சுதந்திர தினம் - வாழ்த்துகள்

அனைத்து பதிவுலக நண்பர்களுக்கும் இனிய காலை வணக்கம். இன்றைய பொழுதை, ஒரு இனிமையான வாசகத்துடன் ஆரம்பிக்கலாம்.

எவன் ஒருவன் தன் தற்காலிக நலனுக்காகச் சுதந்திரத்தை விட்டுக் கொடுக்கிறானோ அவன் ஒரு பொழுதும் சுதந்திரம் பெறத் தகுதியுடையவனல்ல – ஃப்ராங்க்ளின்.

இன்றைக்கு நம் சுதந்திர தினம். பாரதியார் - சுதந்திரத்திற்கு முன்னரே அவர் நம்மிடையே இல்லாது போனாலும் அவருடைய தீர்க்க தரிசனப் பார்வை மூலம் இந்திய சுதந்திரத்தினை கண்டவர். இந்த நாளில் நமது தேசத்தின் கொடி பற்றி எழுதிய அவர் பாடலை இங்கே பகிர்ந்து கொள்வதில் மகிழ்ச்சி… பட்டொளி வீசிப் பறக்கட்டும் நம் தேசியக் கொடி…

   

பல்லவி

தாயின் மணிக்கொடி பாரீர்! – அதைத்

தாழ்ந்து பணிந்து புகழ்ந்திட வாரீர்!

சரணங்கள்

ஓங்கி வளர்ந்ததோர் கம்பம் – அதன்

உச்சியின் மேல் வந்தே மாதரம் என்றே

பாங்கின் எழுதித் திகழும் – செய்ய

பட்டொளி வீசிப் பறந்தது பாரீர்! (தாயின்)

பட்டுத் துகிலென லாமோ? – அதில்

பாய்ந்து சுழற்றும் பெரும்புயற் காற்று

மட்டு மிகுந்தடித் தாலும் – அதை

மதியாதவ் வுறுதிகொள் மாணங்க்கப் படலம் (தாயின்)

இந்திரன் வச்சிரம் ஓர்பால் – அதில்

எங்கள் துருக்கர் இளம்பிறை ஓர்பால்

மந்திரம் நடுவுறத் தோன்றும் – அதன்

மாண்பை வகுத்திட வல்லவன் யானோ? (தாயின்)

கம்பத்தின் கீழ் நிற்றல் காணீர் – எங்கும்

காணரும் வீரர் பெருந்திருக் கூட்டம்

நம்பற்க் குரியர் அவ்வீரர் – தங்கள்

நல்லுயிர் ஈந்தும் கொடியினைக் காப்பார். (தாயின்)

அணியணி யாயவர் நிற்கும் – இந்த

ஆரியக் காட்சியோர் ஆனந்தம் அன்றோ?

பணிகள் பொருந்திய மார்பும் – விறல்

பைந்திரு வோங்கும் வடிவமும் காணீர்! (தாயின்)

செந்தமிழ் நாட்டுப் பொருநர் – கொடுந்

தீக்கண் மறவர்கள் சேரன்றன் வீரர்

சிந்தை துணிந்த தெலுங்கர் – தாயின்

சேவடிக் கேபணி செய்திடு துளுவர். (தாயின்)

கன்னடர் ஓட்டிய ரோடு – போரில்

காலனும் அஞ்சக் கலக்கும் மராட்டர்,

பொனகர்த் தேவர்க ளொப்ப – நிற்கும்

பொற்புடையார் இந்துஸ் தானத்து மல்லர் (தாயின்)

பூதலம் முற்றிடும் வரையும் – அறப்

போர்விறல் யாவும் மறுப்புறும் வரையும்

மாதர்கள் கற்புள்ள வரையும் – பாரில்

மறைவரும் கீர்த்திகொள் ரஜபுத்ர வீரர் (தாயின்)

பஞ்ச நதத்துப் பிறந்தோர் – முன்னைப்

பார்த்தன் முதற்பலர் வாழ்ந்தநன் னாட்டார்,

துஞ்சும் பொழுதினும் தாயின் – பதத்

தொண்டு நினைந்திடும் வங்கத்தி னோரும் (தாயின்)

சேர்ந்ததைக் காப்பது காணீர்! அவர்

சிந்தையின் வீரம் நிரந்தரம் வாழ்க!

தேர்ந்தவர் போற்றும் பரத – நிலத்

தேவி துவஜம் சிறப்புற வாழ்க! (தாயின்)

அனைவருக்கும் இனிய சுதந்திர தின நல்வாழ்த்துகள்.

நாளை வேறு ஒரு பதிவில் மீண்டும் ச[சி]ந்திப்போம்….

 

நட்புடன்

வெங்கட்

புது தில்லி