QUILLING STUDS மோகம்

சில நாட்களாகவே அம்மாவுக்கும் மகளுக்கும் இந்த Quilling மேல் அப்படி ஒரு மோகம்.  ஒரே Quilling தோடுகளாக செய்து தள்ளிக் கொண்டிருக்கிறார்கள்.  ஓவியம் மற்றும் நுண்தொழில் வகுப்பில் சேர்ந்ததிலிருந்தே இப்படி எதையாவது செய்து கொண்டிருப்பது மகளுக்கு வழக்கமாகி விட்டது.  அதைச் சொல்லித் தரும் Aunty அதற்கு தேவைப்படும் பொருட்களை அவராகவே தந்து விடுகிறார்.  ஆனால் வீட்டிற்கு வந்து செய்து பார்க்க வேண்டும் என்றால் பொருட்களை நாம் தான் வாங்கிக் கொள்ள வேண்டும்!

சமீபத்தில் Quilling காகிதங்களை இணையம் மூலம் மகளுக்காக வாங்கிக் கொடுத்திருந்தேன். அதிலிருந்து ஆரம்பித்தது இவர்களின் மோகம்! தினமும் இப்படி தோடுகளாக, மாலைகளுக்கு pendent ஆக செய்து தள்ளுகிறார்.  மகள் செய்வதைப் பார்த்துப் பார்த்து அம்மாவுக்கும் ஆசை. அவரும் செய்ய, இரண்டு பேருக்கும் போட்டி - சர்ச்சை! ”அப்பா எனக்கு தான் வாங்கிக் கொடுத்தாங்க, நீங்க ஏன் அதை எடுத்தீங்க!”

திருவிளையாடல் சிவபெருமான் – நக்கீரன் அளவிற்கு போட்டி!   மன்னன் மாதிரி ”புலவர்களே சாந்தமாக உரையாடுங்கள்....  புலமைக்கு சர்ச்சை தேவை தான்... ஆனால் அது சண்டையாக மாறிவிடக்கூடாது” என்று மத்யஸ்தம் செய்ய வேண்டியிருக்கிறது!

தீர்வு ஒன்றையும் அவர்களாகவே சொல்லி விட்டார்கள்! Quilling Set பேப்பர்களை இனிமேல் வாங்கும்போது இரண்டு இரண்டாக வாங்க வேண்டுமாம் – அம்மாவுக்கு ஒன்று மகளுக்கு ஒன்று!  நல்ல யோசனையாகத் தான் தெரிகிறது!

சரி இன்றைய ஞாயிறில் அவர்கள் இருவரும் செய்த Quilling Studs மற்றும் Pendent ஆகியவற்றை இங்கே பகிர்ந்து கொள்கிறேன் [இதைப் பதிவிடும்போது செய்தது இரண்டு பேரும் தான் என்பதையும் சொல்லியே ஆக வேண்டும் என்பது கட்டளை! மீறினால் கடும் தண்டனை கிடைக்கும்!]. 

என்ன நண்பர்களே இன்றைய பதிவினை ரசித்தீர்களா? பின்னூட்டத்தில் சொல்லுங்களேன்!

நட்புடன்

வெங்கட்.

புது தில்லி.

வலைச்சரத்தில் இன்று:   மனிதர்கள் பலவிதம்..... - படித்து உங்கள் மேலான கருத்துகளைச் சொல்லுங்களேன்!