மாட்டிர் புத்லா – குர்னியின் களிமண் பொம்மைகள் – நிழற்பட உலா

நண்பர்கள் அனைவருக்கும் இனிய காலை வணக்கம். இந்த ஞாயிறின் காலையில் உங்களை இப்பதிவின் மூலம் சந்திப்பதில் மகிழ்ச்சி. இந்த நாளை இனியதொரு வாசகத்துடன் துவங்கலாம்…

அன்புக்கு விலையில்லை! அதைத் தருவது தான் பெறுவதற்கு வழி! தந்தவருக்கும் லாபம்! பெற்றவருக்குக் லாபம்! – புத்தர்.

                                        

Ghகுர்னி – மேற்கு வங்காளத்தின் நாடியா மாவட்டத்தில் இருக்கும் ஒரு இடம் தான் இந்த இடம். ஜலங்கி நதியின் கரையோரத்தில் இருக்கும் இந்த இடம் ”மாட்டிர் புத்லா” என அழைக்கப்படும் களிமண் பொம்மைகளுக்குப் பிரசித்தி பெற்றது. மாட்டி/மிட்டி என்றால் மண் என்று அர்த்தம். ஹிந்தி/பெங்காலி இரண்டிலுமே! கிருஷ்ணாநகர் பொம்மைகள் என்றும் அழைக்கப்படும் இந்த பொம்மைகளை சுமார் 500 கலைஞர்கள் தயாரிக்கிறார்கள்.  கொல்கத்தாவிலிருந்து 140 கிலோமீட்டர் தொலைவில் அமைந்திருக்கும் இந்த இடமும் இந்த பொம்மைகளும் மிகவும் புகழ்பெற்றவை. சமீபத்தில் பெங்காலி நண்பர் ஒருவர் இந்தப் பொம்மைகள் பற்றிச் சொல்லியதோடு அடுத்த முறை அங்கே சென்று உங்களுக்காக சில பொம்மைகள் வாங்கி வருகிறேன் என்று சொன்னார் – உங்கள் வீட்டு கொலுவில் வைக்க வேண்டும் என்ற வேண்டுகோளுடன்! கொலு வரப் போகிறது ஆனால் அடுத்த வருட கொலுவில் தான் அவர் கொடுக்கும் பொம்மைகளை வைக்க வேண்டும்! மாட்டிர் புத்லா – சில களி மண் பொம்மைகளை இந்த வாரத்தின் நிழற்பட உலாவாகப் பார்க்கலாம் வாருங்கள்.

நண்பர்களே, இன்றைய பதிவு/நிழற்படங்கள் பற்றிய உங்கள் கருத்துகளைப் பின்னூட்டத்தில் சொல்லுங்களேன்.  நாளை வேறொரு பதிவில் ச[சி]ந்திப்போம்…

நட்புடன்

வெங்கட்.

புது தில்லி