வாசிப்பை நேசிப்போம் – திரிவேணி சங்கமம் – ராம தேவேந்திரன்

அனைவருக்கும் இனிய காலை வணக்கம்! இந்த நாளை நல்லதொரு வாசகத்துடன் தொடங்கலாம் வாருங்கள். 

ஆரோக்கியமான வாழ்வை உறுதிசெய்ய மனதை மகிழ்ச்சியோடு வைத்திருங்கள். கவலை, அவசரம், பயம், தயக்கம் போன்றவற்றால் அலைக்கழிக்கப்படாமல் இருந்தால் உடல் ஆரோக்கியமாக இருக்கும். 

***** 

“வாசிப்பை நேசிப்போம்” – எனும் முகநூல் குழுமம் பற்றி சென்ற வாரங்களில் ஒன்றிரண்டு பதிவுகளில் குறிப்பிட்டு இருந்தது நினைவிருக்கலாம். ”வாசிப்பை நேசிப்போம்” குழுவினர் தற்போது நடத்திக் கொண்டிருக்கும் #Reading_Marathon2020 என்ற தொடர் வாசிப்பு போட்டியில், பயணம் குறித்த போட்டி நடந்த வாரத்தில் என்னுடைய சில மின்னூல்களை குழுமத்தில் அறிமுகம் செய்திருந்தார்கள். அப்படியான அறிமுகங்களை உங்களுக்கான தகவலாகவும், எனக்கான ஒரு சேமிப்பாகவும் இங்கேயும் பகிர்ந்து வருகிறேன். இந்தப் போட்டியில் எனது “திரிவேணி சங்கமம்” மின்னூலை ராம தேவேந்திரன் அவர்கள் அறிமுகம் செய்திருக்கிறார். அவருக்கு எனது மனம் நிறைந்த நன்றி. ராம தேவேந்திரன் அவர்கள் செய்த அறிமுகம் கீழே! 

#Reading_Marathon2020 

#RM522 

#42/50 

கடிதம்/பயணம் 

நூல் : திரிவேணி சங்கமம் (காசி – அலஹாபாத் பயணம்) 

ஆசிரியர் : வெங்கடராமன் நாகராஜன் 

பதிப்பு. : அமேசான் மின்நூல் 

ஆசிரியர் வெங்கடராமன் நாகராஜன் பல பயண நூல்கள் வெளியிட்டுள்ளார். 

இந்த திரிவேணி சங்கமம் (காசி – அலஹாபாத் பயணம்) மின்னூலின் வழியே நமக்காக காசி விஸ்வநாதர் - விசாலாட்சி தரிசனத்திற்ககு அழைத்து செல்கிறார் வாருங்கள் நாமும் பயணிப்போம். 

//அலஹாபாத் நகரின் திரிவேணி சங்கமம் பகுதியில் கோட்டையிலிருந்து வெளியே வரும்போது பலவிதமான மக்களைச் சந்திக்கலாம். படகுக் காரர்கள், சில்லறை வியாபாரிகள், வியாபாரிகள், சங்கமத்திலிருந்து உங்களை நகரத்திற்கு அழைத்துச் செல்லக் காத்திருக்கும் ஷேர் ஆட்டோ ஓட்டுனர்கள், கையில் குழந்தைகளை வைத்துக் கொண்டு யாசகம் கேட்கும் பெண்கள், நீண்ட தாடியும், ஜடாமுடியும் வைத்திருக்கும் சாமியார்கள், இவற்றையெல்லாம் புகைப்படம் எடுத்து தனது நாட்டில் சென்று “See this… Poor Indians” என்று காண்பிக்கப்போகும் வெள்ளைக்காரர்கள் என பலதரப்பட்ட மக்களையும் பார்த்தபடியே வெளியே வரலாம். 

பெரும்பாலும் இங்கே நம்பிக்கையோடு வரும் பக்தர்களிடம் “பண்டாக்கள்” நிறையவே பணம் பிடுங்குகிறார்கள். வரும் பக்தர்களும் நேரக் குறைவின் காரணமாகவோ, வழி தெரியாத காரணத்தினாலோ, இவர்களின் வலையில் விழுந்து விடுகிறார்கள்.// 

ஒவ்வொரு பயணகட்டுரையும் நம்மை அந்த இடத்திற்ககு ஒருமுறையாவது பார்க்க வேண்டும் என ஆவலை தூண்டுகிறது. 

தனது அனுபவங்களை பகிரும் போது அந்த அனுபவங்களை படிப்பவர்களை தன் கூடவே அழைத்துசெல்லும் அருமையான மொழிநடையில் ஒவ்வொரு பயணகட்டுரையும் கொடுப்பதில் நண்பருக்கு நிகர் நண்பரே!! 

என நம்மையும் கூடவே அழைத்து செல்லும் விதமே மிக அழகு !!! 

நன்றி 

ராம தேவேந்திரன் 

***** 

வாசிப்பை நேசிப்போம் முகநூல் குழுவில் எனது மின்னூலை அறிமுகம் செய்திருக்கும் திரு ராம தேவேந்திரன் அவர்களுக்கு மீண்டும் ஒரு முறை எனது மனம் நிறைந்த நன்றியைத் தெரிவித்துக் கொள்கிறேன். ”திரிவேணி சங்கமம்” மின்னூலை அமேசான் தளத்திலிருந்து தரவிறக்கம் செய்து கொள்ள முடியும் – கிண்டில் அன்லிமிட்டட் கணக்கு இருப்பவர்கள் இலவசமாக தரவிறக்கம் செய்து கொள்ளலாம். மற்றவர்கள் ரூபாய் 50/- செலுத்தி தரவிறக்கம் செய்து கொள்ளலாம். தரவிறக்கம் செய்து கொள்ள இங்கே செல்லலாம்! 

இன்றைய பதிவு வழி உங்களுடன் சில தகவல்களை பகிர்ந்து கொள்ள முடிந்ததில் மகிழ்ச்சி. பதிவு பற்றிய உங்களுடைய கருத்துகளை பின்னூட்டத்தில் சொல்லுங்கள்! நாளை மீண்டும் வேறோரு பதிவுடன் சந்திக்கும் வரை… 

நட்புடன், 

வெங்கட் நாகராஜ் 

புது தில்லி.