செண்பகப் பூ…. எழுத்தாளர் யார்?

[செண்பகப் பூ]

”அன்று சுக்கிலபட்சத்துச் சதுர்த்தி.  போதாதற்கு வானத்தைக் கருமேகங்கள் மூடியிருந்தன.  இரண்டொரு மழைத்தூறலும் விழுந்தது. 

 

அத்தகைய காரிருளில் காவேரி நதியின் ஓரமாக ஜலத்தைக் கிழித்துக் கொண்டு படகு செல்லும் சலசலப்புச் சத்தம் கேட்டது. கொஞ்சம் உற்றுப் பார்த்தோமானால், ஒரு சிறுபடகு கிழக்கேயிருந்து, மேற்கே கரையோரமாகப் போவதைக் காணலாம். படகில் யாரோ ஒருவர் உட்கார்ந்திருப்பதும் மங்கலாய்த் தெரிகிறது. கரையில் நின்ற வண்ணம் ஒருவர், படகைக் கயிற்றினால் இழுத்துக் கொண்டு போவதும் தெரிகிறது.”

 

”ஏறக்குறைய நள்ளிரவு ஆன சமயத்தில், X படகை நிறுத்தி மெல்லிய குரலில், ‘Y!, இறங்கு! வந்து விட்டோம்!’ என்றான்”.  

 

“X படகை அங்கிருந்த மரத்தின் வேரில் கட்டினான்.”

 

”பிறகு இருவரும் கரைமேல் ஏறினார்கள்.  அங்கே ஒரு நீண்ட மதிற்சுவர் இருந்தது. அந்தச் சுவரில் ஒரு வாசற்படி காணப்பட்டது. அதன் கதவு பூட்டியிருந்தது. X தன் மடியிலிருந்து ஒரு கொத்துச் சாவியை எடுத்து ஒரு சாவியினால் பூட்டைத் திறந்தான்.” 

 

”இருவரும் கதவைத் தள்ளிக் கொண்டு உள்ளே பிரவேசித்தார்கள்”.  

 

”’கம்’ என்று செண்பகப் பூவின் நறுமணம் வந்தது.”

என்ன வெங்கட்? என்னவோ X – Y படகில் பயணம் செய்கிறார்கள், பயணத்தின் முடிவில் பூட்டைத் திறந்து உள்ளே போனால் செண்பகப் பூ வாசம் என்று சொல்றீங்க! என்னதான் சொல்ல நினைக்கிறீங்க? என்று கேட்பவர்களுக்கு…..

மேலே உள்ளது ஒரு பிரபலமான எழுத்தாளரின் ஒரு நாவலில் இருந்து எடுக்கப்பட்ட ஒரு பகுதி. எழுத்தாளரைக் கண்டுபிடிப்பது பிரம்ம சூத்திரம் அல்ல. எழுத்தாளரையும் நாவலையும் பின்னூட்டத்தில் சொல்லுங்களேன்… 

மேலே சொன்னது போலவே செண்பகப் பூ மணம் கமழும் பயணப் பதிவுகள் இன்றைய வலைச்சரத்தில் அறிமுகம் செய்திருக்கிறேன். வந்து பார்த்து ரசியுங்களேன்…..

மீண்டும் நாளை சந்திப்போம் வேறோரு மலரோடு…

நட்புடன்

வெங்கட். 

புது தில்லி.