ஃப்ரூட் சாலட் 204 – லைலாகமே…. – தரமான அரசுப்பள்ளி – வார்த்தை விளையாட்டு

தனியார் பள்ளி மாணவர்களையும் ஈர்க்கும் அதிசயம்: தரமான கல்வியால் வளரும் செல்வநாயகபுரம் அரசுப் பள்ளி:

ராமநாதபுரம் மாவட்டத்தின் சிறந்த அரசுப் பள்ளி தலைமை ஆசிரியருக்கான விருது (2014), சிறந்த அரசுப் பள்ளிக்கான காமராசர் விருது (2015) என பல விருதுகளையும், பரிசுகளையும் தொடர்ந்து பெற்று வருகிறது ராமநாதபுரம் மாவட்டத்தின் முதுகுளத்தூர் ஒன்றியம் செல்வநாயகபுரத்தில் உள்ள ஊராட்சி ஒன்றிய தொடக்கப் பள்ளி. இந்தப் பரிசுகளையெல்லாம் விட மேலாக, சிறந்த பள்ளிக்கூடம் என்று கிராம மக்கள் மனதார இப்பள்ளியை அங்கீகரித்துள்ளனர். அதனாலேயே தனியார் பள்ளிகளில் பயின்று வந்த தங்கள் குழந்தைகளை பல பெற்றோரும் இந்த அரசுப் பள்ளியில் சேர்த்து வருகிறார்கள்.

தனியார் ஆங்கிலப் பள்ளிகளின் வரவால் மற்ற ஊர்களில் அரசுப் பள்ளிகளில் மாணவர் சேர்க்கை குறைந்ததுபோல, இந்தப் பள்ளியிலும் கணிசமாகக் குறைந்தது. 2010-ல் 54 மாணவர்கள் மட்டுமே இருந்தனர். இந்த ஆண்டில் 117 மாணவர்கள் படிக்கிறார்கள். பல அரசுப் பள்ளிகளில் மாணவர் சேர்க்கை குறைந்து வரும் காலகட்டத்தில், குறைந்து போன மாணவர் எண்ணிக்கை இந்தப் பள்ளியில் மட்டும் உயர்ந்துகொண்டே வருகிறது. 1 முதல் 5-ம் வகுப்பு வரை ஆங்கிலவழி வகுப்புகள் செயல்படுகின்றன.

மேலும் படிக்க – தினமணி செய்தி….

இந்த வாரத்தின் குறுஞ்செய்தி:

வாழ்வில் சில நேரம் தொடர் கஷ்டங்கள் வரலாம்….அவற்றை நம்பிக்கையுடன் சந்தியுங்கள். மனம் தளராதீர்கள்… அவை தான் நாளை நாம் பெறப்போகும் வெற்றியின் படிக்கட்டுகள்….

இந்த வார காணொளி – ஒரு மலையாள சினிமா பாடல்!

லைலாகமே என்று தொடங்கும் ஒரு இனிமையான பாடல். பிரித்விராஜ் மற்றும் ப்ரியா ஆனந்த் நடிப்பில், சுகமான ஒரு பாடல்! காட்சிகளைப் பார்க்காமல் பாட்டு கேட்டு ரசித்தேன் – இரண்டு முறை. காட்சிகளும் சில இடங்கள் ரொம்பவே அழகாய் படம் பிடிக்கப்பட்டுள்ளது – குறிப்பாக சூரியன் மறையும் காட்சி! கேட்டு ரசிக்கலாமே…

இந்த வார ரசித்த குறும்படம்:

யார் வேணா என்ன வேணா சொல்லட்டும். நமக்கு எது நல்லதுன்னு யோசிச்சு செய்! நல்லா வருவே! அதைச் சொல்லும் ஒரு குறும்படம்! கல்யாணம் ஆன புது ஜோடி - இவ்வளவு நகையும் போட்டுக்கிட்டு போகுமா புது பொண்ணு? என்று கேட்கக்கூடாது!

இந்த வார முகப்புத்தக இற்றை:

Successful people always have two things on their lips, "silence & smile" Smile to solve the problem. And silence to avoid the problem.

இந்த வார WhatsApp:

வார்த்தை விளையாட்டு:

சென்ற வாரத்தில் வெளியிட்ட வார்த்தை விளையாட்டு பகிர்வில் பங்கு கொண்ட அனைவருக்கும் நன்றி. இந்த வாரம் வேறு சில எழுத்துகள்.  எத்தனை வார்த்தைகள் கண்டுபிடிக்கப் போகிறீர்கள் பார்க்கலாம்! நான் பதினெட்டு வார்த்தைகள் வரை கண்டுபிடித்தேன்.

நாளைய பதிவில் சந்திக்கும் வரை….

நட்புடன்

வெங்கட்.

புது தில்லி.

அலைபேசி மூலம் தமிழ்மணத்தில் வாக்களிக்க....