ஃப்ரூட் சாலட் – 134 – 14 வயது சிறுவனின் தீரம் – பாங்க்ராவும் பரதமும்

இந்த வார செய்தி:

 நன்றி: இணையம்

முஸ்லீம் கான் – 14 வயது சிறுவன் – உத்திரப் பிரதேசத்தின் காஸ்கஞ்ச் பகுதியில் கங்கைக் கரையின் ஓரமாக ஆடுகளை மேய்த்துக் கொண்டிருந்தபோது கங்கையை கடக்க முயன்று கொண்டிருந்த ஐந்து பெண்களைப் பார்த்திருக்கிறார். அப்போது ஒரு சிறுமி கங்கையின் வேகத்தில் தடுமாறிட, ஐந்து பெண்களும் ஒருவரை பிடிக்க மற்றொருவராக தண்ணீரில் தத்தளித்திருக்கிறார்கள். அதைப் பார்த்த அடுத்த நிமிடம், எதைப் பற்றியும் கவலை கொள்ளாது, தன் நீச்சல் திறமையின் மீது மட்டும் நம்பிக்கை கொண்டு கங்கையில் பாய்ந்து விட்டார்.

மூன்று பெண்களை, அவர்களது தலைமுடியைப் பிடித்து காப்பாற்றி இருக்கிறார் முஸ்லீம் கான் எனும் அந்தச் சிறுவன். ஆனாலும் இரண்டு அஃப்ரோசா [15 வயது], குல்ஷன் [14 வயது] ஆகிய இரு சிறுமிகளைக் காப்பாற்ற முடியவில்லையே என்ற வருத்தம் அவருக்கு. மூன்று பேரைக் காப்பாற்றி விட்டாலும் இன்னும் இரண்டு பேரையும் காப்பாற்றி இருந்தாலும் இன்னமும் மகிழ்ச்சி அடைந்திருப்பேன் என்று சொல்லும் அந்த இளைஞனுக்கு நல்ல எதிர்காலம் உண்டாக எனது பிரார்த்தனைகள்.

தீரச் செயல் புரிந்த அந்த இளைஞனுக்கு அரசாங்கம் பாராட்டையும் உதவிகளையும் செய்ய வேண்டும். கங்கையின் பிரவாகத்தில் இப்படி நீச்சல் அடிப்பவருக்கு நல்ல பயிற்சி கொடுத்து நீச்சல் போட்டிகளிலும் பங்கு பெறச் செய்ய வேண்டும். செய்யுமா உத்திரப் பிரதேச/பாரத அரசாங்கம்?

இளைஞர் முஸ்லீம் கானுக்கு இந்த வாரப் பூங்கொத்து!

இந்த வார முகப்புத்தக இற்றை:

இந்த வார குறுஞ்செய்தி:

பழகியவர்கள் பிரியும் போது கூட வலிக்கவில்லை.... 
அவர்கள் பழக்கம் இல்லாதவர்கள் போல நடந்து கொள்ளும்போது தான் வலிக்கிறது.....

இந்த வார காணொளி:

பாங்க்ரா ஆடிய கால்கள் பரதமும் ஆடும்!.....

Wah Sardarji Tussi Great Ho!

North meets South Amazing dancing style.ഒരു സർദാർജിയുടെ അടിപൊളി ഡാൻസ് ......An awesome dance number
Posted by Subi Suresh on Wednesday, December 3, 2014

இந்த வாரக் குறும்படம்:

அனைத்து உயிர்களிடத்தும் அன்பு செலுத்துவோம்....

படித்ததில் பிடித்தது:

What is the difference between 
I Like you
I Love you!

Beautifully answered by Buddha....

Buddha's answer was so simple.... "When you like a flower, you just pluck it. But when you love a flower, u water it daily.

மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…..

நட்புடன்

வெங்கட்.

புது தில்லி.