ஓவியக் கவிதை – 16 – திரு ரூபன்

 

டிசம்பர் மாதம் ஏழாம் தேதி “கவிதை எழுத வாருங்கள்” என்ற தலைப்பில் என்னுடைய வலைப்பூவில் ஒரு படத்தினை வெளியிட்டு கவிதை எழுத அழைப்பு விடுத்திருந்தேன். டிசம்பர் 31-ஆம் தேதி வரை கவிதைகள் எழுதி அனுப்பலாம் எனவும் அதில் சொல்லி இருந்தேன். பின்னர் ஜனவரி 10-ஆம் தேதி வரை எழுதி அனுப்பலாம் எனச் சொல்ல, இந்த வேண்டுகோளுக்கு செவி சாய்த்து சில நண்பர்கள் கவிதைகளை எழுதி அனுப்பி இருக்கிறார்கள். அந்த வரிசையில் இது பதினாறாம் கவிதை.

ஓவியம் எழுத அழைப்பு விடுத்து, வெளியிட்ட ஓவியம் திரு ராஜன் அவர்களின் கைவண்ணத்தில் உருவானது. ஓவியம் கீழே.

இந்த ஓவியத்திற்கான கவிதை எழுதிய திரு ரூபன் அவர்கள் பற்றிய சிறு குறிப்பு:

ரூபனின் எழுத்துப்படைப்புகள் எனும் வலைப்பூவில் எழுதி வரும் திரு ரூபன், தீபாவளி சமயத்தில் நடத்திய கவிதைப் போட்டியும் தற்போது நடத்தும் கட்டுரைப் போட்டியும் உங்களுக்கு நிச்சயம் தெரிந்திருக்கும்.  கட்டுரைப் போட்டி பற்றிய சமீபத்திய அவரது பகிர்வு இங்கே. திண்டுக்கல் தனபாலன் போலவே இவரும் நிறைய வலைப்பூக்களைப் படித்து கருத்திடுபவர். நான் படிக்கும் பல தளங்களில் இவர்கள் இருவரது கருத்துகளும் தவறாது இடம் பெறுவது பார்த்திருக்கிறேன். கட்டுரைப் போட்டிக்கு இது வரை கட்டுரை அனுப்பாதவர்கள் அனுப்பலாமே!

மேலே கொடுத்துள்ள ஓவியத்திற்கு திரு ரூபன் அவர்கள் எழுதிய கவிதையை ரசிக்கலாம் வாருங்கள்....

மலையோரம் தனியாக

இசைபாடும் கலைமானே

புன்னைமரத்தின் அடியினிலே

என் கூந்தலில் இசைபாடும்-மன்னவனே

உன் சிலம்பணிந்த கைகள்

என் மெய்யழகை  தொடுகையிலே.

என் கடைக்கண் பார்வையை-உன் மீது செலுத்துகிறேன்

நான் வெட்கி நாணத்தில் – தலைகுனிந்து

தள்ளிதள்ளிப் போகிறேனே.

நெற்றியில் திலகம் சூடியவள்

தலையினிலே மல்லிகைப்பூ வைத்தவளே

மல்லிகை பூவில் இருந்து

ஊற்றெடுத்து பாயும்

தேனமுதத்தை வண்டுகள் திருடுமுன்

நானே திருடவந்த உன் மன்னவன் –அல்லவா.

இல்லை இல்லை மன்னவனே.

நான் வண்டுகள் மதுவுண்டு கழிக்க முன்

என் கூந்தலில் நானே மல்லிகைப்பூ-சூடினேன்

பிறர் பாதம் பட்ட மண்ணில் –என்

கூந்தலில் சூடும் மல்லிகைப்பூ

விழுமென்று நினைத்து தாங்கி பிடிக்கிறாய் மன்னவனே

உன்பாசத்தை நான் அறிவேன் இப்போதே - என் மன்னவனே

என்ன நண்பர்களே, கவிதையை ரசித்தீர்களா?  இந்த ஓவியத்திற்கான பதினாறாம் கவிதை இது. கவிதை படைத்த திரு ரூபன் அவர்களுக்கு ஒரு அழகிய பூங்கொத்து!

டிசம்பர் 31-ஆம் தேதி வரை வந்த மொத்த கவிதைகள் பதிமூன்று மட்டுமே.  ஒரு சிலர் கேட்டுக் கொண்டதற்கு இணங்க, இந்த கடைசி தினத்தினை இன்னும் கொஞ்சம் தள்ளி வைத்துவிட முடிவு செய்து ஜனவரி-10-ஆம் தேதி நள்ளிரவு வரை எனது மின்னஞ்சலுக்கு அனுப்பி வைத்த அத்தனை கவிதைகளும் அவை வந்த வரிசையிலேயே வரும் நாட்களில் இங்கே பதிவு செய்யப்படும். கவிதை எழுதி அனுப்பிய அனைத்து நல்லுள்ளங்களுக்கும், கவிதைகளை ரசித்துக் கருத்து பகிரும் நண்பர்களுக்கும் மனமார்ந்த நன்றி.

மீண்டும் வேறொரு பகிர்வில் சந்திக்கும் வரை......

நட்புடன்

வெங்கட்.

புது தில்லி.

முந்தைய பகுதிகள்:

ஓவியக் கவிதை - 1 - திரு இ.சே. இராமன்

ஓவியக் கவிதை - 2 - திரு காரஞ்சன் [சேஷ்]

ஓவியக் கவிதை - 3 - திரு ரா. ஈ. பத்மநாபன்

ஓவியக் கவிதை - 4 - திருமதி பி. தமிழ் முகில் நீலமேகம் 

ஓவியக் கவிதை - 5 - திரு கவியாழி கண்ணதாசன்

ஓவியக் கவிதை – 6 – அம்பாளடியாள்

ஓவியக் கவிதை – 7 – காயத்ரி

ஓவியக் கவிதை – 8 – திரு. இராய செல்லப்பா

ஓவியக்கவிதை – 9 – திருமதி எழிலி சேஷாத்ரி

ஓவியக்கவிதை – 10 – திரு முருகன்

ஓவியக்கவிதை – 11 – திருமதி கமலா ஹரிஹரன்

ஓவியக்கவிதை – 12 – திருமதி இளமதி

ஓவியக்கவிதை – 13 – திருமதி ஸ்ரவாணி

ஓவியக்கவிதை – 14 – திரு கோவை ஆவி

ஓவியக்கவிதை – 15 – திரு ரவிஜி