You Tube Channel – ஆதியின் அடுக்களை - நன்றி

 

அனைவருக்கும் இனிய காலை வணக்கம்! 

விநாயகரின் துணையோடு தான் எதையும் செய்வது வழக்கம்! அவரின் சிறப்பான நாளான விநாயகர் சதுர்த்தி முதல் எங்கள் YouTube பயணத்தையும் அவர் துணையோடு துவக்குகிறோம். எங்கள் என்றால்? எனக்கு ஓரளவு தெரிந்த சமையலும், மகள் அவளுக்குத் தெரிந்த ஓவியம் மற்றும் கைவேலைகளையும் பகிர்ந்து கொள்ள ஆரம்பித்து இருக்கிறோம். 

ஏறக்குறைய இரண்டு வருடங்களாகவே அவ்வப்போது யாரேனும் ஒருவர் சேனல் ஆரம்பியுங்களேன் என்று சொல்லிக் கொண்டிருந்தாலும் எனக்குத் தயக்கமாகவே இருந்தது..:) இரண்டு மாதங்களுக்கு முன்னால் கூட நெருங்கிய உறவில் ஒருவரிடம் பேசிய போது " YouTube channel வெச்சிருக்கியாமே! Amazonல கூட அப்லோட் பண்ணறியாமே! " என்று கேட்ட போது கூட "யார் அப்படி சொன்னது!" என்று சிரிப்புடன் மறுத்தேன்..:) 

அதன் பிறகு தான் Amazon மூலம் மூன்று மின்புத்தகங்கள் வெளியிட்டேன். இப்போது தயக்கத்துடன் YouTube channelம் ஆரம்பித்திருக்கிறேன் :) 

என்னவர் சேனல் க்ரியேட் செய்து தர, மகள் எடிட்டிங் செய்து தர, செய்முறையும், வாய்ஸ் ஓவரும் தான் என் பங்களிப்பு :) மகளுக்கும் என்னவர் சேனல் க்ரியேட் செய்து தர, எடிட்டிங்கும், ஓவியங்களும் அவளின் பங்களிப்பு. முதல்முறை என்பதால் கொஞ்சம் தடுமாற்றங்களும், சுமாராகவும் தான் இருக்கும். 

உங்கள் அனைவரின் அன்பும் ஆதரவும் எங்களுக்கு கிடைக்கும் என்று நம்புகிறோம்..அனைவருக்கும் இனிய விநாயகர் சதுர்த்தி வாழ்த்துகள்.

என்னுடைய சேனல் ஆதியின் அடுக்களை! இணைப்பு இதோ! https://youtu.be/2wozSSmVKYo 

மகளின் சேனல் Roshni's creative corner! இணைப்பு இதோ! https://youtu.be/_GYCzAgaXvc 

வெளியிட்ட மூன்று நாட்களில் சில பல ஸப்ஸ்க்ரைபர்களும் நூற்றுக்கும் அதிகமான பக்கப் பார்வைகளும் கிடைத்திருக்கின்றன. ஸப்ஸ்க்ரைப் செய்து கொண்ட அனைவருக்கும் நன்றி. ஸப்ஸ்க்ரைப் செய்து கொள்ளாதவர்களும் செய்து கொண்டால் மகிழ்ச்சி. முடிந்த வரை ஒவ்வொரு சனிக்கிழமைகளிலும் ஒரு காணொளி வெளியிட எண்ணமிருக்கிறது. காணொளிகள் பற்றிய உங்கள் கருத்துகளை பின்னூட்டத்தில் தெரிவியுங்கள். தொடர்ந்து சந்திப்போம். 

நட்புடன், 

ஆதி வெங்கட்

பின் குறிப்பு - படத்தில் இருக்கும் ஓவியம் விநாயகர் சதுர்த்தி நாளுக்காக மகள் வரைந்தது!