தில்லி லோதி கார்டன் – நடக்கலாம் வாங்க!

இயற்கையின் எழிலில் நடக்கலாம் வாங்க!

லோதி கார்டன் - நடைபாதை

தலைநகரிலிருந்து என்ற தலைப்பில் பதிவுகள் எழுதி ரொம்பவே நாட்களாயிற்று. இந்த வலைச்சர வாரத்தில் தினம் ஒரு பதிவு எழுத நினைத்த போது தலைநகரிலிருந்து பதிவு ரொம்ப நாளாயிற்றே என்று தோன்ற லோதி கார்டன் நினைவுகளை எழுதலாம் என்று இதோ எழுதிவிட்டேன்!

லோதி கார்டன் - மசூதி

லோ[DH]தி என்ற பெயர் கேட்டதும் – வரலாற்று புத்தகங்களில் இப்ராஹிம் லோதி, சிகந்தர் லோதி என்று படித்தது உங்களுக்கு நினைவுக்கு வருகிறதா?  அதே லோதிகள் காலத்திய ஒரு பூங்கா தான் இந்த லோதி கார்டன்.  இந்த பூங்காவிற்குள் மொஹம்மத் ஷா, இப்ராஹிம் லோதி, சிக்கந்தர் லோதி போன்ற பல மன்னர்களின் சமாதிகள் இங்கே அமைத்திருக்கிறார்கள். படா கும்பட், மசூதி, காவல் கோட்டைகள் என்று பழைய கால கட்டிடங்களும் இங்கே உண்டு. இன்னமும் அவை அழியாமல் காக்க அரசாங்கமும் INTACH நிறுவனமும் போராடி வருகிறார்கள். 

பழமையான பாலம்

லோதி கார்டன் - அத்புலா

என்னா லுக்கு? என்று கேட்கிறதோ ு

லோதி கார்டன் - அத்புலா அருகே ஒரு வாத்து

அத்புலா என்ற மிகப் பழைய பாலமும் இந்த பூங்காவிற்குள் காண முடியும்.  பாலத்தின் கீழே ஒரு சிறிய கால்வாயும் உண்டு. இந்த பாலம் முகலாயப் பேரரசரான அக்பர் காலத்தில் கட்டப்பட்டது என்று சொல்கிறார்கள். இந்த கால்வாய் அருகில் இருக்கும் [B]பாரா புல்லாவில் கலந்து யமுனை ஆற்றில் கலந்திருக்கலாம் என்று சொல்கிறார்கள். இந்தப் பாலத்திற்கு மேலிருந்து பார்த்தால் நிறைய வாத்துகள் இந்த நீர்நிலையில் நீந்தி விளையாடுவதைப் பார்க்க முடியும்.

காதல் கோட்டையில் ஒரு காவல் கோட்டை

லோதி கார்டன் -Watch Tower

வீழ்வேன் என்று நினைத்தாயோ? 

காய்ந்தாலும் பறவைகளுக்கு வீடாவேன்

லோதி கார்டன் - மரம்

 

தில்லியின் கான் மார்க்கெட் மற்றும் சஃப்தர்ஜங் சமாதிகளுக்கு நடுவே அமைந்திருக்கும் மிகப் பெரிய பூங்கா இது – 90 ஏக்கர்களுக்கு மேல் பரவி இருக்கும் இந்த பூங்கா அருகில் இருக்கும் மக்களுக்கு ஒரு வரப் பிரசாதம் – காலை மற்றும் மாலைகளில் இந்தப் பூங்காவிற்குள் இருக்கும் நடைபாதையில் நடைப்பயிற்சி மேற்கொள்வார்கள் – பெரும்பாலும் பணக்காரர்கள் அதிகம் வசிக்கும் பகுதிகள் இது. 

 

லோதி கார்டன் -முகம்மது ஷா கல்லறை

இயற்கை அன்னையின் கூந்தலோ?

லோதி கார்டன் - கூந்தல் பனை மரம்

சமீபத்தில் இறந்து போன எழுத்தாளரான குஷ்வந்த் சிங் இந்த பூங்காவின் அருகில் தான் இருந்தார்.  நாள் தவறினாலும் இவர் இங்கே நடைப் பயிற்சி மேற்கொண்டது தவறியதில்லை. முடியாத போதும் சக்கர நாற்காலியில் உட்கார்ந்து கொண்டாவது இங்கே வருவது அவருக்கு மிகவும் பிடித்த விஷயம்.  நிறைய மரங்கள், பூச்செடிகள், மரங்களில் இருக்கும் பறவைகளின் ஓசைகள் என ரம்மியமான காலை/மாலையாக மாற்றிவிடும் இந்தப் பூங்கா.  மதிய நேரங்களில் காதலர்களுடைய தொல்லைகள் தான் இருக்கும்!

மூங்கில் காடுகளே வண்டு முனகும் பாடல்களே

லோதி கார்டன் - நடைபாதை ஓர மூங்கில்கள்

”இவளுக்கு இத்தனை நீண்ட கூந்தலா!”

பொறாமை கூடாது பெண்களே!

லோதி கார்டன் - கூந்தல் பனை

மதிய நேரங்களில் இங்கே ஆணும் பெண்ணுமாய் பல ஜோடிகள் அடிக்கும் லூட்டிகள் அதிகமே. அந்த நேரங்களில் குழந்தைகளை அழைத்துக் கொண்டு போவது நல்லதல்ல! அதிகாலை நேரமெனில் குழந்தைகளை நடைப்பயிற்சிக்கு அழைத்துச் செல்லலாம் – கூடவே இயற்கை அன்னையின் வரங்களான பல மரங்களை இங்கே அவர்களுக்கு காண்பிக்கலாம் – கூந்தல் பனை மரங்களை இங்கே நிறைய பார்க்க முடியும்.  கூடவே சுத்தமான காற்றும் கிடைக்குமே!

உள்ளே இருப்பதைச் சொன்னால் 

உள்ளே இருப்பது இலவசம்

லோதி கார்டன் - வசதிகள்

தில்லி வந்தால் ஒரு முறை சென்று வாருங்களேன்!

நட்புடன்

வெங்கட்

புது தில்லி.

வலைச்சரத்தில் இன்று:   அர்[dh]தி [ch]சாய் - படித்து உங்கள் மேலான கருத்துகளைச் சொல்லுங்களேன்!