எங்கே செல்லும் இந்தப் பாதை?

 

சமீபத்திய பயணத்தில் எடுத்த புகைப்படங்கள் சில இன்றைய ஞாயிறில் உங்களுடன் பகிர்ந்து கொள்கிறேன். இவை அனைத்தும் ஒரு சாலையில் செல்லும் போது எடுக்கப்பட்டவை.

சாலையின் இருமருங்கிலும் எத்தனை எத்தனை மரங்கள், மலைகள், மலைகளினூடே தவழ்ந்து செல்லும் மேகங்கள் என ஒரு சுகானுபவம். அந்த சாலையிலேயே ஒரு மலையில் ஒரு சிறுவீடு அமைத்து தங்கிவிடலாமோ எனக் கூடத் தோன்றியது!

இதோ உங்கள் ரசனைக்கு…..

வாழ்க்கை வளைவுகள் நிறைந்தது என்று சொல்லாமல் சொல்கிறதோ இந்தப் பாதை…..

வளைவுகள் மட்டுமல்ல, பல சமயங்களில் நேர்க்கோடு போல சென்றுவிடவும் வாய்ப்புண்டு……

சாலையின் இருமருங்கிலும் மரங்களால் ஒரு மறைப்பு – என்னதான் காரில் ஏ.சி. இருந்தாலும் இந்த இயற்கையின் குளிர்ச்சிக்கு ஈடாகுமா?

மேகம் தழுவி இந்த மரங்களையும் மலையையும் கிச்சு கிச்சு மூட்டுகிறதோ?

மேகம் கருக்குது மழை வரப் பாக்குது வீசி அடிக்குது காத்து… காத்து… மழைக்காத்து!

இது போன்ற சாலையும் இந்த காரும் இருந்துவிட்டால், சென்று கொண்டே இருக்கலாம்!

மலைகளினூடே மேகக் குவியல்.

முக்கோணத்தின் வழியாக மலைகளும் மேகங்களும்.

என்ன நண்பர்களே படங்களை ரசித்தீர்களா? இந்த இடத்திற்குச் சமீபத்தில் சென்று வந்தேன். சென்ற இடம் என்ன? அதைப் பற்றிய பயணக் கட்டுரைகள் உண்டா? என்ற கேள்விகளுக்கு விரைவில் பதில் கிடைக்கும் – ஒரு பயணத் தொடர் பதிவுகளாக!

மீண்டும் உங்களனைவரையும் சந்திக்கும் வரை…..

நட்புடன்

வெங்கட்.

புது தில்லி.