குறும்படம் - ஈகைப் பெருநாள் வாழ்த்துகள் - முகப் புத்தகம் - இப்படியும் சில பலன்கள்...

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட கமலா பெரியம்மா பதிவையும் இன்று காலை வெளியிட்ட குறும்படப் பகிர்வினையும் படித்து/பார்த்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்தப் பதிவை நல்லதொரு வாசகத்துடன் தொடங்கலாம் வாருங்கள். 

நேரம் போய்க் கொண்டே தான் இருக்கும்.. எனவே நீ செய்ய வேண்டியதை செய்.. அதுவும் இப்போதே செய்.. காத்திருக்காதே..!

******

ஒரே நாளில் இரண்டு குறும்படமா?  இது உங்களுக்கே அதிகமாத் தெரியலையா என்று நீங்கள் யோசிக்கலாம்.  அடுத்த வாரம் வெளியிடலாம் என்று தான் நினைத்தேன் - ஆனால் இன்றைய (சில இடங்களில் நேற்றைய) ஈகைப் பெருநாளுக்கு உகந்த காணொளி என்பதால், வேறு வழியின்றி இன்றே, இரண்டாவது குறும்படமாக/பதிவாக இங்கே பகிர்ந்து கொண்டிருக்கிறேன். தீநுண்மிக்கான தடுப்பூசி குறித்தும் இந்தக் காணொளி சொல்கிறது. ஹிந்தியில் இருந்தாலும், ஆங்கிலத்தில் சப் டைட்டில் உண்டு என்பதால் அனைவருக்கும் பார்ப்பதில்/புரிந்து கொள்வதில் பிரச்சனை இல்லை.  பாருங்களேன்.

இங்கே பார்ப்பதில் பிரச்சனை இருந்தால், நேரடியாக, யூவிலும் பார்க்கலாம். அதற்கான சுட்டி கீழே!

ரிஸ்வான்

முகநூல் இத்தனை பயனுள்ளதா என்ற கேள்வியும் எழலாம்.  பயனுள்ளதா, பயனில்லாததா என்ற விவாதத்தை ஒரு புறம் தள்ளி வைத்து விட்டு, இப்போதைக்கு இந்த காணொளியை ரசிக்கலாம் என்ற எண்ணத்தில் இங்கே பகிர்ந்து கொண்டேன்.

ஈகைப் பெருநாள் கொண்டாடும் அனைத்து நண்பர்களுக்கும் மனம் நிறைந்த வாழ்த்துகள். 

நாளை வேறொரு பதிவுடன் சந்திக்கும் வரை… 

நட்புடன்

வெங்கட் நாகராஜ்

திருவரங்கத்திலிருந்து…