ஒய்ஃபை!

படம்: இணையத்திலிருந்து....

இந்த ஒய்ஃபை ஒய்ஃபைன்னு சொல்றாங்களே அந்த வார்த்தை முதன் முதலா கேட்கும்போது என்ன தோணும் உங்களுக்கு? யாரோ அவர் ஒய்ஃபை பத்தி சொல்லப் போறார்னு தோணுமா உங்களுக்கு?

சில நாட்கள் முன்னர் கட்டில் சப்ஜி பதிவு எழுதியபோது ஒரு ஹரியானா மாநிலத்தினைச் சேர்ந்த நண்பர் ’சக்ரீன் டச்’ பற்றிக் கேட்டதை எழுதி இருந்தேன். அதே ஆசாமி சென்ற வாரம் கேட்டார் ’என் பையன் இப்பதான் படிக்கிறான். அதுக்குள்ள ஒய்ஃப் வேணும்னு கேட்கறான்! கல்யாணத்துக்கு என்ன அவசரம்னு சொல்லி சத்தம் போட்டேன்’ என்று சொன்னார். ”படிக்கற பையனுக்கு எதுக்கு ஒய்ஃப்?” என்று என்னிடம் கேட்கவே குழப்பம். அட அது ஒய்ஃப் இல்ல! ஒய்ஃபை! என்று சொல்ல, ”யாரோட ஒய்ஃபையும் விக்க மாட்டாங்க!” என்று கூறிவிடுவாரோ என எனக்குள் பயம்!

அவரிடம் ஒய்ஃபை அதாவது WI-FI என்றால் Wireless Fidelity என்பதன் சுருக்கம். ஒரு இணைப்பினை வாங்கி வீட்டில் உள்ள கணினி, அலைபேசி என அனைத்திலும் இணையத்தினை பயன்படுத்தும் வசதி என்று ரொம்பவே கஷ்டப்பட்டு புரிய வைத்தேன். சரி எதுக்கு இந்த முகாந்திரம் என்று கேட்டால், இன்னிக்கு உங்களுக்கு அறிமுகம் செய்யப் போகும் குறும்படம் ஒய்ஃபை! 

‘காலை மாலை திங்கறதும் தூங்கறதும் இவன் வேலை’ என்று ஒரு இளைஞர் இருக்கிறார் – அவர் ஒரு பெண்ணிற்காக பால்கனியில் நின்று கொண்டிருக்கிறார். அப்படி இருப்பவரை அந்த பெண்ணின் சகோதரனும் நண்பர்களும்  எப்படி உபயோகப் படுத்திக் கொள்கிறார் என்று பாருங்க!

என்ன நண்பர்களே படம் பிடித்ததா?

மீண்டும் சந்திக்கும் வரை....

நட்புடன்

வெங்கட்.

புது தில்லி.