கதம்பம் - இடைஞ்சல் - சினிமா பாடல் - இன்று - இசைத்தமிழர் இருவர்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் முகநூல் இற்றைகளின் ஒரு கதம்பம் பதிவுடன் உங்கள் அனைவரையும் சந்திப்பதில் மகிழ்ச்சி.   

 

நேற்று வெளியிட்ட வாசிப்பனுபவம் பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

 

A MAN WHO IS MASTER OF PATIENCE IS MASTER OF EVERYTHING.

 

******

 

இடைஞ்சல் - 10 மார்ச் 2022

 

காலை வேளை..

.

அண்ணனுக்கு ஜே! காளையனுக்கு ஜே!

 

கண்மணியே காதல் என்பது கற்பனையோ! காவியமோ!

 

மச்சானப் பார்த்தீங்களா! 

 

செந்தூரப் பாண்டிக்கொரு ஜோடிக்கிளி…

 

பின்னாடித் தெருவில் அலறும் பாடல்கள்..🙂

 

மாமியார் வீட்டில் இன்று தலையில் சொருகிய சீப்பும், கையில் மகளின் பின்னலுமாக பால்கனியில் நின்றவாறு கேட்டுக் கொண்டிருந்தேன்..🙂

 

அடுத்தவர்களுக்கு இடைஞ்சல் தரும்  உரிமையை யார் இவர்களுக்குத் தந்தது என்றாலும் மனதிற்கினிய பாடல்களை அலறவிட்டதால் தப்பித்தார்கள்..🙂

 

******

 

சினிமா பாடல் - ரேடியோ - 11 மார்ச்:

 

இன்றைய காலை..

 

தலைகுளித்து கூந்தலில் சுற்றிய ஈரத்துண்டுடன்..

 

பரபரப்பாக அடுப்பில் ஒருபுறம்  இட்லி! மறுபுறம்  சாதமும் பருப்பும் குக்கரில்! வாழைக்காய்களை நறுக்கிய நிலையில்…

 

அடுக்களையில் அலைபேசியில் ஒலித்த..

 

பருவமே புதியப் பாடல் பாடு!

 

புதிய பூவிது பூத்தது!

 

மாலை சூடும் வேளை அந்திமாலை..

 

மெளனமான நேரம் இளம் மனதில்..

 

இன்றைய பொழுதை ரம்மியமாக்க  ஹலோ FMன் Retro Friday ..!

 

நல்லதே நடக்கட்டும்!

 

******

 

இன்றைய நாள் - 12 மார்ச் 2022: 

 

மக்கும் குப்பை! மக்காத குப்பை ! மறுசுழற்சி குப்பைனு தான் தனித்தனியா சேகரிச்சு தான் வெச்சிடுவோம்! ஆ..ஆ..ஆ.. தனித்தனியா சேகரிச்சு தான் வெச்சிடுவோம்..! 

 

மாநகராட்சியின் குப்பை எடுக்கும் வண்டியில் பாட்டாகவே மக்களுக்கு அறிவுரை!

 

அதனை அடுத்து…

 

கர்ர்ர்ர்ர்ர்ர்ர்....உவ்வ்வேவேவே..!!!!

 

பின்னாடித் தெருவில் ஒரு வீட்டில் யாரோ ஒருவர் பல்துலக்கும் ஓசை!!  

Zooவுக்குள் சென்று வந்த உணர்வைத் தந்தது..🙂

 

கூடவே… 

 

தமால்ல்..தமால்ல்… பக்கெட் பக்கெட்டாக தண்ணீரை எடுத்து விடும் ஓசை!! வீட்டில் பாத்ரூம் காலியாக இல்லை போலும்!! பால்கனியிலேயே ஒருவர் குளிக்கிறார்..🙂

 

இதற்கிடையே… ”ஏதாவது சாப்பிடக் கிடைக்குமா! எதை உருட்டித் தேடலாம்! என்று எட்டிப் பார்க்கும் நம் முன்னோர்கள்...🙂  இன்றைய பொழுதுக்கு பொட்டுக்கடலையை சாப்பிட்டு விட்டு நகர்ந்தனர்!

 

******

 

இசைத் தமிழர் இருவர் - 12 மார்ச் 2022:

 

 

நேற்று மகளின் தமிழ் வகுப்பில் இசைத்தமிழர் இருவர் என்ற பாடம்!

 

ஆசிரியர் எல்லோரிடமும்  இசைஞானியின் பாடல் ஒன்றும், இசைப்புயலின் பாடலில் ஒன்றுமாக நாலு வரிகள் எழுதச் சொன்னாராம்.

 

காதல் பாடல்கள் கூடாது! என்று சொல்லி விட்டாராம்.

 

ஒருவருக்கொருவர் கலந்து ஆலோசித்துக் கொண்டு எழுதினார்களாம்.

 

மாலை மொட்டைமாடியில் காற்று வாங்கிக் கொண்டே இந்த விஷயங்களை சொல்லிக் கொண்டிருந்தாள்.

 

அம்மா! இளையராஜா பாடல்னு நான் என்ன எழுதித் தந்திருப்பேன்னு சொல்லுப் பார்க்கலாம்! 

 

நான் ராஜா சாரின் பாடல்கள் தான் நிறைய கேட்பேன் என்றாலும் இவளுக்கு எந்தப் பாடல் தெரியும்னு தெரியலையே! என்று யோசித்துக் கொண்டிருந்தேன்!

 

மடை திறந்து தாவும் நதியலை தான்!

மனம் திறந்து கூவும் சிறுகுயில் தான்!

இசைக்கலைஞன் என் ஆசைகள் ஆயிரம்!

நினைத்தது பலித்தது!

எப்படிடி!!! என்று சிரித்துக் கொண்டே சொன்னாள்!

 

நீ தானம்மா சொல்லுவ இந்தப் பாட்டைக் கேட்கும் போது உற்சாகமா இருக்கும்னு! என்றாள்.

 

இன்னும் கூட உனக்கு பிடிச்ச பாட்டுனு …

 

புஞ்சையுண்டு நஞ்சையுண்டு ..

உன்னால் முடியும் தம்பி தம்பி...

பாட்டு ஒண்ணு பாடு தம்பி பசிய கொஞ்சம் மறந்திருப்போம்!

 

அதெல்லாம் கூட ஞாபகம் வந்தது.. ஆனா இசைஞானியோட பாட்டு தானான்னு தெரியலம்மா..! என்றாள்.

 

இருவருமாக காற்று வாங்கிக் கொண்டே சில பாடல்கள் கேட்டு விட்டு கீழே வந்தோம்..🙂

 

*****

 

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

 

நட்புடன்

 

ஆதி வெங்கட்