்ததில் பிடித்தது:

குழந்தையாக இரு....

குரு ஒருவரிடம் செல்வந்தர் ஒரு கேள்வி கேட்டார்.

"என் மனம் மிகவும் குழப்பத்தில் இருக்கிறது. என் பணியாட்கள்கூட எனக்கு உண்மையாக இல்லை. என் மனைவி, பிள்ளைகள் உள்பட உலகமே சுயநலக் கூட்டமாக உள்ளது. யாருமே சரியில்லை" என்றார்.

புன்னகைத்த குரு, கதை ஒன்றைச் சொன்னார்...

"ஓர் ஊரில் ஆயிரம் கண்ணாடிகள் இருக்கிற அறை ஒன்று இருந்தது. அதற்குள் சென்று ஒரு சிறுமி விளையாடினாள். தன்னைச் சுற்றி ஆயிரம் குழந்தைகளின் மலர்ந்த முகத்தைக் கண்டு மகிழ்ந்தாள். அவள் கை தட்டியவுடன், ஆயிரம் பிம்பங்களும் கை தட்டின. உலகிலேயே மகிழ்ச்சியான இடம் இதுதான்! என்று எண்ணி, அடிக்கடி அங்கே சென்று விளையாடினாள்.

அதே இடத்துக்கு ஒருநாள் மனநிலை சரியில்லாத ஒருவன் வந்தான். தன்னைச் சுற்றி ஆயிரம் கோபமான மனிதர்களைக் கண்டான். அச்சம் கொண்ட அவன், அந்த மனிதர்களை அடிக்க கை ஓங்கியவுடன், ஆயிரம் பிம்பங்களும் அவனை அடிக்க கை ஓங்கின. உலகிலேயே மோசமான இடம் இதுதான்! எனக் கூறி, அங்கிருந்து வெளியேறினான்.

இந்த சமூகம்தான் ஆயிரம் கண்ணாடிகள் இருக்கிற அறை. நாம் எதை வெளிப்படுத்துகிறமோ அதையே சமூகம் பிரதிபலிக்கிறது. *உன் மனதைக் குழந்தையைப் போல் வைத்திரு. உலகம் உனக்கு சொர்க்கமாகும்*" என்றார் குரு.

மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…..

நட்புடன்

வெங்கட்.

புது தில்லி.