அசத்தல் ஓவியங்கள் – கலா மேளா – புகைப்பட உலா

Lalit Kala Academy சார்பில் தலைநகர் தில்லியில் ஃபிப்ரவரி 4 முதல் 18-ஆம் தேதி வரை முதலாம் உலகளாவிய கலா மேளா நடைபெற்றது. நாடெங்கிலும் இருந்து பல ஓவியர்களும், சிற்பிகளும் வந்திருந்தார்கள். தினமும் மதியம் 12 மணி முதல் இரவு 8 மணி வரை கண்காட்சி நேரம் – என்றாலும் என்னால் கடைசி தினம் தான் செல்ல முடிந்தது. அன்று நான் பார்த்த சில ஓவியங்கள் மற்றும் சிற்பங்கள் இதோ உங்கள் பார்வைக்கு – இந்த ஞாயிறில் புகைப்பட உலாவாக….

எல்லா மாநிலங்களிலிருந்தும் ஓவியர்களும் சிற்பிகளும் வந்திருந்தார்கள் என்றாலும், நான் பார்த்தவை பெரும்பாலும் தமிழர்கள் வைத்திருந்த ஓவியங்களை மட்டுமே.  மற்ற ஸ்டால்களில் இருந்த ஓவியங்களைப் பார்த்தாலும், பெரும்பாலும் ஓவியர்களோடு பேசவோ, இல்லை அந்த ஓவியங்களைப் படம் எடுத்துக்கொள்ளவோ இல்லை. இனிமேல் ஒவ்வொரு வருடமும் இப்படியான மேளாக்களை நடத்தலாம் என திட்டமிட்டிருப்பதாகத் தெரிகிறது. தமிழகத்திலிருந்து வந்திருந்த ஓவியர்களிடம் பேசும்போது ஓவியங்கள் விற்பனை ரொம்பவே குறைவு என்று சொல்லிக் கொண்டிருந்தார்கள்.

M Rama Suresh அவர்களின் ஓவியங்கள் ரொம்பவே அழகு. அவரைச் சந்திக்க முடியவில்லை என்பதில் வருத்தம். முதலில் அவரது ஓவியங்களைப் பார்க்கலாம்…. சென்னை திருவான்மியூரில் இவரது ஸ்டுடியோ இருக்கிறது. இவரது ஓவியங்களின் தனித்தன்மையே யாரும் முகம் காட்டுவதில்லை என்பது தான்!

இவரது ஓவியங்கள் இருந்த இடத்திலேயே திரு கே. ஷ்யாம்குமார் அவர்களின் சிற்பங்கள் மற்றும் ஓவியங்களும் இருந்தன. அவரது படைப்புகள் சில கீழே. அதே இடத்தில் இருந்த திரு கண்ணன் அவர்களின் இரண்டு ஓவியங்களும் கீழே உண்டு.

மேலுள்ள நான்குமே திரு ஷ்யாம்குமாரின் படைப்புகள். கீழே இருப்பவை இரண்டும் திரு கண்ணன் அவர்களில் படைப்புட்கள்...

அங்கே பார்த்த மற்ற சில ஓவியங்கள் இங்கே தந்திருக்கிறேன். மேலும் சில ஓவியங்கள், சிற்பங்கள் படங்களாக என்னிடம் உண்டு. அவற்றை வேறொரு பதிவில் உங்களுடன் பகிர்ந்து கொள்கிறேன்.

வளரும் கலைஞர்.....

உங்கள் கருத்துகளை பின்னூட்டத்தில் சொல்லலாமே!

மீண்டும் ச[சி]ந்திப்போம்....

நட்புடன்

வெங்கட்

புது தில்லி.