ரோஜா பூந்தோட்டம் – தலைநகரிலிருந்து – நிழற்பட உலா…

அனைத்து பதிவுலக நண்பர்களுக்கும் இனிய காலை வணக்கம்.  இந்த நாளை, கவிமலர் என்பவர் எழுதிய நல்லதொரு கவிதையுடன் ஆரம்பிக்கலாமா?

 

உன்

அழகிலும்

வாசத்திலும்

மதி மயங்கி

கிடக்கிறேன்

அதிலும்

உன் இதழில்

பனித்துளியை

காண்கையில்

மென்மேலும்

காதல் கொள்கிறேன்…

…

…

…

…

ரோஜாப்பூவே!

தலைநகரின் ஷாந்தி பத் பகுதி – வெளிநாடுகளின் தூதரகங்கள் நிறைந்த பகுதி.  அந்தப் பகுதியில் சாலையின் இருபுறங்களும் அழகான புல்வெளிகளும், பூஞ்செடிகளும் உண்டு. கூடவே சிறந்த பராமரிப்பும்.  எல்லா நாட்களிலும் அங்கே பூக்கள் பூத்துக் குலுங்குவதைக் காண முடியும்.  அந்தப் பகுதியில் இருக்கும் இரயில் அருங்காட்சியகம் அருகே இரண்டு பூங்காக்கள் – ஒன்று BRICS ROSE GARDEN மற்றொன்று INDO AFRICAN FRIENDSHIP GARDEN.  சென்ற வாரத்தின் விடுமுறை நாளொன்றில் இந்தப் பூங்காக்களுக்குச் சென்று வரலாம் என முடிவு செய்திருந்தோம் – தோம் என இங்கே குறிப்பிடக் காரணம் முடிவு செய்தது நானும் நண்பர் பத்மநாபனும்.  பத்மநாபன் அவர் வீட்டிலுருந்தும், நான் என் வீட்டிலிருந்தும் ஒரே சமயத்தில் புறப்பட்டு அங்கே சந்திப்பது என முடிவு செய்தோம். அவர் முன்னரே வந்து சேர, நான் பேருந்து கிடைக்காத காரணத்தால் சற்றே தாமதமாக சென்று சேர்ந்தேன்.  முதல் நாள் பெய்த மழையில் ரோஜாக்கள் பல தங்கள் இதழ்களை இழந்திருந்தாலும் இருந்த பூக்களை மட்டும் பார்த்து ரசித்ததோடு, எனது காமிராவிலும் சிறைபிடித்து வந்தேன். 

அப்படி எடுத்த நிழற்படங்கள், இந்த வாரத்தின் நிழற்பட உலாவாக இதோ உங்களோடு பகிர்ந்து கொள்கிறேன். ரோஜாவின் படங்கள் உங்களுக்கும் பிடித்திருக்கும் என நம்புகிறேன். 

நண்பர்களே, இந்த வாரத்தின் நிழற்பட உலா உங்களுக்குப் பிடித்திருந்ததா என்பதை பின்னூட்டத்தில் சொல்லுங்களேன். விரைவில் வேறு ஒரு பதிவுடன் மீண்டும் ச[சி]ந்திப்போம்...

நட்புடன்

வெங்கட்

புது தில்லி