ஹுனர் ஹாட் - நிழற்பட உலா - இரண்டு

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு காஃபி வித் கிட்டு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட காஃபி வித் கிட்டு பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை ரசித்ததொரு வாசகத்துடன் தொடங்கலாம் வாருங்கள். 

நேசிக்கிறதுன்னு முடிவு பண்ணிட்டா ஒரு குழந்தை தன்னோட பொம்மையை நேசிக்கிறது போல நேசிக்கணும் - எந்தவித பிரதிபலனும் இல்லாமல்….  பொம்மைக்கு இம்மியளவு கூட தன்னோட நேசத்தைக் காட்டத்தெரியாது.  ஆனா குழந்தைக்கு அந்த பொம்மையைத் தவிர வேற உலகமே கிடையாது. 

*****

சென்ற வாரங்களில் பதிவிட்ட ஒரு தில்லி உலா பதிவில் தில்லியில் நடந்த ஹுனர் ஹாட் நிகழ்ச்சி/கண்காட்சி குறித்த தகவல்களையும் அங்கே எடுத்த சில நிழற்படங்களையும் உங்களுடன் பகிர்ந்து கொண்டது உங்களுக்கு நினைவில் இருக்கலாம். அதன் பிறகு அங்கே எடுத்த நிழற்படங்களை, நிழற்பட உலா - பகுதி ஒன்றாக சென்ற வாரம் பகிர்ந்து கொண்டேன்.    இந்த ஞாயிறில் அங்கே எடுத்த மேலும் சில படங்களை நிழற்பட உலாவாக, உங்களுடன் பகிர்ந்து கொள்கிறேன்.  படங்கள் உங்களுக்கும் பிடிக்கும் விதமாக இருக்கும் என நினைக்கிறேன்.  வாருங்கள் படங்களை ரசிக்கலாம்.

ஸ்டைலிஷ் விசிறி!

கோரைப்புற்களால் சிறு பெட்டிகள்...

பாய்களும் பிடிகளோடு - அழகான ஓரங்களுடன்...

நூல்கொண்டு ஆடும் பொம்மை...

ஆட்டுவித்தால் ஆடாதார் யாரோ - இறைவனின் நூல்களில் நாம் ஆடுவதைப் போல!

ஆட்டமும் மேளமும்....  மேளம் கொட்டுபவரின் படம் முன்னரே பகிர்ந்திருக்கிறேன்.  

பொம்மலாட்ட பொம்மைகள் - கலர் கலராக...

ஒரே ஒரு சந்தேகம்...  பொம்மை செய்பவர் ஏனோ எல்லா பெண் பொம்மைகளையும் குண்டாக செய்திருக்கிறார்! 

அழகழகாக உலோகத்தில் பொருட்கள்...

தாமிரத்தில் தண்ணீர் குடிப்பது நல்லதா? 

தாமிரக் குடிநீர் பாத்திரம் ஒன்று...

அழகழகாய் மரச் சிலைகள் - பிரம்மாண்டமாக....

தண்ணீர் குடமெடுத்து நடக்கும் பெண்களை 

கிராமங்களில் கூட, இப்போது பார்க்க முடிவதில்லை!

நண்பர்களே, இந்த வாரத்தின் நிழற்பட உலா பதிவு உங்களுக்குப் பிடித்திருந்ததா?  பதிவு குறித்த உங்கள் எண்ணங்களை, பின்னூட்டம் வழி பகிர்ந்து கொள்ளுங்களேன்.  மீண்டும் வேறு ஒரு பதிவு வழி உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லியிலிருந்து…