ஃப்ரூட் சாலட் 202 – தேன்கூட்டில் – பேப்பர் சிலைகள் – காத்திருப்பு!

இந்த வாரத்தின் குறுஞ்செய்தி:

எல்லாப் பயணங்களும் நாம் நினைத்த இடத்தில் முடிவதில்லை…..  வழி தவரும் சில பயணங்கள் தான் நமக்கு வாழ்க்கையின் பல பாடங்களை கற்றுத் தருகிறது.

இந்த வார காணொளி – அழாதே மாமா….  So Sweet!

இந்த வார புகைப்படம்:

தலைநகரில் மறையும் சூரியன்! சில நாட்கள் முன்னர் அலுவலகத்திலிருந்து வீடு திரும்பும் முன்னர் நண்பர் பத்மநாபன் அவர்களுடன் இராஜபாட்டை பகுதியில் புல்வெளியில் அமர்ந்திருந்த போது எடுத்த ஒரு புகைப்படம் – எடுத்தது அலைபேசியில் தான்!

இந்த வார முகப்புத்தக இற்றை:

மனைவி கணவனைத் திட்டுவது குளத்தில் கல் எறிவது போல! கணவன் மனைவியைத் திட்டுவது தேன்கூட்டில் கல் எறிவது போல! [புரிந்தால் சரி!] – யாரோ!

பாவம், மனைவியிடம் கடிபட்டு, கொட்டு வாங்கிய கணவர் இப்படி எழுதி இருக்கிறார் போலும்!

இந்த வார WhatsApp:

Felix Semper – பேப்பர்களைக் கொண்டு சிலைகள் அமைக்கும் உன்னதக் கலைஞர்! பாருங்களேன் இவரின் கைவண்ணத்தினை…..

இந்த வாரத்தின் பொன்மொழி:

You will never reach your destination if you stop and throw stones at every dog that barks – Winston Churchil.

ராஜா காது கழுதை காது:

பேருந்தில் பயணித்துக் கொண்டிருந்த போது முன்சீட்சில் அமர்ந்திருந்த பெண்:  “நீ Graduation முடிச்சுட்டியா இல்லையா, சீக்கிரம் முடி! நீ எப்ப முடிக்கறது! எப்ப வேலைக்குப் போகறது? எப்ப நம்ம கல்யாணம் பண்ணிக்கிறது!” 

பக்கத்தில் அமர்ந்திருந்த இளைஞர்: “நான் லைன்ல காத்திருக்கேன்”னு சொல்லு! சொன்னது அவரது அலைபேசியில் என்றாலும், பொருத்தமா இருந்தது!

நாளைய பதிவில் சந்திக்கும் வரை….

நட்புடன்

வெங்கட்.

புது தில்லி.

தமிழ்மணத்தில் வாக்களிக்க…..