ஓவியக் கவிதை – 10 – முருகன்

டிசம்பர் மாதம் ஏழாம் தேதி “கவிதை எழுத வாருங்கள்” என்ற தலைப்பில் என்னுடைய வலைப்பூவில் ஒரு படத்தினை வெளியிட்டு கவிதை எழுத அழைப்பு விடுத்திருந்தேன். டிசம்பர் 31-ஆம் தேதி வரை கவிதைகள் எழுதி அனுப்பலாம் எனவும் அதில் சொல்லி இருந்தேன். இந்த வேண்டுகோளுக்கு செவி சாய்த்து சில நண்பர்கள் கவிதைகளை எழுதி அனுப்பி இருக்கிறார்கள். அந்த வரிசையில் இது பத்தாம் கவிதை.

ஓவியம் எழுத அழைப்பு விடுத்து, வெளியிட்ட ஓவியம் திரு ராஜன் அவர்களின் கைவண்ணத்தில் உருவானது. ஓவியம் கீழே.

இந்த ஓவியத்திற்கான கவிதை எழுதிய திரு முருகன் அவர்கள் பற்றிய சிறு குறிப்பு:

திரு முருகன் அவர்கள் எனது கவிதை எழுத வாருங்கள் அறிவிப்பினைப் பார்த்து எனக்கு மின்னஞ்சல் மூலம் இக்கவிதையை எழுதி அனுப்பி இருந்தார்.  Muruchandru's Blogspot (mcboy) என்ற அவரது தளத்தின் முகப்பில் ”அவசியமான மென்பொருட்கள், புதிய தமிழ் திரைப்படங்கள், ஒரு தமிழனின் வலைப்பூ”  என அறிமுகம் செய்திருக்கிறார். ”அவன் அன்னை இறந்த செய்தியை நண்பரிடம் சொல்லணும்” என்று ஒரு பதிவு எழுதியிருக்கிறார்.  படித்துப் பாருங்களேன் – என் மனதைத் தொட்ட பதிவு அது!

மேலே கொடுத்துள்ள ஓவியத்திற்கு திரு முருகன் அவர்கள் எழுதிய கவிதையை ரசிக்கலாம் வாருங்கள்....

என் அன்னை சூட்டிய பூக்களுக்கும்

இன்று என் மணாளன் சூட்டிய பூக்களுக்கும் 

வித்தியாசத்தை அறிந்து கொண்டேன்.

அன்று பாசத்தினால் அகம் மலர்ந்தது

இன்று காதலால் முகம் சிவந்தது.

என்னவன் தாயுமானவன்

நானும்  அவனானவள்.

-          முருகன்.

என்ன நண்பர்களே, கவிதையை ரசித்தீர்களா?  இந்த ஓவியத்திற்கான பத்தாம் கவிதை இது. கவிதை படைத்த திரு முருகன் அவர்களுக்கு ஒரு அழகிய பூங்கொத்து!

டிசம்பர் 31-ஆம் தேதி வரை வந்த மொத்த கவிதைகள் பதிமூன்று மட்டுமே.  ஒரு சிலர் கேட்டுக் கொண்டதற்கு இணங்க, இந்த கடைசி தினத்தினை இன்னும் கொஞ்சம் தள்ளி வைத்துவிட முடிவு செய்துவிட்டேன். ஆகையால் ஜனவரி-10-ஆம் தேதி நள்ளிரவு வரை எனது மின்னஞ்சலுக்கு [venkatnagaraj@gmail.com] அனுப்பி வைக்கிற அத்தனை கவிதைகளும் அவை வந்த வரிசையிலேயே வரும் நாட்களில் இங்கே பதிவு செய்யப்படும். கவிதை எழுதி அனுப்பிய அனைத்து நல்லுள்ளங்களுக்கும், கவிதைகளை ரசித்துக் கருத்து பகிரும் நண்பர்களுக்கும் மனமார்ந்த நன்றி.

மீண்டும் வேறொரு பகிர்வில் சந்திக்கும் வரை......

நட்புடன்

வெங்கட்.

புது தில்லி.

முந்தைய பகுதிகள்:

ஓவியக் கவிதை - 1 - திரு இ.சே. இராமன்

ஓவியக் கவிதை - 2 - திரு காரஞ்சன் [சேஷ்]

ஓவியக் கவிதை - 3 - திரு ரா. ஈ. பத்மநாபன்

ஓவியக் கவிதை - 4 - திருமதி பி. தமிழ் முகில் நீலமேகம் 

ஓவியக் கவிதை - 5 - திரு கவியாழி கண்ணதாசன்

ஓவியக் கவிதை – 6 – அம்பாளடியாள்

ஓவியக் கவிதை – 7 – காயத்ரி

ஓவியக் கவிதை – 8 - திருஇராய செல்லப்பா

ஓவியக்கவிதை – 9 – திருமதி எழிலி சேஷாத்ரி