படமும் புதிரும் - சரியான விடைகள்

படப் புதிருக்கான விடைகள்:

இதற்கு முந்தைய பதிவில் படங்கள் கொடுத்து, அவற்றுக்கான பதில்கள் கேட்டிருந்தேன்.  

படம்-1

படம்-1:  படத்தில் இருப்பது கடுகுப் பூ. தில்லியை அடுத்த ஹரியானாவின் கிராமம் ஒன்றிற்கு சமீபத்திய பயணமாகச் சென்ற போது எடுத்த படம்.  சரியான விடை அளித்தவர்கள் - ஆர். சோமேஸ்வரன், தில்லையகத்து கீதா, ஏஞ்சலின் மற்றும் ஜி.வி. மகேஷ்.

படம்-2

படம்-2: இரண்டாம் படத்தில் இருப்பது வாத்து தான்! ஒரு க்ளோஸ் அப்! சரியான விடை அளித்தவர்கள்: ஆர். சோமேஸ்வரன், தில்லையகத்து கீதா, ஏஞ்சலின் மற்றும் பானுமதி வெங்கடேஸ்வரன் ஜி.

படம்-3

படம்-3: மூன்றாம் படத்தில் இருப்பது ஷிம்லா இரயில் நிலையம். இரயில் நிலையத்திற்கு அருகே இருக்கும் மேம்பாலம் [பாதசாரிகளுக்கான] மேல் நின்று எடுத்த படம்.  சரியான விடை அளித்தவர்கள்: ஜி.வி. மகேஷ் மற்றும் தில்லையகத்து கீதா [சிம்லா போல இருக்கு என Guess மட்டும்!]

படம்-4

படம்-4: நான்காம் படத்தில் இருப்பது மரத்தில் செய்த ஒரு பொருள். கைப்பிடியை உயர்த்தினால், அழகிய வடிவில் நான்கு கிண்ணங்களாக மாறும்.  அதில் உலர் பழங்கள் போட்டு வைக்கலாம் - கைப்பிடியை உயர்த்தினால், கீழே உள்ளது போல மாறும்....  சரியான விடை அளித்தவர்கள்: தில்லையகத்து கீதா மற்றும் ஏஞ்சலின்!

படம்-5

படம்-5: ஐந்தாம் படத்தில் இருப்பது ஷிம்லாவில் இருக்கும் ராஷ்ட்ரபதி நிவாஸ். ஆங்கிலேயர் காலத்தில் கட்டப்பட்ட இதன் பெயர் அப்போது Viceregal Lodge! பின்னர் இந்தியா சுதந்திரம் பெற்ற பிறகு ராஷ்ட்ரபதி நிவாஸ். கோடை காலங்களில் ராஷ்ட்ரபதி தங்குவதற்கு பயன்படுத்திய இடம். சர்வப்பள்ளி இராதாகிருஷ்ணன் அவர்கள் இந்தியாவின் ராஷ்ட்ரபதியாக இருந்தபோது இந்த இடத்தினை சரியான முறையில் பயன்படுத்த வேண்டும் என்பதற்காக, இங்கே Indian Institute of Advance Study-ஐ ஆரம்பிக்க வழி செய்தார். ஹிந்துஸ்தான் - இந்தியா, பாகிஸ்தான் என இரண்டாக பிரிக்க வழிவகுத்த Shimla Conference இந்த கட்டிடத்தில் தான் நடந்தது. சரியான விடை அளித்தவர்கள் தில்லையகத்து கீதா ஜி மற்றும் பானுமதி வெங்கடேஸ்வரன் ஜி!

அனைவருக்கும் வாழ்த்துகள்! முடிந்தால் படமும் புதிரும் தொடரும்!

மீண்டும் ச[சி]ந்திப்போம்..... 

நட்புடன் 

வெங்கட்

புது தில்லியிலிருந்து....

அலைபேசி மூலம் தமிழ்மண வாக்களிக்க....