EVERY MOUTHFUL IS MEANINGFUL – குறும்படம்

 

அனைத்து நண்பர்களுக்கும் இனிய காலை வணக்கம். இன்றைய பொழுதை, நல்லதொரு வாசகத்துடன் ஆரம்பிக்கலாம். 

இந்த ஞாயிறில் நாம் பார்க்கப் போவது ஒரு தாய்லாந்து நாட்டு குறும்படம். மிகவும் அற்புதமாக எடுத்திருக்கிறார்கள். மொழி புரியாதே என்ற கவலை உங்களுக்குத் தேவையில்லை – ஆங்கிலத்தில் சப்டைட்டில் உண்டு. அம்மா அறிவுரைகள் சொல்லும்போது எல்லா பெண்களுக்குமே கோபம் வருவது வழக்கம் தான். இந்தக் குறும்படத்தில் வரும் பெண்ணுக்கும் கோபம் வருகிறது. அம்மா ஏதோ சொல்லிக் கொண்டே இருக்கிறார் எனக் கோபம் கொண்டு வீட்டினை விட்டு வெளியேறுகிறார். தனியே சென்ற பிறகு ஒரு உணவுக் கடை வாசலில் நின்று உணவுக்காக ஏங்குகிறாள் – கையில் காசில்லை! அப்போது அந்த உணவகத்தினை நடத்தும் பெண்மணி பெண்ணை அழைத்து உணவு தயாரித்துத் தருகிறார். அப்படித் தரும் உணவு அந்தப் பெண்ணுக்கு மிகவும் பிடித்ததான முறையில் செய்யப்பட்டிருக்கிறது. “இப்படித் தான் எனக்குப் பிடிக்கும் என்று உங்களுக்கு எப்படித் தெரியும்?” என்று கேட்க, உணவகப் பெண்மணி பெண்ணுக்கு புரிய வைக்கிறார் – எப்படி? நீங்களும் தெரிந்து கொள்ள குறும்படத்தினைப் பாருங்களேன்!

காணொளியாக இணைத்திருந்தாலும், சில சமயங்களில் யூவில் சென்று தான் பார்க்க வேண்டும் என இணையம் அடம் பிடிக்கலாம்! அதனால் கீழே யூட்யூப் சுட்டியும் கொடுத்திருக்கிறேன். அங்கேயும் சென்று பார்க்கலாம்! 

EVERY MOUTHFUL IS MEANINGFUL 

நண்பர்களே, இந்த ஞாயிறில் உங்களுடன் பகிர்ந்து கொண்ட குறும்படம் உங்களுக்குப் பிடித்ததா? பதிவு பற்றிய உங்கள் கருத்துகளைச் சொல்லுங்களேன். விரைவில் வேறு ஒரு பதிவுடன் மீண்டும் ச[சி]ந்திப்போம்... 

நட்புடன் 

வெங்கட் நாகராஜ் 

புது தில்லி