சிந்தனையை சிறகடிக்க வைப்போம் - ஆதி வெங்கட்

 

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

 

நேற்று வெளியிட்ட முகநூல் இற்றைகள் பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

 

WINNING HORSE DOESN’T KNOW WHY IT RUNS IN THE RACE; IT RUNS BECAUSE OF THE BEATINGS IT GETS AND THE RESULTANT PAIN…  LIFE IS LIKE A RACE AND GOD IS YOUR RIDER. SO IF YOU ARE IN PAIN, THINK THAT GOD WANTS YOU TO WIN.

 

******

 

சிந்தனையை சிறக்கடிக்க வைத்த இட்லி மாவு! 

 

என்னது! இட்லி மாவு சிந்தனையை சிறகடிக்க வைக்குமா!!! 

 

என்னம்மா சொல்ற! 

 

அது எப்படி! 

 

நாங்களும் தான் தினமும் இட்லியும், தோசையும் சாப்பிடறோம்! அப்படி ஒண்ணும் சிந்தனைகள் வர மாட்டேங்குதே!!

 

திரும்பத் திரும்ப அதையே சாப்பிட்டு போர் தான் அடிக்குது!

 

அடடா! கொஞ்சம் இருங்க! நான் என்ன சொல்ல வரேன்னு முழுசா கேட்டுட்டு உங்க சிந்தனைகள் சிறகடிக்குதா! என்னன்னு பாருங்க!

 

அட முதல்ல சொல்லுமா! சும்மா பில்டப் எல்லாம் குடுக்கற! அப்புறம் மொக்கையா எதையாவது சொல்லப் போற...!

 

இருங்க! இருங்க! நான் சொல்லிடறேன்! அப்புறம் அது மொக்கையா என்னன்னு பாருங்க!

 

உங்களைப் போல தான் எங்க வீட்டிலும் இட்லி மாவு காலியாகும் போதே அடுத்த குண்டானை அரைத்து நிரப்பிடுவேன். இந்த இட்லி மாவு, இட்லி மிளகாய்ப் பொடி, புளிக்காச்சல், ஊறுகாய் இதெல்லாம் எப்போதும் ஸ்டாக் வெச்சிருக்கணும்! அப்போது வரும் நிறைவு இருக்கு பாருங்க! பீரோ நிறைய பணமும், நகைகளும் இருந்தாக் கூட அப்படி ஒரு நிறைவு கிடைக்காது..🙂

 

என்ன சரி தானே! ஒத்துக்கறீங்களா! அடுக்கு நிறைய அப்படி இட்லி மாவு இருந்ததுன்னு வைங்க! என்ன செய்வோம்!

 

அட என்னம்மா! கூறு கெட்டாப்ல பேசற! மாவு இருந்தா என்ன செய்வோம்! இட்லியும், தோசையும் செஞ்சு சாப்பிடுவோம்!

 

ஆங்! இப்பத் தான் நீங்க பாயிண்ட்டுக்கே வரீங்க! என்னோட சிறகடித்த சிந்தனைய சொல்றதுக்கான நேரம் வந்திடுச்சு!

 

சொல்லித் தொல!

 

இப்ப நீங்க என்ன செய்யணும்னா அடுத்த ஒரு வாரத்துக்கு இட்லிக்கு மாவே அரைக்கக் கூடாதுன்னு சபதம் எடுக்கணும்! இது தான் சாக்குன்னு கடையில வாங்கிப்போமேன்னு சொல்லக்கூடாது! 

 

அப்புறம்! என்ன தான் செய்யறது!

 

ம்ம்ம்! இப்ப ரெண்டு வேள டிபனுக்கு என்ன பண்றது!

 

யோசிங்க! யோசிங்க! இட்லி, தோசையும் தவிர்த்து என்னவெல்லாம் செய்யலாம்னு லிஸ்ட் போடுங்க!

 

இப்ப...இப்ப..இப்ப தான்…

 

உங்கள் சிந்தனைகள் சிறகடிக்கும்...🙂

 

ஊருக்கு மட்டும் உபதேசம் பண்ணலைங்க!

 

இட்லியும், தோசையும் தான் இருக்கு ஒலகத்துலன்னு நினைக்காதீங்க! நானும் கடந்த ஒரு வாரமா எங்க வீட்டு ரெண்டு வேளை டிபனையும் இட்லியும், தோசையும் இல்லாமயே கடந்துட்டேன்! யாரை நம்பி பொறந்தோம்னு சொல்லுங்க! மனச தேத்திகிட்டு அடுத்து என்ன பண்லாம்னு சிந்திச்சு பாருங்க! என்ன நாஞ் சொல்றது!

 

ரெடி ஜூட்! என்னை அடிக்க வர்றதுக்குள்ள ஓடிடறேன்..🙂

 

*****

 

பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

 

நட்புடன்

 

ஆதி வெங்கட்