சுற்றுலா பருவம் – விதம் விதமாய் நடனம் – பகுதி 2

தலைநகர் தில்லியில் நடந்த சுற்றுலா பருவம் [பர்யாடன் பர்வ்] நிகழ்ச்சியில் நிறைய மாநிலங்களின் நடனங்கள் காண முடிந்தது. தொடர்ந்து நடனங்கள் நடந்த வண்ணமே இருந்தது. ஒரு நடனக்குழு ஆடிக்கொண்டிருக்க, அடுத்த குழு மேடையிலேயே பின் புறத்தில் நின்றபடியே ஸ்டெப்ஸ் போட்டுக் கொண்டிருந்தார்கள். நடனமாடிய குழு நடனமாடியபடியே உள்ளே போக, பின்னால் குழு ஆடத் துவங்கும். இப்படி இடையில்லா நடனம் சுமார் 30-45 நிமிடங்களுக்கு! பதினைந்து முதல் இருபது குழுக்கள் நடனம் ஆடுகிறார்கள். என்ன நடனம் என்பதை சொல்வதற்கு இடைவெளி இல்லாததால் – இன்றைக்கு இந்த நடனங்கள் என மனப்பாடம் பண்ணி ஒப்பிப்பது போல சொல்லி விடுகிறார்கள் ஆரம்பத்திலேயே!  ஆரம்பத்தில் வரவில்லை என்றால் என்ன நடனம் என்பது தெரியாமலேயே பார்க்க வேண்டியது தான்!

பல மாநிலங்களிலிருந்தும் வந்திருந்த கலைஞர்கள் ஆடிய நடனங்களின் போது நான் எடுத்த படங்களும், நண்பர் எடுத்த சில காணொளிகளும் உங்களுடன் பகிர்ந்து கொள்ள எண்ணம். நாங்கள் ரசித்த விஷயங்களை உங்களுடன் பகிர்ந்து கொள்ளவே இப்பதிவுகள். உங்களுக்கும் இந்தப் படங்களைப் பார்க்க விருப்பம் இருக்கும் என்ற நம்பிக்கையுடன், இதோ இந்த வரிசையில் இரண்டாம் தொகுப்பு – ஹரியான மாநில நடனத்தின் சில காட்சிகள்.

என்ன நண்பர்களே நிழற்படங்களை ரசித்தீர்களா? நடனம் உங்களுக்கும் பிடித்திருக்கும் என நம்புகிறேன். உங்கள் கருத்துகளைப் பின்னூட்டத்தில் சொல்லுங்களேன்.

மீண்டும் ச[சி]ந்திப்போம்…

நட்புடன்

வெங்கட்
திருவரங்கத்திலிருந்து....