அழகை ரசிப்போம் வாங்க – நிழற்பட உலா – பகுதி ஒன்று

நண்பர்கள் அனைவருக்கும் இனிய காலை வணக்கம். இந்த ஞாயிறின் காலையில் உங்களை இப்பதிவின் மூலம் சந்திப்பதில் மகிழ்ச்சி. இந்த நாளை இனியதொரு பொன்மொழியுடன் துவங்கலாம்…

குறிக்கோளை அடையும் முயற்சியில் தான் மகிமை இருக்கிறது. அந்த குறிக்கோளை அடைவதில் இல்லை – மகாத்மா காந்தி

சென்ற வாரத்தில் ஹிமாச்சலப் பிரதேசத்தின் சில பகுதிகளுக்கு பயணம் சென்று வந்தேன். முதுகுச் சுமையோடு ஒரு பயணம் – உள்ளூர் பேருந்துகளில் ஏறிக்கொண்டு நினைத்த இடங்களில் இறங்கி கால்நடையாகப் பயணித்து, நதிக்கரையோரங்களில் அமர்ந்து இயற்கையையும், அங்கே நிலவும் அமைதியான சூழலையும் ரம்மியமான காட்சிகளையும் ரசித்து வந்தேன். உடன் ஒத்த கருத்துகளை உடைய நண்பர் ப்ரமோத்! எத்தனை இன்பம் வைத்தாய் இறைவா என்று சொல்லாத மணித்துளி இல்லை இந்தப் பயணத்தில்! பயணம் எங்கே, என்ன பார்த்தோம் என்பதை எல்லாம் முடிந்தால் பிறகு எழுதுகிறேன். இப்போதைக்கு பயணத்தில் பார்த்த சில இயற்கை அன்னையின் அருட்கொடை காட்சிகள் சில ஒரு முன்னோட்டமாக!

நண்பர்களே, இன்றைய பதிவு பற்றிய உங்கள் கருத்துகளைப் பின்னூட்டத்தில் சொல்லுங்களேன்.  நாளை வேறொரு பதிவில் ச[சி]ந்திப்போம்…

நட்புடன்

வெங்கட்.

புது தில்லி