கல்லணை - நேமம் - புகைப்பட உலா

அன்பின் நண்பர்களுக்கு, இனிய காலை வணக்கம். இந்த நாளில் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட காஃபி வித் கிட்டு பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

நம் வாழ்க்கையில் எதுவுமே நிலையானது இல்லை என்பதை உணர ஆரம்பித்து விட்டால், நமக்குள் இருக்கும் ஆணவம் காணாமல் போய் விடும் - புத்தர்.  

******

சமீபத்திய தமிழகப் பயணத்தில் பெரியம்மா/பெரியப்பா அவர்களின் குலதெய்வம் கோவிலுக்குச் சென்று வர வேண்டியிருந்தது. ஒவ்வொரு முறை தமிழகம் வரும்போதும் சில வேலைகள் எனக்காகவே காத்திருக்கும்! அப்படியான வேலைகளிலேயே அதிக நேரம் சென்று விடுகிறது.  இந்த முறையும் அப்படி நிறைய வேலைகள் - அதில் ஒன்று குலதெய்வம் கோவிலுக்குச் சென்று வர வேண்டிய வேலை.  அந்தப் பயணம் குறித்து பிறிதொரு சமயம் பகிர்ந்து கொள்கிறேன். இந்த ஞாயிறில் சில நிழற்படங்கள் மட்டும் இங்கே ஒரு உலாவாக.  வாருங்கள் பார்க்கலாம், ரசிக்கலாம்!

கல்லணை - ஒரு தூரப் பார்வை...

எருக்கம்பூவின் மொட்டு....

மலர்ந்தும் மலராமல்....

வீதி உலா செல்ல தயாராக பிள்ளையார்....

ஆதி அலங்காரி அம்மன், நேமம்

சாலையோர மரம் ஒன்றின் அடிப்பாகம்... இரண்டு பேர் கைகளைக் கட்டிக் கொண்டு பிடித்தாலும் பிடிக்க முடியாத அளவு அடிப்பாகத்துடனான மரங்கள் இனி இருக்குமா?

ஆற்றை நோக்கி ஓடும் குதிரைகள்...

பேருந்தில் பயணித்தபடியே எடுத்த ஒரு படம்...

கல்லணை அருகே இராச ராச சோழன் சிலை...

கல்லணைக்கு முன் தளும்பி நிற்கும் நீர்....  சிலீரென்ற காற்றடிக்க அங்கே படித்துறையில் அமர்ந்து கொண்டு எடுத்த படம்....

கடையில் வாங்கிய வடை ருசித்தபடியே கிராமத்துப் பெரியவர் - மருந்துகள் எல்லாம் கொடுப்பவராம் - மனிதர்களுக்கும் மற்ற உயிரினங்களுக்கும்!

நண்பர்களே, பதிவின் வழி பகிர்ந்து கொண்ட படங்கள் குறித்த உங்கள் கருத்துகளை பின்னூட்டத்தில் பகிர்ந்து கொள்ளுங்களேன்.  நாளை வேறு ஒரு பதிவு வழி உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லியிலிருந்து...