தக்கர் பாபா பழங்குடியினர் அருங்காட்சியகம்

தில்லியில் உள்ள ஜண்டேவாலன் பகுதியில் பஞ்ச்குயான் சாலையில் அமைந்திருக்கும் ஒரு அருங்காட்சியகம் தக்கர் பாபா பழங்குடியினர் அருங்காட்சியகம். இந்த அருங்காட்சியகம் தினமும் ஒரு சில மணி நேரங்களுக்கு மட்டுமே திறந்திருக்கும் [காலை 11.30 மதியம் 02.30 வரை]. மற்ற நேரங்களில் பழங்குடி மக்களுக்கு கல்வி வழங்குகிறார்கள். பழங்குடி மக்கள் பயன்படுத்திய சில அருமையான பொருட்கள் அங்கே வைத்திருக்கிறார்கள்.

இன்று புகைப்படங்கள் பகிர்வில், கட்டிடத்தின் வெளியே அமைத்திருக்கும் சில பழங்குடி மக்களின் சிலைகளை பகிர்கிறேன். பழங்குடி மக்களின் நடனம், இசைக்கருவி, உடைகள் போன்றவற்றை இச்சிலைகள் மூலம் காண முடியும். பெரும்பாலான சிலைகளில் புறாக்களின் எச்சம்! பராமரிப்பு தேவை என்பதை பறைசாற்றிக் கொண்டிருக்கிறது.

இது அமைந்திருக்கும் இடம் ஜண்டேவாலன் மெட்ரோ நிலையத்தின் அருகிலேயே இருக்கிறது. பெரிதாக ஆள் நடமாட்டம் இந்த அருங்காட்சியகத்தில் இல்லை. தில்லி மக்களுக்கே இவ்விடம் தெரியுமா என்பதும் சந்தேகம் தான்!

வாருங்கள் புகைப்படங்களை ரசிக்க.....

மீண்டும் அடுத்த வாரம் வேறு சில புகைப்படங்களோடு சந்திக்கும் வரை....

நட்புடன்

வெங்கட்.

புது தில்லி.