கல்லணை - சில காட்சிகள்

திருச்சியை அடுத்த கல்லணை பற்றி நீங்கள் அனைவரும் அறிவீர்கள். கடந்த ஆகஸ்ட் மாதம் அந்த வழியே நேமம் எனும் திருத்தலத்திற்குச் சென்று திரும்பும் போது வண்டியை கல்லணையில் நிறுத்தி அங்கே கொஞ்சம் இளைப்பாறி மதிய உணவினை எடுத்துக் கொண்டோம். அப்போது நல்ல மழை பெய்து காவிரி/கொள்ளிடத்திலும் நிறைய தண்ணீர் ஓடிக் கொண்டிருந்தது – சில வருடங்களுக்குப் பிறகு.

சென்ற சில வருடங்களாகவே காய்ந்து போன காவிரியைப் பார்த்த திருச்சி வாசிகளுக்கு இந்த தண்ணீர் வரத்து ஒரு வரப் பிரசாதம். பூமியைக் குளிர வைத்த நிகழ்வு அல்லவா அது.  மீண்டும் தண்ணீர் எப்போது இவ்வளவு வரும் எனச் சொல்ல முடியாது – மழை பெய்வது நம் கையில் இல்லையே? அப்படியே கொஞ்சம் பெய்து விட்டாலும் அடுத்தவர்கள் அணையைத் திறந்து விட்டால் மட்டுமே அல்லவா காவிரி நிரம்பி இருக்கும் அழகைக் காண முடியும்!

அந்த சமயத்தில் கல்லணை பகுதியில் எடுத்த சில படங்கள் இன்றைக்கு உங்களுடன் பகிர்ந்து கொள்கிறேன் – ரசிப்பீர்கள் என்ற நம்பிக்கையோடு!

கரைபுரண்டு ஓடும் காவிரித்தாய்......

மாமன்னன் ராஜராஜ சோழன்.

”விவசாயி... விவசாயி..... கடவுள் எனும் முதலாளி கண்டெடுத்த தொழிலாளி!” என்று தொடங்கும் எம்.ஜி.ஆர். பாட்டு உங்கள் காதில் ஒலிக்கிறதோ!

வயலில் விளைந்த நெற்கதிர்களை அறுத்து தலையில் சுமந்தபடி வரும் பெண்!

அகத்திய மாமுனிவர் – கமண்டலும் காக்கையும் கண்டீரா?

கல்லிலே கலைவண்ணம் கண்டான்!

”EXCUSE ME! எனக்கு எதாவது சாப்பிடத் தாங்க!” என நாங்கள் சாப்பிடும்போது பக்கத்தில் நின்று கொண்டிருந்த ஆடு! சீக்கிரம் அதையே சாப்பிட்டு விடுவார்கள் என்பது புரியாத ஆடு!

வேகவைத்த மக்காச் சோளமும் கடலையும்.... – ”என்னையும் சாப்பிடலாம்” என அழைத்தபடி!

மாங்காவா, பப்பாளியா? எது வேணும்னாலும் எடுத்துக்கலாம்!

கல்லணை கட்டிய சோழமன்னன் கரிகால் பெருவளத்தான்

என்ன நண்பர்களே, புகைப்படங்களை ரசித்தீர்களா? அடுத்த ஞாயிறு அன்று வேறு சில புகைப்படங்களைப் பார்க்கலாம்.....

வேறொரு பகிர்வில் உங்களைச் சந்திக்கும் வரை......

நட்புடன்

வெங்கட்.

புது தில்லி.