குறும்படம் - WHAT MAKES A FAMILY RECIPE SPECIAL

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நண்பர்களே, நேற்று வெளியிட்ட பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

நம்மிடம் உள்ள ஒரே ஒரு மிகப் பெரிய சொத்து நமது மனம் மட்டுமே. அதைச் சரியாக பயிற்றுவித்தால் அளப்பெரிய செல்வங்களை அடைய முடியும்..!

******

ஒவ்வொரு வீட்டிற்கும் ஏதோ ஒரு சமையல் குறிப்பு - பரம்பரை பரம்பரையாக சொல்லிக் கொடுக்கப்பட்டு தொடரும்.  பாட்டி அம்மாவுக்கும், அம்மா தனது பெண்ணுக்கும், பெண் தனது மகளுக்கும் என சொல்லிக் கொடுத்துக் கொண்டே இருப்பார்கள்.  அந்த சமையல் குறிப்பு முக்கியமல்ல என இந்த வரிசையில் இருக்கும் சிலர் நினைக்கக் கூடும்.   சமையல் குறிப்பை விட, முன்னோர்களின் பாசமும் சேர்ந்தே இருக்கும் என்பதை உணர்ந்து கொண்டால் தான் நல்லது!  இந்தக் குடும்பத்திலும் இப்படி ஒரு குறிப்பு - மனதைத் தொடும் விதத்தில் இருக்கும் இந்தக் குறும்படத்தினை நீங்களும் பார்த்து ரசிக்கலாமே!

மேலே உள்ள காணொளி வழி பார்க்க இயலாதவர்கள் வசதிக்காக, யூட்யூபில் நேரடியாகப் பார்க்க ஏதுவாக அதன் சுட்டியும் கீழே தந்திருக்கிறேன். 

WHAT MAKES A FAMILY RECIPE SPECIAL

நண்பர்களே, இந்த வாரம் பகிர்ந்து கொண்ட குறும்படம் உங்களுக்கும் பிடித்திருக்கும் என எண்ணுகிறேன். குறும்படம் குறித்த உங்கள் எண்ணங்களை பின்னூட்டத்தின் வாயிலாகச் சொல்லுங்களேன்.  மீண்டும் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

திருவரங்கத்திலிருந்து...