தலைநகரில் பிரஹ்மோத்ஸவம் – நிழற்பட உலா

அனைவருக்கும் இனிய காலை வணக்கம்.  இந்த நாள் இனிய நாளாக அமையட்டும். நேற்று வெளியிட்ட காஃபி வித் கிட்டு பதிவினை படித்த, கருத்துரைத்த அனைத்து நண்பர்களுக்கும் மனம் நிறைந்த நன்றி. இன்னும் படிக்காதவர்களும் படிக்கலாம்! 

இந்த ஞாயிறில் தலைநகரில், எங்கள் பகுதியில் திருமலா திருப்பதி தேவஸ்தானம் கட்டி இருக்கும் பாலாஜி மந்திரில் இந்த வருடம் நடந்த பிரஹ்மோத்ஸவ நிகழ்ச்சிகளில் சில நாட்கள் மட்டும் என்னால் போக முடிந்தது. அச்சமயத்தில் வெவ்வேறு வாகனத்தில் வீதி உலா, வெவ்வேறு அலங்காரத்தில் இருந்த பெருமாளையும் தாயாரையும் படம் எடுத்தேன். வேறு சில காட்சிகளும் எடுத்தேன். அந்தப் படங்கள் இந்த ஞாயிறில் ஒரு நிழற்பட உலாவாக! வாருங்கள் பார்த்து ரசிக்கலாம்!

பிரஹ்மோத்ஸவம் சமயத்தில் திருப்பதியிலிருந்தும், திருச்சானூரில் இருந்தும் பண்டிதர்கள் வந்திருந்தார்கள். இறைவனுக்கு அலங்காரம் செய்வதற்கு வந்திருந்த திரு சுரேஷ் பட்டாச்சார் அவர்கள் மிகத் திறமைசாலி! அவரது திறமையை படங்கள் சொல்லும்! கோலாட்டத்திற்காகவே சில பெண்களும் ஆண்களும் ஆந்திராவின் பல பகுதிகளிலிருந்தும் வந்து குழுவாக ஆடிப் பாடி கொண்டாட்டம் – இறைவனுக்காகவே ஆடலும் பாடலும்! தினம் தினம் சில கலை நிகழ்ச்சிகளும் – பாடல், நடனம் – என நடந்தது. கோவில் திருவிழா என்றாலே குதூகலம் தானே! தினம் தினம் உணவும் உண்டு என்றாலும் எனக்கென்னமோ, வீதி உலா முடிந்து திரும்பும் பக்தர்களுக்குக் கொடுத்த நீர் மோர் தான் தேவாம்ருதமாக இருந்தது! அடிக்கும் வெய்யிலுக்கு அந்த நீர் மோர் அம்ருதமாகத் தானே இருக்கும்!

   

என்ன நண்பர்களே, இந்த வாரத்தில் பகிர்ந்து கொண்ட நிழற்படங்களை ரசித்து இருப்பீர்கள் என நினைக்கிறேன். படங்கள் குறித்த உங்கள் எண்ணங்களை பின்னூட்டத்தில் பகிர்ந்து கொள்ளுங்கள்.

விரைவில் வேறு ஒரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட்

புது தில்லி.