குவாரி பாஸ் - மலையேற்றம் - காணொளி உலா - பகுதி நான்கு

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட கோமரத்தாடி! - பகுதி இரண்டு பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

எனது அலுவலக நண்பர் Pபிரேம் Bபிஷ்ட் அவர்களின் மலையேற்றப் பயணங்களில் ஒன்றாக உத்திராகண்ட் மாநிலத்தில் இருக்கும் குவாரி பாஸ்  சென்ற போது எடுத்த படங்களில் சிலவற்றையும், அந்த இடம் குறித்த சில தகவல்களையும் கடந்த மூன்று ஞாயிறில் - பகுதி ஒன்று, பகுதி இரண்டு மற்றும் பகுதி மூன்று - பதிவுகளாக வெளியிட்டது நினைவில் இருக்கலாம். இந்த வாரம் இப்பயணத்தில் எடுத்த சில காணொளிகளை இங்கே பார்க்கலாம்.  அதற்கு முன்னர் இந்தப் பயணத்தினை ஏற்பாடு செய்யும் சில நிறுவனங்கள் குறித்தும் உங்களுக்குத் தகவல் சொல்லி விடுகிறேன். இப்படியான பயண ஏற்பாடுகள் செய்யும் நிறுவனங்கள் நிறையவே இருந்தாலும், இருப்பதில் முதன்மையானது என பல மலையேற்றம் செய்த நண்பர்கள் குறிப்பிடுவது India Hikes நிறுவனத்தினரையே! அது தவிர thrillophilia எனும் நிறுவனமும் உண்டு.  

ரிஷிகேஷிலிருந்து குவாரி பாஸ் செல்லும் வழியிலும் நிறைய இடங்கள் பார்க்க உண்டு என்றாலும் இந்தப் பயணத்தினை முக்கியமாக வைத்துக் கொள்ள வேண்டும். செல்லும் வழியில் உள்ள இடங்களை பார்க்க நினைத்தால் இன்னும் அதிக நேரம் உங்களுக்குத் தேவையாக இருக்கும் என்பதை, பயணத்தினை திட்டமிடும்போது நினைவில் வைத்துக் கொள்ள வேண்டும். பயண ஏற்பாடுகளை செய்து கொண்டு இந்த மாதிரி மலையேற்றப் பயணங்கள் மேற்கொள்வதே சிறந்தது - ”அங்கே போய் பார்த்துக்கலாம்” என்று பயணம் செய்ய இது போன்ற பயணங்கள் சரி வராது என்பதை நினைவில் வைத்துக் கொள்ளுங்கள் நண்பர்களே.  நம்மில் பலருக்கும் இது போன்ற சாகசப் பயணங்கள் செய்ய ஆவல் இருந்தாலும் பயணம் செய்ய வாய்ப்பும் அமைவதில்லை, அப்படியே அமைந்தாலும் செல்வதற்கு முன்னர் பலவாறும் யோசித்து தள்ளிப் போட்டு விடுகிறோம்.  நம் உடல் நிலை சரியாக இருக்கும்போதே, அல்லது இளமையிலேயே இது போன்ற பயணங்களை மேற்கொண்டு விடுவது தான் நல்லது.  

விருப்பம் இருக்கும் அனைவருக்கும் இது போன்ற மலையேற்றப் பயணம் அமையட்டும் என வாழ்த்துகிறேன். சரி வாருங்கள் சில காணொளிகளைப் பார்க்கலாம்.

******

இந்த நாளின் பதிவு குறித்த தங்களது எண்ணங்களை பின்னூட்டம் வாயிலாக சொல்லுங்களேன்.  மீண்டும் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லியிலிருந்து….