தலைநகர் நோக்கி ஒரு பயணம் - பகுதி ஏழு - ஆதி வெங்கட்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட தேயிலைத் தோட்டங்கள் - Passenger Ropeway அனுபவம் படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

IMMATURE PEOPLE ALWAYS WANT TO WIN AN ARGUMENT, EVEN AT THE COST OF A RELATIONSHIP; MATURE PEOPLE UNDERSTAND THAT IT’S ALWAYS BETTER TO LOSE AN ARGUMENT AND WIN A RELATIONSHIP.

******

தலைநகர் நோக்கி ஒரு பயணம் - பகுதி ஒன்று 

தலைநகர் நோக்கி ஒரு பயணம் - பகுதி இரண்டு  

தலைநகர் நோக்கி ஒரு பயணம் - பகுதி மூன்று 

தலைநகர் நோக்கி ஒரு பயணம் - பகுதி நான்கு 

தலைநகர் நோக்கி ஒரு பயணம் - பகுதி ஐந்து

தலைநகர் நோக்கி ஒரு பயணம் - பகுதி ஆறு

அனைவருக்கும் இனிய காலை வணக்கம்!

தில்லி பயணத்தின் போது வாரஇறுதியில் தான் சற்று தூரம் பயணித்து உலாவி விட்டு வர நேரம் இருக்குமென்பதால் ஒரு வாரம் ஹரித்வார், ரிஷிகேஷ் என்று சுற்றி விட்டு வந்தோம்! அதே போல் அடுத்த வாரம் நெருங்கிய நட்புகளையும், உறவுகளையும் பார்த்து விட்டு வரலாமே என்று கிளம்பி விட்டோம்! 

இரண்டு நாட்களுமே ஒவ்வொருவரையும் பார்த்து வர நெடுந்தூரம் பயணிக்க வேண்டியிருந்தது! டெல்லி மெட்ரோ, உ.பி மெட்ரோ, பேருந்து, பேட்டரி ரிக்‌ஷா, ஆட்டோ என்று எல்லாவற்றிலுமே பயணித்தோம்! உறவுகளிடத்தும், நட்புகளிடத்தும் பேசிக் கொண்டிருந்ததை விட பயணத்தில் தான் நெடுநேரம் சென்றது என்று சொல்லலாம்…:)

நெடுந்தூரம் பயணிக்க மெட்ரோ ஒரு வரப்பிரசாதம் என்று சொல்லணும்! 20 ஸ்டேஷன்களைக் கூட அலுப்பில்லாமல் கடக்க முடிகிறது! பேருந்திலும் சிகப்பு வண்ணம் கொண்டது குளிர்வசதியுடன் நெடுந்தூரம் பயணிக்க ஏதுவாக இருக்கிறது! நீலவண்ணங் கொண்ட பேருந்து 100% Electric 0% Smoke  Switch Delhi Ecolife என்றும் உலவுகிறது! ஆனால் ஒன்று எந்தப் பேருந்தாக இருந்தாலும் மகிளாவுக்கு இலவசம் தான்! அது தான் சங்கடத்தைத் தருகிறது..🙂

பல வருடங்களுக்குப் பிறகான சந்திப்பில் அசைபோடவும், பகிர்ந்து கொள்ளவும் நிறைய விஷயங்கள் இருந்தன! இங்குள்ள வாழ்க்கை முறையும், அங்குள்ள வாழ்க்கை முறையும் ஒப்பிட்டு பார்த்து பேசிக் கொண்டோம்! நிச்சயம்! நிறைய நிறைய வித்தியாசப்படுகிறது என்று தான் சொல்லணும்! 

ஆனால் என்னால் எல்லா இடத்திலுமே ஒரே மாதிரி தான் இருக்க முடிகிறது! அப்படித்தான் இருக்கணும் என்று நினைக்கிறது என் மனது! யாருக்காகவும் என்னை நான் மாற்றிக் கொள்ளவில்லை! இது சரி தானா என்று தெரியவில்லை…:)

******

Dilli Haat

ஞாயிறு மாலை Huda city Centre செல்லும் மெட்ரோவில் பயணித்து INA marketல் இறங்கிக் கொண்டோம். இங்கு எப்போதுமே கடைகள் போடப்பட்டிருக்கும்! தவிர நிகழ்ச்சிகளும் ஏதேனும் நிகழ்ந்து கொண்டிருக்கும்!  சென்ற முறை டெல்லி வந்த போது இங்கு சென்ற போது டெல்லி எலெக்‌ஷன் என்பதால் அன்று கடைகள் எதுவும் போடப்படவில்லை! 

இந்த முறை நாங்கள் சென்ற அன்று Azadi ka Amrit Mahotsav என்ற பதாகையுடன் வண்ணமயமாய் காட்சியளித்தது அந்த இடம்! இங்கு  துணிக்கடைகள், கலைப்பொருட்கள், காதணிகள், பலவிதமான உணவுகள் என்று இருந்ததால் எங்கும் கூட்டமாய் மக்கள் உலவிக் கொண்டிருந்தனர்! 

அடுத்து அன்றைய நிகழ்ச்சியாக வடகிழக்கு மாநிலங்களின் பாரம்பரியத்தையும், கலாச்சாரத்தையும் வெளிப்படுத்தும் விதமாக நடனங்கள் ஏற்பாடு செய்யப்பட்டிருந்தன! ஒவ்வொரு நிகழ்வும் மனதை உற்சாகப்படுத்தி கைகளை தட்ட வைத்தது! 

நிகழ்ச்சி நிறைவடைந்ததும் அங்கேயே இடம்பெற்றிருந்த ஸ்டால்களில் நாங்கள்  மகாராஷ்ட்ராவினைத் தேர்ந்தெடுத்து மூவருக்கும் Aamras puri Aloo sabji with mint chutney ஆர்டர் செய்து சுவைத்தோம்! நன்றாகவே இருந்தது! இனிமையான மாலைப்பொழுதை செலவிட்ட பின்னர் அங்கிருந்து ஆட்டோ பிடித்து வீடு வந்து சேர்ந்தோம்!

******

Honeymoon...!!

என்னடா இது சோதனை?? இத்தனை வருஷத்துக்கு அப்புறமா??? இவ தொல்லைக்கு ஒரு எல்லையே இல்லையா?? 

அப்படியெல்லாம் நீங்க நினைச்சு பதற வேண்டாம்...🙂

இந்த படத்திலிருக்கும் ஸ்வீட்டுக்கு பெயர் தான் Honeymoon. ஆமாங்க சத்தியமா இந்த இனிப்புக்கு பெயர் தான் Honeymoon..🙂

சென்ற முறை டெல்லி வந்த போது பெங்காலி ஸ்வீட்ஸில் இந்த இனிப்பை பார்த்ததும் வாங்கிப் பார்க்கலாம் என்று சொல்லியிருந்தேன். விசாரித்ததில்  கடைக்காரர் இதில் chena சேர்த்து செய்திருப்பார்கள் என என்னவரிடம் சொல்ல, அதை கடலைப்பருப்பு என்று நினைத்துக் கொண்டு எப்படி இருக்குமோ தெரியாது! நீ வேணா சாப்பிடு! என்று அப்பாவும், மகளும் எனக்கு கம்பெனி தர மாட்டேன் என்று சொல்லி விட்டார்கள்...🙂 அதனால் நானும் வேண்டாமென சொல்லிவிட்டேன்..🙂

பின்பு தான் தெரிந்தது பெங்காலியில் chena என்பது பனீர் என்று..🙂 ஹா..ஹா..ஹா..

அப்புறமென்ன!  நேற்றைய மாலைப்பொழுதில் என்னவர் சர்ப்ரைசாக வாங்கி வந்த  ஹனிமூனோடு மூவரும் ஐக்கியமானோம்..🙂  மண்குவளையில் சில்லென்று ருசித்த ஹனிமூன் வேற லெவல்...🙂 ஏறக்குறைய ரஸமலாய் போன்று ரோஸ் எசன்ஸுடன் மேலே பாதாம் flakes உடன்..!!

வாய்ப்பு கிடைத்தால் நீங்களும் ஹனிமூனோடு உங்களை பிணைத்துக் கொள்ளலாம்..🙂

தலைநகர் பயணக் குறிப்புகள் தொடரும். 

******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

ஆதி வெங்கட்