கருப்பென்ன சிவப்பென்ன – படங்களின் உலா

Photo of the day Series – Part 5

கடந்த வாரத்தில் #Photo_of_the_day என்ற தலைப்பில் முகநூலில் பகிர்ந்து கொண்ட படங்களின் தொகுப்பு இந்த ஞாயிறில் இதோ உங்களுடன்…. இங்கேயும் ஒரு சேமிப்பாக…

படம்-1: எடுத்த இடம் – திருவரங்கம், மே 2018 – சித்திரைத் தேர் திருவிழா.

திருவரங்கத்து வீதிகளில் தேரோட்டத்தின் போது எடுத்த படம். கைகளில் சங்கு, தோளில் தொங்கும் பரங்கிக்காயால் ஆன பழங்காலத்து ஹேண்ட் பேக்…. பொதுவாக சுரைக்காயால் ஆன குடுக்கை வைத்துக் கொள்வது தானே வழக்கம்!

படம்-2: எடுத்த இடம் – திருவரங்கம், மே 2018 – சித்திரைத் தேர் திருவிழா.

ஒவ்வொரு மனிதனுக்குள்ளும் நல்லெண்ணங்களும் தீய எண்ணங்களும் இருக்கின்றன.  எவை அதிகமாக இருக்கிறதோ அதைப் பொறுத்தே அவன் நடந்து கொள்கிறான்.  இந்தக் குழந்தைகள் சாத்தானின் கொம்புகளை மாட்டிக் கொண்டிருந்தாலும், நல்ல எண்ணங்களுடன், சிரித்த முகத்துடனும் இருக்கிறார்கள்! இந்தப் பருவத்தில் இப்படி விளையாடுவது தானே இயல்பு… கொம்பை வாங்கி மாட்டிப் பார்க்க ஆசை இருந்தது! வெட்கம் தடுத்தது! முன்பெல்லாம் தில்லியில் கிடைத்துக் கொண்டிருந்தது. இப்போது தமிழகத்திலும் கிடைக்கிறது இந்த சாத்தான் கொம்புகள் – இதில் விளக்கு வேறு எரியும்!

படம்-3: எடுத்த இடம் – திருவரங்கம், மே 2018 – சித்திரைத் தேர் திருவிழா.

முதுமை ஒரு வரம்.  “வயதாகிறதே என்று வருத்தப் படாதீர்கள். அந்த வாய்ப்பு எல்லோருக்கும் கிடைப்பதில்லை!”

படம்-4: எடுத்த இடம் – திருவரங்கம், மே 2018 – சித்திரைத் தேர் திருவிழா.

என்னடா நடக்குது இங்கே…..

ஒண்ணுமே புரியலையே! யாராவது சொல்லுங்கப்பா…

கண்களில் தெரியும் கேள்விகள் ….

பதில் சொல்வார் யாரோ?

படம்-5: எடுத்த இடம் – திருவரங்கம், மே 2018 – சித்திரைத் தேர் திருவிழா.

வாழ்க்கை என்பது ஐஸ்க்ரீம் மாதிரி….

டேஸ்ட் பண்ணினாலும் கரையும்….

வேஸ்ட் பண்ணினாலும் கரையும்….

அதனால வேஸ்ட் பண்ணாம,

டேஸ்ட் பண்ணுவோம்! 

மகிழ்ச்சி என்பது உங்கள் கையில்…. மகிழ்ச்சியாக இருப்போம்!

படம்-6: எடுத்த இடம் – திருவரங்கம், மே 2018 – சித்திரைத் தேர் திருவிழா.

நிறங்களில் கருப்பென்ன, சிவப்பென்ன, மனத்தில் கள்ளம் கபடம் இல்லாவிட்டால் போதும். நல்ல எண்ணங்கள் நம்மை வழிநடத்தட்டும். 

“அண்ணே, என்னை ஒரு ஃபோட்டோ புடிக்கறீங்களா?” என்று அவராகவே கேட்க, நான் எடுத்த புகைப்படம். வெள்ளந்தியாகவே இருந்து விட்டால் சுகம் தான். அவர் கேட்காவிடினும் எடுத்திருப்பேன் என்பது வேறு விஷயம்.

படித்ததில் பிடித்த கவிதை ஒன்று….

வெள்ளையான

நிறமா அழகு?

இல்லையடி

என் செல்லமே…

வெள்ளந்தியான

உன்

உள்ளமே அழகு...

     நவீன் ப்ரகாஷ். 

பகிர்ந்து கொண்ட படங்கள் உங்களுக்குப் பிடித்திருந்ததா என்பதைச் சொல்லுங்களேன். படங்களில் உங்களுக்குப் பிடித்த படம் எது, படம் பார்த்த போது தோன்றிய எண்ணம் என்ன என்பதையும் சொல்லுங்கள் – முடிந்தால் கவிதையாகவும் எழுதலாமே – பின்னூட்டத்தில்….

இதுவரை Photo of the Day Series-ல் வெளியிட்ட படங்கள் அனைத்தையும் பார்க்க…..

Photo of the day Series-2018

மீண்டும் ச[சி]ந்திப்போம்…

 

நட்புடன்

வெங்கட்

புது தில்லி.